Hechos 2:41 - Qullan Arunaca

⁴¹ Qhitinacatejj Pedron arunacapar ist'asinjja jaysapcän ucanacajja, Diosaruw cutiquipstanjjapjjäna bautisasisina. Ucürusti mä quimsa warank jakenacjamaw iyawsirinacarojj yapjjattäna.

Aymar Bibliia 1986

⁴¹ Qhitinacatejj Pedron arunacapar ist'asinjja jaysapcän ucanacajja, Diosaruw cutiquipstanjjapjjäna bautisasisina. Ucürusti mä quimsa warank jakenacjamaw iyawsirinacarojj yapjjattäna.

Qullan Arunaka DC

⁴¹ Ukatsti, Pedron arunakapar ist'asin jaysirinakax, bautismo katuqapxäna; ukürusti niya kimsa waranqa jaqinakaw iyawsirinakarux yapxattäna.

Hechos 2:41 Jak'a apnaqawi uñst'ayäwi

Salmos 110:3

Marcamajj atipt'añam urunjja, jumaruw catuyasjjätam. Kollan kollunac patjjanjja, willjta sullar uñtataw wayna cancañamajj sapür machakaptani.”

Juan 14:12

Khanacwa sapjjsma, qhititejj nayar iyawsquitu ucajja, luraraquiniwa cuntejj nayajj lurctjja ucanaca, juc'amp jach'a luräwinacampwa lurani, Awquejjajj cawquincquitejj ucaru saratajj laycu.

Juan 21:11

Simón Pedrojj boteru mantasinjja kota thiycama jach'a chawllanacamp phokhantatwa känjja katatsuni. Chawllanacajj patac pheska tunca quimsanïnwa, ucqhamäcasinsa känajj janiw ch'iyascänti.

Hechos 1:15

Ucürunacansti patac pä tuncanjam jilatanacaw tantacht'asipjjäna. Ucatsti Pedrojj jupanac taypin sayt'asisinwa säna:

Hechos 13:48

Uc ist'asinsti, jan judionacäpquis ucanacajj cusisipjjänwa. Sapjjaraquïnwa: “Tatitun arunacapajj wali sumapuniwa” sasa. Ucatsti qhitinacatejj wiñay jacañatac waquichatäpcän take ucanacajj iyawsapjjaraquïnwa.

Hechos 2:37

Take acanac ist'asinsti, chuymanacapan wali llact'ataw uñjasipjjäna. Ucatsti Pedrompiru mayni apostolonacampirojj jisct'asipjjänwa: —Jilatanaca, ¿cuns lurapjjäjja? —sasa.

Hechos 2:47

Diosarusti wal yupaychapjjäna, take jakenacansa wali munatäpjjaraquïnwa. Tatitusti sapüruw iglesiar yapjjattayäna qhitinacatejj khespiyasiñapäcän ucanacampi.

Hechos 27:37

Uca barcon saririnacasti pä patac pakallk tunca sojjtanïpjjaraquïyätwa.

Hechos 3:23

Uca profetar take jan ist'irinacasti t'unjatäniwa. Israel marcatsti apanucutaraquïniwa.’

Hechos 4:4

Ucampis waljaniw Diosan arunacap ist'irinacatjja iyawsapjjäna. Takpach iyawsirinacasti chachanaccamaquiw mä pheska warankjamäna.

Hechos 7:14

Joseasti Jacob awquiparojj jac'aparuw jawsayasjjäna, uqhamarac takpach familianacapampirusa. Familiapasti pakallk tunca pheskani jakenacänwa.

Romanos 13:1

Takeniw autoridadanacarojj jaysapjjañama, janiraquiw cuna autoridadas jan Diosïpanjja utjcaspati, autoridadanaca utjquis ucanacasti Diosan uchatawa.

1 Tesalonicenses 1:6

Jumanacajj nanacaru uñtasaw sarnakapjjta, uqhamarac Tatituru uñtasa. Ucatsti Kollan Ajayojj churapctam uca cusisiñampiw Tatitun arunacapjja catokapjjta, jach'a t'akhesiñanacsa catokapcsta ucasa.

1 Pedro 3:20

Jupanacasti nayrajj jan ist'asiriw tucupjjäna cunapachatï Noé chachajj arca lurascän ucqhajj janiw jaysapcataynati, Diosajj jupanacar suyt'ascchïna ucasa. Uca arcansti quimsakallkoniquiraquiw uma toke khespiyasipjjäna.

Apocalipsis 16:3

Payïri angelasti copapjja jach'a kotjjaruw warjjatäna, ucatsti kotajj jiwat jaken wilapjamawa tucuwayäna, take kotan jaquirinacasti k'alaw jiwarapjjaraquïna.