Hechos 20:3 - Qullan Arunaca

³ Ucansti quimsa phajjsiraquiw ucancäna. Cunapachatejj Pablojj Siria toker mistjjañataquëjjänjja, ucqhaquiw jupajj yatïna judionacan jupa contra jan wali amtapjjatapa. Ucatwa jupajj amtäna Macedonia cheka sarjjaña.

Aymar Bibliia 1986

³ Ucansti quimsa phajjsiraquiw ucancäna. Cunapachatejj Pablojj Siria toker mistjjañataquëjjänjja, ucqhaquiw jupajj yatïna judionacan jupa contra jan wali amtapjjatapa. Ucatwa jupajj amtäna Macedonia cheka sarjjaña.

Qullan Arunaka DC

³ ukansti kimsa phaxsiw qhiparäna. Pablox Siria tuqir barcot mistuñatakïxän ukapachaw jupax yatïna judionakan jupar ñanqha lurañ amtapxatapa. Ukat jupax wañanjam kuttañ amtäna, Macedonia chiqa wasitat sarasa.

Hechos 20:3 Jak'a apnaqawi uñst'ayäwi

Esdras 8:31

Kallta phajjsina tunca payan uru sarakataruwa Ahava sat jawiratjja sartanjjapjjta Jerusalén marca tokeru. Diosasasti yanapapjjetuwa thaquina uñisirinacata, lunthatanacatsa imasa.

Proverbios 1:11

Inas sapjjaracchïtam ‘Jutam, nanacampi chica sararaquim, ucatsti munañasaru mä sipita waquichañäni, mä qhiti jan juchani pasasquiri jakeru jiwayañataqui.

Jeremías 5:26

Marcajjansti ñankha jakenacaw utji, jupanacasti jamach'inac jiwayirinacjamaw suyjjatasipqui, mayninacaru catuntañataquisti sipitanac uscusipcaraqui.

Mateo 4:24

Acanacasti yatisïnwa take Siria tokenacana, ucatsti cunayman usutanacaruraquiw Jesusan ucarojj apanipjjäna c'umaraptayañapataqui, uqhamarac ñankha ajayun mantatanaca, t'ucu usuninaca, suchunaca, uqhamarac take jan kollcay usutanacarus apanipjjäna. Jesusasti jupanacarojj c'umaraptayänwa.

Hechos 16:12

Ucqhatsti Filipos marcaruraquiw sarapjjta. Uca marcasti Romanquir jakenacan apnakatawa, Macedonia ucsa tokensti wali aytat marcaraquiwa. Ucanjja mä kawkha urunacaraquiw kamarapjjta.

Hechos 16:9

Ucansti Pablojj mä arumajj, mä unañchäwi uñjäna. Uca unañchäwinsti Macedonia tokenquiri mä chacharuw uñjäna sayt'ata, jupar aqham achict'asiri: “Macedoniar past'anisin yanapt'apjjeta” sasa.

Hechos 18:18

Pablojj walja urunacampiw Corinto marcanjj kamarascaquïna. Ucatsti jilatanacar jiquisiñcama sawayasinsti Siria tokenacaruw barcot sarawayjjäna, Priscilamp Aquilamp cuna. Cencrea marcansti Pablojj janïr barcor mantcasinjja, ñic'utapwa k'al mururayasiwayi, mä arsutapar phokhañataqui.

Hechos 19:21

Ucanac khepatsti Pablojj Macedonia, Acaya tokenaca uñjt'aniñwa amtäna, ucatsti Jerusalenar sarjjañataquiraquiw jupajj säna: “Jerusalenar sarjjatatsti, Roma marcar sarañajjaraquiwa” sasa.

Hechos 20:1

Uca ch'ajjwanac tucutatsti, Pablojj iyawsirinacaruw jawsthapïna, jupanacar ewjjt'añataqui. Ucatsti jupanacatjja mä suma khomantampi jaytawayasaw Macedoniar sarawayjjäna.

Hechos 20:19

Jan inact'asaraquiw jumanac taypinjj Tatiturojj sirviwayta take alt'at chuymampi, walja jachañanacana yant'anacanraqui, judionacan naya contra amtapjjatap laycu.

Hechos 20:2

Ucar purisinsti, takewjanacaruw tumpt'awayäna. Jilatanacarusti mä suma arunacapamp ch'amacht'awayasasti, Greciaruw purjjäna.

Hechos 21:3

Pascasinsti, Chipre sat isla uñtapjjta. Ch'ekäjj toker jaytanucusinsti Siria marcacamaw sarapjjta. Uca barcosti Tiro marcaruw carga jaytañapäna. Ucatwa ucar mantapjjta.

Hechos 25:3

Jupanacasti mä jach'a yanapt'wa mayipjje Festo marca apnakerirojja, Pablor Jerusalenar irpayaniñapataqui. Ucampis jupanacajj Pablor thac jutquïpana jiwayañwa amtapjjäna.

2 Corintios 1:15

Ucar iyawsasa nayajj jumanacar uñjiriw nayrakat jutañ munäyäta, jumanacan cusisipjjañamataqui pä cuti tumpt'atajjata.

2 Corintios 11:26

Walja cutiw sarañanacancta, ucatsti walja cutiraquiw jawiranacampis niya apayasta, lunthatanac toketsa ajjsarañajjajj utjaraquïnwa, pachpa marca masinacajjatsa uqhamarac jaya jakenac toketsa. Walja cutiw marcanacan jan walt'añanacan uñjasta, uqhamaraqui wasaranacansa, kotansa; ajjsarañajjasti janiraquiw jayanccänti c'ari jilatanac taypinsa.

2 Corintios 7:5

Macedoniar purinipcta ucqhatpachjja janiw samarapcti, jan ucasti take chekana ucqhan, acqhana jan walt'añanacjja jicjjatapjjta. Nanacarusti jan walt'añanacaraquiw muyuntapjjetänjja, chuymanacajjansti ajjsarañanacaraqui.

Gálatas 1:21

Uca pasatatjja Siria, uqhamarac Cilicia ucsa tokenacaruw sarjjta.