Hechos 21:3 - Qullan Arunaca

³ Pascasinsti, Chipre sat isla uñtapjjta. Ch'ekäjj toker jaytanucusinsti Siria marcacamaw sarapjjta. Uca barcosti Tiro marcaruw carga jaytañapäna. Ucatwa ucar mantapjjta.

Aymar Bibliia 1986

³ Pascasinsti, Chipre sat isla uñtapjjta. Ch'ekäjj toker jaytanucusinsti Siria marcacamaw sarapjjta. Uca barcosti Tiro marcaruw carga jaytañapäna. Ucatwa ucar mantapjjta.

Qullan Arunaka DC

³ Sarkasinsti, Chipre sat wat'a ch'iqäx tuqi uñtapxta. Siria markakamaw sarapxta, ukatsti Tiro markaruw puripxta, barcon irnaqirinakaw q'ipinak ukan jaytañapäna, ukat ukar mistupxta.

Hechos 21:3 Jak'a apnaqawi uñst'ayäwi

2 Samuel 8:6

Ucatsti Davidajj janc'aquiw Damasco marcarojj guardianaca uscuraquïnjja Siria tokena, sirio jakenacasti Davidan apnakataw uñjasipjjäna, uqhamaraqui impuestonacsa pagapjjaraquïna. Uqhamaw Tatitojj Davidarojj atipjañ churäna, cawqharutejj sarcäna uca chekanacanjja.

Salmos 45:12

Tiro marcanquir reyin phuchapa, kamir marcanacajj churäwinacampiw suma chuymam jicjjatañ munapjje.

Salmos 87:4

“Nayar uñt'ir marcanac taypit aytä: Egiptoru, Babiloniaru, Filistearu, Tiroru, Etiopiaru; uca marcanacajj jumïpan utjapjje.”

Isaías 7:2

Ucapachawa rey Acazaru familiapampiru aca yatiyäwi yatiyapjjäna: —Siria jakenacajj Efraín marcampiw mayacht'asjje —sasa. Ucapachasti reyisa, take jakenacasa ajjsarañat qhathatipjjäna cunjämatejj kokanacajj montenjja thayataquejj qhathatejj uqhama.

Mateo 11:21

“¡Llaccañätaw jumajj, Corazín marca! ¡Camachcaquït jumajj, Betsaida marca! Tirompina Sidonampintejj take aca milagronacajj lurasispäna ucajja, ucspachaw jupanacajj take jan wali luräwinacapat arrepientisisinjja nayan ucar jutjjapjjasapäna, llaquisiñ luto isinacamp isthapita.

Mateo 4:24

Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Lucas 10:13

“¡Ay, cunaquïcani, Corazín marca! ¡Ay, cunaquïcaraquini jumataquejj, Betsaida marca! Tiro Sidón marcanacana, cuna milagronacatejj jumanac taypin lurasqui ucajj lurasisapänjja, cawquipachaw jupanacajj Diosarojj juchanacapat arrepientisisa cutiquipstapjjasapäna, uqhamarac luto isimp ist'ata, khellampis williquipasipjjaraquisapäna llaquisiñata.

Lucas 2:2

Aca nayrakat jacthapïwisti, Cireniojj Siria marca apnakcäna uca urunacanwa lurasïna.

Hechos 11:19

Cunapachatejj Estebanar jiwayapcän ucapachajja, Tatitur arquir maynïr iyawsirinacarojj t'akhesiyasaw arcnakapjjaraquïna. Ucatwa yakhepanacajj Chipre, Fenicia, uqhamarac Antioquía ucsanacar jaltjjapjjäna. Ucansti jupanacajj judionacaruquiw Tatitjjatjja parlapjjäna.

Hechos 12:20

Rey Herodesasti wali coleratänwa Tironquirinacataqui, uqhamaraqui Sidonanquirinacataquisa, ucampis jupanacajj mä amtañaniquiw reyin uc jutapjjäna. Jupanacasti Herodesan orakenacapan achquis ucanacampiw jacapjjäna. Janïra Herodesampi jiquiscasajja Blasto chachar sumachasinwa jupa tok sumancañ mayipjjäna. Blastosti rey Herodesan utapanjja mä jilïrïnwa.

Hechos 13:4

Ucatsti Kollan Ajayun qhitatäjjasinjja, Bernabeampi Saulompejja, Seleuciaruw sarapjjäna, ucqhatsti Chipre islaruw botet sarapjjäna.

Hechos 15:23

Ucanacaruw cartjja apayapjjäna aqham sas kellkata: “Nanac apostolonacampi jilïrinacampi uqhamaraqui jilatanacampejj aruntanipjjsmawa Antioquianquir, uqhamarac Sirianquir, Cilicianquir jan judiöpquis uca jilatanacajjaru.

Hechos 15:39

Pablomp Bernabeampisti wal ch'ajjwapjjäna, payar jaljtañcama. Bernabeasti Marcosar irpjjarusisinjja, Chipreruw botet sarawayjjäna.

Hechos 15:41

Jupasti Siria chekaw pasawayäna, uqhamaraqui Cilicia cheka iglesianacana jilatanacar ch'amañcht'awayasa.

Hechos 18:18

Pablojj walja urunacampiw Corinto marcanjj kamarascaquïna. Ucatsti jilatanacar jiquisiñcama sawayasinsti Siria tokenacaruw barcot sarawayjjäna, Priscilamp Aquilamp cuna. Cencrea marcansti Pablojj janïr barcor mantcasinjja, ñic'utapwa k'al mururayasiwayi, mä arsutapar phokhañataqui.

Hechos 21:16

Cesareanquir mä kawkha jilatanacasti nanac chicaw sarapjje. Jupanac chicasti Chiprenquir Mnasón jilatas sararaquïnwa. Aca jilatasti jaya maranacaw Tatitur arcatayna. Nanacasti jupan utaparuraquiw korpachasipjjañajjäna.

Hechos 21:2

Pátara marcansti mä barco jicjjatapjjta Fenicia marcar sarasquiri. Uca barcor mantasinwa sarjjapjjta.

Hechos 21:7

Tiro marcat barcot sarjjasinjja, Tolemaida marcacamaw puripjjta. Ucansti jilatanacampiraquiw jiquisipjjta. Jupanacampisti mä ururaquiw kamarapjjta.

Hechos 27:4

Sidonat mistusinsti, Chipre isla aynachäjjwa pasawayapjjta, thayajj maysar thayatap laycu.

Hechos 4:36

Jupanac taypinsti Chiprenquir mä levita jakew utjäna, José sata. Juparusti apostolonacajj Bernabé sasaw sutichapjjaraquïna. (Uca sutisti “chuymachiri” sañ muni.)

Jueces 10:6

Israelitanacasti wastatampiw Dios nayrakatana jan walinac lurjjapjjaraquiquïna cunayman Baal Astarté sat c'ari diosanacar yupaychasina. Uqhamarac Siria, Sidón, Moab, Amón uca marcanquirinacan diosanacaparu, filisteonacan diosanacapar yupaychasinjja Diosaru take chuyma yupaychañjja apanucjjapjjänwa.