Hechos 20:6 - Qullan Arunaca

⁶ Nanacasti jan levaduran t'ant'a mank'añ fiesta pasatatwa, Filipos marcat barcot sarawayjjapjjta. Pheska urutwa jupanacarojj Troas marcanjja jicjjatjjapjjta. Ucansti pakallk ururaquiw kamarapjjta.

Aymar Bibliia 1986

⁶ Nanacasti jan levaduran t'ant'a mank'añ fiesta pasatatwa, Filipos marcat barcot sarawayjjapjjta. Pheska urutwa jupanacarojj Troas marcanjja jicjjatjjapjjta. Ucansti pakallk ururaquiw kamarapjjta.

Qullan Arunaka DC

⁶ Nanakasti, jan levaduran t'ant'a manq'añ uruyañ uru qhipat Filipos markat barcot sarawayxapxta. Phisqa urut jupanakarux Tróade markan jikxatxapxta. Ukansti paqallq uruw qamarapxta.

Hechos 20:6 Jak'a apnaqawi uñst'ayäwi

Éxodo 23:15

Lurätawa jan levaduran t'ant'a mank'añ fiesta, ucsti lurätawa cunjämtejj nayajj siscsma uqhamarjama. Aca fiesta lurasinsti pakallko uruwa jan levaduran t'ant'jja mank'äta. Uqhamsti lurätawa Abib sat phajjsina, uca phajjsinwa Egiptota mistuntajja. Ucampis aca fiestanjja janiw qhitisa jan cunsa apanisajj uqhamaqui nayar uñstirejj jutañapäquiti.

Éxodo 34:18

“Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Hechos 12:3

Judionacatac uqham walïtap uñjasinsti, Herodesajj Pedrorojj catuntayaraquïnwa. Uca urunacasti jan levaduran t'ant'a mank'añ fiesta urunacänwa.

Hechos 16:10

Pablon uca unañchäwi uñjatapatsti ucspachaw Macedoniar sarañataqui waquichasipjjäyäta, khanpach Diosan jawsatapar amuyasina jupanacar yatiyañataqui Tatit toke khespiyasiñajj utjatapata.

Hechos 16:12

Ucqhatsti Filipos marcaruraquiw sarapjjta. Uca marcasti Romanquir jakenacan apnakatawa, Macedonia ucsa tokensti wali aytat marcaraquiwa. Ucanjja mä kawkha urunacaraquiw kamarapjjta.

Hechos 16:8

Misia toke sarasinsti Troasaruw sarakapjjäna.

Hechos 20:16

Pablojj janiw walja urunaca Asia tokenjj kheparañ muncänti, ucatwa Éfeso marcarojj jan maqhatcänti. Jupasti janc'aquiw Jerusalenar puriñ munäna, waquischi ucqhajja, Pentecostés fiestan ucancañataqui.

Hechos 20:5

Uca jilatanacasti nayrst'asinjja Troas marcatwa suyt'apjjetu.

Hechos 21:4

Ucan jilatanacar jicjjatasinsti, pakallk uruw jupanacamp kamarapjjta. Jupanacasti Kollan Ajayun yatiyataw Pablorojj sapjjäna —Jan Jerusalenar saramti —sasa.

Hechos 21:8

Khepürusti Pablompi jupamp chic sarapcäns ucanacampejja, mistuwayjjasin Cesarea marcaruw puripjjta. Ucansti Diosan arunacap parlir Felipen utaparuw sarapjjta. Jupan utapanaracwa kamarapjjta. Jupasti pakallko diacononacatjja maynïrïnwa.

Hechos 28:14

Ucansti mä kawkha jilatanacaruw jicjjatapjjta. Jupanacasti sapjjaraquituwa: “Mä seman kamart'awayañäni” sasa. Ucatsti khepürojj Roma marcaruraquiw mistuwayapjjta.

Filipenses 1:1

Naya Pablompi, Timoteompi Jesucriston sirvirinacapaw aca carta Filipos marcanquir jilatanacar kellkanipjjsma, uqhamarac obisponacarusa, diacononacarusa. Jumanacasti Diosatac ajllitäpjjtawa, Jesucristompisti mayaquïpjjaractawa.

1 Tesalonicenses 2:2

Nayrajj Filipos marcanjj jisc'achatäpjjchïyätsa, uqhamarac chhojjriñchjatäpjjchïyätsa, jumanacajj ucjj yatjjapjjtawa, Diosaw nanacaru yanapapjjetu jupan khespiyasiñ arunacap take iyawsañampi jumanacar yatiyañataqui, jach'a t'akhesïw taypina.

2 Timoteo 4:13

Jutcäta ucqhajja, abrigojj apanirapitäta, Troas marcana Carpon utapan jaytatäsquiwa, uqhamarac libronacajjsa apanirapitäta, ucampi papelanacajj janipuniw armanirapitätati.