Hechos 18:3 - Qullan Arunaca

³ Aquilamp Priscilampisti carpanac lurirïpjjänwa. Pablosti uca luririraquïnwa. Ucatwa Pablojj jupanacamp chic khepari irnakañataqui.

Aymar Bibliia 1986

³ Aquilamp Priscilampisti carpanac lurirïpjjänwa. Pablosti uca luririraquïnwa. Ucatwa Pablojj jupanacamp chic khepari irnakañataqui.

Qullan Arunaka DC

³ Aquilamp Priscilampix carpanak luririnakänwa. Pablosti ukanak lurañ yatirakïnwa, ukat jupax jupanakamp chik irnaqañatak ukan qhiparäna.

Hechos 18:3 Jak'a apnaqawi uñst'ayäwi

2 Reyes 6:2

Qhitapjjetaya Jordán jawiraru, ucatjja sapa mayni nanacajj mä jach'a lawacama aptanipjjä, qhayjaru mä uta lurañanacajjataqui —sasa. Eliseosti ucjjarojj sänwa: —Sarapjjamay uqhamajja —sasa.

1 Corintios 4:12

Irnakcäwinsa karitäjjapjjaractwa. Jakenacasti jan wali arunacampiraquiw tokjjapjjetu, nanacasti suma arumpiquiraquiw ucanacarus parljjayapjjtjja. Uñisiñampiw arcnakapjjaraquitu, take ucanacsti amuquiw t'akhesipjjtjja.

1 Corintios 9:14

Uqhamaraquiw Tatitojj saraqui: “Qhitinacatejj evangelio parlapqui ucanacajj uca irnakatapataraqui mank'añapa” sasa.

1 Corintios 9:15

Ucampis nayajj janipuniw cuns catokcti, acsa janiraquiw kellkanipcsmati nayar mä cunsa churapjjañanacamataqui. ¡Janïra qhitis nayat aca cusisiñajja apakquipanjja asquïspaw nayan jiwjjañajjajja!

1 Corintios 9:18

Nayataquejj uca wajjt'asiñajj acawa: Chuymajjanjja cusisiñaw utji jan qhititsa cun mayis khespiyasiñ arunac parlatajjata. Janiraquiw cunatejj wact'quitu ucanacsa mayiscti.

2 Corintios 11:7

Cunapachatï evangelio arunac jumanacar parlapcäyäsmajja jan cuna mayisa, nayapacha jisc'ar tucusa, jumanacajj jach'ar aptatäpjjañamataqui, ucach jan ucajj, ¿jan walïcjjejja?

2 Corintios 11:9

Jumanacampïcäyät ucqhajja pist'ayasiñanacanwa sarnakäyätjja, ucampis janiw qhititaquis mä llaquïcäyätti, jan ucasti Macedonia toket jutir jilatanacaw cunatejj jan utjquitäna ucjja churapjjetäna. Jumanacatsti janiw cuns mayipcäyäsmati jan qhitirus llaquisiyascañ laycu, jichhas janipuniw mayipcämati.

2 Corintios 12:13

Jumanacarojj janiw yakha iglesianacat menosäpcasmas uqham lurapcsmati, jan ucasti jumanacat jan cun mayitajjaquiw utjejja. ¡Perdonapjjet uqham jan mayitajjatjja!

1 Tesalonicenses 2:9

Jilatanaca, ¿amtasipjjtati cunjämsa irnakapjjäyäta, uqhamarac t'akhesipjjäyäta jacañataqui ucjja? Uruy aruma irnakapjjäyäta jumanacatac jan cuna llaquïscañataqui cunapachatejj jumanacar Diosan arunacap churapcäyäsma ucqhajja.

1 Tesalonicenses 4:11

Samarat jacañaru munapjjam, jumanacan luräwinacamat lup'isipjjam, amparanacamamp irnakapjjam, cunjämtejj ewjjt'apjjsma uqhamarjama,