Hechos 20:1 - Qullan Arunaca

¹ Uca ch'ajjwanac tucutatsti, Pablojj iyawsirinacaruw jawsthapïna, jupanacar ewjjt'añataqui. Ucatsti jupanacatjja mä suma khomantampi jaytawayasaw Macedoniar sarawayjjäna.

Aymar Bibliia 1986

¹ Uca ch'ajjwanac tucutatsti, Pablojj iyawsirinacaruw jawsthapïna, jupanacar ewjjt'añataqui. Ucatsti jupanacatjja mä suma khomantampi jaytawayasaw Macedoniar sarawayjjäna.

Qullan Arunaka DC

¹ Uka ch'axwanak tukutatsti, Pablox iyawsirinakaruw jawsthapïna, jupanakar iwxt'añataki. Ukatsti jupanakat mä suma qhumantampi jaytawayasaw Macedonia markar sarxäna.

Hechos 20:1 Jak'a apnaqawi uñst'ayäwi

Génesis 48:10

Israelasti sinti chuymanëjjaraquïnwa, nayrapas juyct'jjaraquïnwa. Janiw khana uñjañ puedcjjänti, uqhamasti Joseajj wawanacapwa awquipar irpcati, jupasti khomantasisin jamp'att'asi.

Hechos 11:26

Ucansti iglesiampejj mä maraw ucancäna, walja jakenacar yatichasa. Uca Antioquianwa iyawsirinacarojj nayrakatajj: “Cristor arquirinaca” sasa sutichapjje.

Hechos 16:12

Ucqhatsti Filipos marcaruraquiw sarapjjta. Uca marcasti Romanquir jakenacan apnakatawa, Macedonia ucsa tokensti wali aytat marcaraquiwa. Ucanjja mä kawkha urunacaraquiw kamarapjjta.

Hechos 16:9

Ucansti Pablojj mä arumajj, mä unañchäwi uñjäna. Uca unañchäwinsti Macedonia tokenquiri mä chacharuw uñjäna sayt'ata, jupar aqham achict'asiri: “Macedoniar past'anisin yanapt'apjjeta” sasa.

Hechos 19:21

Ucanac khepatsti Pablojj Macedonia, Acaya tokenaca uñjt'aniñwa amtäna, ucatsti Jerusalenar sarjjañataquiraquiw jupajj säna: “Jerusalenar sarjjatatsti, Roma marcar sarañajjaraquiwa” sasa.

Hechos 20:10

Pablosti pampar sarakanisinjja uca waynaruw khomanti. Ucatsti jilatanacarojj sänwa: —Jan sustjasipjjamti, jacasquiwa —sasa.

Hechos 20:2

Ucar purisinsti, takewjanacaruw tumpt'awayäna. Jilatanacarusti mä suma arunacapamp ch'amacht'awayasasti, Greciaruw purjjäna.

Hechos 20:3

Ucansti quimsa phajjsiraquiw ucancäna. Cunapachatejj Pablojj Siria toker mistjjañataquëjjänjja, ucqhaquiw jupajj yatïna judionacan jupa contra jan wali amtapjjatapa. Ucatwa jupajj amtäna Macedonia cheka sarjjaña.

Hechos 20:37

Takeniraquiw jacht'asisa Pablorojj khomantapjjäna jamp'att'apjjaraquïna.

Romanos 15:19

Cunaymani milagronacampi jach'a luräwinacampiw Kollan Ajayun ch'amap toke nayajj Diosan arupa parlañjja phokta, Cristonaqui khespiyasiñajj utjatap yatiyasina, Jerusalenat kalltasina Iliria ucqhacama.

Romanos 16:16

Jumanac purasti mä suma aruntt'asipjjaraquim jamp'att'asisa. Take iglesianacaw aruntanipjjtam.

1 Corintios 16:20

Take jilatanacan aruntanacap catokasipjjam. Jumanac purasti aruntt'asipjjaraquim jamp'att'asisa.

1 Corintios 16:5

Saräwejjanjja Macedonia cheka pasañajjaw waquisi, uca khepatjja Corintoruw purinï.

2 Corintios 13:12

Jumanac purasti mä suma jamp'att'asisaraqui aruntt'asipjjam.

2 Corintios 7:5

Macedoniar purinipcta ucqhatpachjja janiw samarapcti, jan ucasti take chekana ucqhan, acqhana jan walt'añanacjja jicjjatapjjta. Nanacarusti jan walt'añanacaraquiw muyuntapjjetänjja, chuymanacajjansti ajjsarañanacaraqui.

1 Tesalonicenses 5:26

Aruntarapipjjeta takpach jilatanacaru mä asqui jamp'att'ampi.

1 Timoteo 1:3

Cunjämatejj achict'ascäyäsmajja Macedonia ucsaru sarcasajja, jichhajj Éfeso marcar kheparam, ucan yakhep c'ari yatichirinacar ewjjt'añamataqui jan uca c'ari yatichäwinac yatichapjjañapataqui,