Hechos 2:10 - Qullan Arunaca

¹⁰ Frigia, Pamfilia, Egipto, uqhamarac Cirenet juc'amp qhursa Africa tokenacatsa. Uqhamaraquiw acan utjir romanonacas acancapjje. Jupanacatjja mayninacajj nacïwipatpach judionacäpjjewa. Yakhepanacasti jan judiöcasin, judionacan arcatanacapar cutiquipstirinacaraquiwa.

Aymar Bibliia 1986

¹⁰ Frigia, Pamfilia, Egipto, uqhamarac Cirenet juc'amp qhursa Africa tokenacatsa. Uqhamaraquiw acan utjir romanonacas acancapjje. Jupanacatjja mayninacajj nacïwipatpach judionacäpjjewa. Yakhepanacasti jan judiöcasin, judionacan arcatanacapar cutiquipstirinacaraquiwa.

Qullan Arunaka DC

¹⁰ Frigia, Panfilia, Egipto, uksanakat jutapxtan, Cirene marka jak'a Libia uraqinakat jutapxaraktan. Roma markat waljaniw akankapxi, yaqhipanakax Creta wat'atpacha, Arabia quta thiyanakatpach jutapxi;

Hechos 2:10 Jak'a apnaqawi uñst'ayäwi

Génesis 12:10

Uca tiempojj take ucsa tokenacanjja mä jach'a mach'aw utjäna, Abramasti mä kawkha tiempo Egiptor jaquiriw sarjjäna, cawqhantejj jaccäna ucan jan cuna mank'añas utjatap laycu.

Ester (hebreo) 8:17

Take provincianacana, jach'a marcanacana, uqhamarac cawqha orakenacarutejj reyin arsutapajj purqui ucanjja judionacajja wali cusisiñaru c'uchiquïñaruw puripjjäna, ucatsti mank'añ fiestanacwa lurapjjäna. Ucampis marcanquir jakenacajj waljaninacaraquiw judiöcaspas uqhama tucupjjaraquïna, judionacatjja jupanacjjaru wali ajjsarañajj jutatap laycu.

Jeremías 46:9

“¡Caballeriajj sarantpan! ¡Carronacasti nayraru sarantapjjpan! ¡Guerran nuwasirinacasti sarantapjjpan; Etiopía, Libia tokenquir soldadonacasti escudonacampi armantata sarantapjjpan; Lidianquiri soldadonacasa, jupanacasti wali sum arconacjja apnakañ yatipjjpan!

Jeremías 9:26

Egipto, Judá, Edom, Amón, uqhamaraqui Moab orakenacarusa, take wasara token utjirinacarusa, qhitinacatejj paranacapa qhithurasipqui ucanacarusa. Take uca marcanacasti, uqhamaraqui Israel marcasa, chuymanacapanjja janiw Diosar uñt'apquiti.”

Ezequiel 30:5

Etiopía, Libia marcanquiri soldadonacas guerranwa jiwarapjjani, Lidia, take Arabia orakpacha, Cub ucanaca, yakha marcanquirinaca, cawquïrinacatejj juparu jakcattatäpqui ucanacas jiwarapjjaraquiniwa.

Daniel (hebreo) 11:43

Korit lurata, kollket lurat yänacwa apasjjaraquini, Egipto marcan take kamir cancañapsa apasjjaraquiniwa; ucjjarusti janc'aquiw Libia, uqhamaraqui Etiopía marcanacarojj wact'araquini.

Oseas 11:1

“Israel marcarustijj wawacän ucqhajj nayajj munasiyätwa; jupajj wawajjänwa, ucatsti Egiptot jawsaracta.

Zacarías 8:20

Acsti take ch'amani Tatituw sejja: “Ucampisa jutasipcaquiniwa jakenacajja, jach'a marcanacan utjiri jakenacasa.

Zacarías 8:23

Qhä urunjja, tunca jan uñt'atanacaw yakha marcanquirinacata mä judío jakerojj isipat catuntasipjjani, sapjjaraquiniwa: ‘¡Jumanacamp saraña munapjjta, nanacasti ist'apjjtwa Diosajj jumanacampïtapa!’ ” sasa.

Mateo 2:15

Uca Egipto marcansti Herodesan jiwañapcamaw ucancapjjaraquïna. Take acanacasti phokhasiscänwa cuntejj Diosajj profetap toke arscäna ucarjama: “Egiptotwa wawajjarojj jawsta” sasa.

Mateo 23:15

“¡Ay, camachapcaquïta jumanacajj ley yatichirinaca, fariseonaca, c'ari chuymaninaca! Jumanacajj wañanjama, kotanjama take cheka muytapjjtajja maynicsa jicjjatañataqui. Jumanacan saräwinacamar cutiquipstjje ucqhajja, uca jakerojj jumanacat sipansa juc'ampi infiernor sarirwa tucuyapjjtajja.

Mateo 27:32

Marcat mistcasinjja mä jakeruw jicjjatapjjäna. Jupasti Cirenenquirïnwa, sutipasti Simón sata. Juparuraquiw Tatitun crusapjja apayapjjäna.

Marcos 15:21

Uca horasasti Cirenenquir Simonaw pampat jutascäna, jupasti Alejandrompin Rufompin awquipänwa. Uca chek pasasquipanwa juparojj Jesusan crusapa k'epiyapjjäna.

Hechos 11:20

Chiprenquir, uqhamarac Cirenenquir mä kawkha iyawsirinacaw Antioquiar purisina, jan judionacäpquis ucanacar parlapjjaraquïna, Tatit Jesusanaqui khespiyasiñajj utjatapata.

Hechos 13:1

Antioquía iglesianjja utjaraquïnwa profetanaca, yatichirinaca. Ucanacasti acanacänwa: Bernabé, Simón (qhitirutejj “Negro” sas sutichapjjaraquïna), Cirenenquir Lucio, Manaén (qhititejj Galilea apnakeri Herodesamp chica uywatäcäna uca), Saulomp cuna.

Hechos 13:13

Pablompi, Bernabeampi uqhamarac Juanampejj Pafos sat puertotjja, Panfiliancquis uca Perge tokeruw barcot sarjjapjjäna. Ucqhansti Juanajj jupanacar jaytjawayasinjja Jerusalenaruw cutt'anjjäna.

Hechos 13:43

Sinagoga tantachasïwi tucuyjjatatsti, judionacat waljaniw Pablompi Bernabeampirojj arcapjjäna. Judionacan sarnakäwinacaparjam suma judío tucurinacasa arcapjjaraquïnwa. Pablompi Bernabeampisti jupanacarojj ewjjt'apjjaraquïnwa Diosan munasiñapan ch'aman sayt'apjjañapataqui.

Hechos 14:24

Uca khepatsti Pisidia tokenaca pasasinjja, Panfilia chekanacaruw puripjji.

Hechos 15:38

Ucampis Pablojj janiw Marcosarojj irpañ muncjjänti, nayra saräwinjj jupanacamp sarcasinjja jupajj Panfiliat cutt'anjjäna, ucatsti janiw jupanacamp chic irnakerejj sarcjjataynati uca laycu.

Hechos 16:6

Kollan Ajayojj jupanacarojj Tatitun arunacapjja janiw Asia marcan parlayañ muncänti. Ucatwa jupanacajj Frigia, uqhamarac Galacia tokenacaru sarjjapjjäna.

Hechos 17:21

Atenas marcanquir take jakenacasa, uqhamarac yakha marcat jutasin ucan utjirinacasa, machak yatichäwinacaqui ist'añ munapjjerïna, ucjjat parlañaquiraqui.

Hechos 18:2

Ucansti Aquila sat judío jakeruw jicjjataraquïna. Jupasti Ponto tokenquirïnwa. Ucürunacaquiw Aquilajj Priscila warmipampi Italia marcat purisinipcatayna, Claudio sat jach'a jilïr reyin take judionacan Romat mistjjapjjañapataqui mä arsüwi mistsuyatap laycu. Pablojj ucanacar uñjiriw saräna.

Hechos 18:23

Ucan mä kawkha urunac kamarasinsti, wasitatwa mistuwayi. Ucat iglesiat igleswa tumpawayi, iyawsirinacar ch'amañcht'asa, Galacia tokena, uqhamarac Frigia tokenacansa.

Hechos 2:11

Acancapjjaraquiw Creta marcanquirinacasa, arabenacasa. Takeniraquiw arunacasatcam parlir ist'tanjja Diosan jach'a muspharcañ luräwinacapjjata —sasa.

Hechos 23:11

Uca khepa arumasti Tatituw Pablorojj uñstäna. Ucat juparojj saraquïna: “Ch'amañcht'asim, Pablo. Cunjämtejj aca Jerusalén marcan nayat parlctajja, uqhamaraquiw Roma marcan parlañamajja waquisi” sasa.

Hechos 27:5

Ucatsti Cilicia marca, uqhamarac Panfilia marca jac'a pasawayasinjja, Licianquir Mira marcaruw purjjapjjta.

Hechos 28:15

Romanquir jilatanacasti nanacan puriñajj-jja yatipjjaraquïnwa. Ucatwa thaquir catokeri jutapjjäna, Foro de Apio satäquis ucacama. Jiquisipcta ucawjasti “Tres Tabernas” sataraquïnwa. Pablojj jupanacar uñcatasinsti, Diosaruw yuspagari, ucatsti wal cusisiraquïna.

Hechos 6:5

Aca arunacarusti takeniw: “Waliquiw” sapjjäna. Ucatsti Estebanaruw ajllipjjäna, qhititejj iyawsañampi, Kollan Ajayumpi phokt'atäcänsa ucaru. Uqhamaraquiw Feliperu, Prócoro, Nicanor, Timón, Parmenas, Antioquianquir Nicolasampiru. Uca Nicolás chachajj jan judiöcasin, judionacan saräwipar cutiquipstanitänwa.

Hechos 6:9

Ucapachasti “Antutat Esclavonaca” satäcän ucanacatsti mä kawkhaniw sinagogat Esteban contra sartapjjäna. Uqhamarac yakhep Cirenenquirinacampi, Alejandrianquirinacampi, Asianquirinacamp cuna, Estebanamp jisqhintasiñataqui.

Romanos 1:15

Jichhasti nayajj janc'aquïtwa khespiyasiñ suma arunac yatiyañataquejja, uqhamarac jumanacarus Roma marcan jacasir jilatanaca.

Romanos 1:7

Jichhajja take jumanacaruw kellkanipjjsma Roma marcan jaquirinacaru, qhitinacarutejj Diosajj wal munapctamjja, uqhamarac jupatac yakhachatäñataqui jawsatäpjjtawa. Uqhamajj jumanacajj catokapjjamay Dios Awquisana Jesucristo Tatitusampina bendicionapa, uqhamarac sumancañapa.

2 Timoteo 1:17

Ucat sipansa, cunapachatejj nayajj Romanccäyäta ucqhajja, jupajj jan inact'asaw thaketu, nayaru jicjjatañcama.

Apocalipsis 11:8

Amayanacapasti, cawquintejj Tatitojj ch'accatatäcäna uca jach'a marcan callenacapanwa jiwat jaktatäscani. Uca marcasti mä arunjja Sodoma, uqhamarac Egipto sataraquiwa.