Hechos 17:4 - Qullan Arunaca

⁴ Uca arunac ist'asinsti, yakhep judionacajj iyawsapjjänwa. Ucatwa Pablompir Silasampir jakcattapjje. Diosar yupaychir griego jakenacasti waljaniraquiw iyawsapjjäna, uqhamarac wali aytat warminacatsa.

Aymar Bibliia 1986

⁴ Uca arunac ist'asinsti, yakhep judionacajj iyawsapjjänwa. Ucatwa Pablompir Silasampir jakcattapjje. Diosar yupaychir griego jakenacasti waljaniraquiw iyawsapjjäna, uqhamarac wali aytat warminacatsa.

Qullan Arunaka DC

⁴ Uka arunak ist'asinsti, yaqhip judionakax iyawsapxänwa. Ukat Pablompir Silasampir jaqkattapxäna. Diosar yupaychir griego jaqinakampita, wali aytat warminakampit waljaniw iyawsapxarakïna.

Hechos 17:4 Jak'a apnaqawi uñst'ayäwi

Proverbios 13:20

Suma yatiñan jakenacamp chica sarnakerejja, suma yatiñaniraquïniwa; jan amuyt'an jakenacamp chica sarnakeristi, jan walt'añaruwa puriraquini.

Proverbios 9:6

Jaytanucjjapjjam jan amuyt'asis sarnakañanaca, ucatsti jacapjjätawa; ch'iqhi jakenacjama sarnakapjjam” sasa.

Cantar de los cantares 6:1

Muncañ warminac taypita wali muncañ warmi, ¿cawquirus munatamajja sarjjejja? ¿Cawcsa tokerus sarawayi? ¡Jumamp chica thakeri sarañäni!

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Juan 7:35

Uc ist'asinsti judionacajj jupanac puraw jisct'asiñ kalltapjjäna: —¿Cawquïrurac sarjjpachänisti jiwasanacan jan jicjjatañataquisti? ¿Griegonaca taypincqui uca mayni judionacan ucarut sarpachäni griego jakenacar yatichiri?

Hechos 13:43

Sinagoga tantachasïwi tucuyjjatatsti, judionacat waljaniw Pablompi Bernabeampirojj arcapjjäna. Judionacan sarnakäwinacaparjam suma judío tucurinacasa arcapjjaraquïnwa. Pablompi Bernabeampisti jupanacarojj ewjjt'apjjaraquïnwa Diosan munasiñapan ch'aman sayt'apjjañapataqui.

Hechos 13:50

Ucampis judionacajj mä kawkha asquit uñt'at warminacaru, uqhamarac uca marcan wali aytat chachanacampiruw parlapjje. Jupanacarusti Pablo uqhamarac Bernabé contra sayt'apjjañapataquiw amtayapjjaraqui uca marcat jaksuñcama.

Hechos 14:1

Iconio marcanjja, Pablompi Bernabeampejj judionacan sinagogaparuw parlir mantapjjäna. Jupanacan parlatapatsti waljaniw iyawsapjjäna, judionacatsa jan judionacatsa.

Hechos 14:4

Ucampis uca marcanquir jakenacajj payaruw t'akjtäna, chicatajj judionacar jakcattasa, chicatasti apostolonacar jakcattasaraqui.

Hechos 15:22

Ucatsti apostolonacampi jilïrinacampi, uqhamarac iglespachaw amtapjjäna jupanac taypita mä kawkhaniru ajlliña, Pablomp Bernabeamp chica Antioquiar sarapjjañapataqui. Jupanacasti paniniruw ajllipjjäna, Barsabás sat Judasampiru, Silasampiru. Ucanacasti jilïrit uñt'atäpjjänwa jilatanac taypina.

Hechos 15:27

Uqhamasti jichhajj Judasampir, Silasampiruw qhitanipjjta. Jupanacaw acanacatjja juc'amp parlt'apjjaraquïtam.

Hechos 15:32

Judasampi Silasampisti, Diosan profetanacapäsinjja, arunacapampejj jilatanacarojj wal chuymacht'apjjäna uqhamarac ch'amañcht'apjjaraquïna.

Hechos 15:40

Pablosti Silasaruw irpjjaruraquïna. Jilatanacasti Pablorojj Tatitun munasiñaparuw catuyapjjäna, ucatwa jupajj mistuwayjjäna.

Hechos 16:3

Pablosti Timoteorojj wal irpañ munäna. Juparusti circuncidaraquïnwa, ucsanacan jaquir judionacar jan mayjt'ayañ laycu, takeniw yatipjjäna Timoteon awquipajj griego jakëtapa.

Hechos 17:10

Uca arumpachaw jilatanacajj Pablompir Silasampirojj Berea marcar qhitjjapjje. Uca marcar puris ucspachaw jupanacajj judionacan sinagogapar sarapjjäna.

Hechos 17:12

Ucatsti waljaniw jupanacatjj iyawsapjjäna, uqhamaraquiw walja griego chachanacasa, wali aytat griego warminacasa.

Hechos 17:14

Ucat ucspachaw jilatanacajj Pablorojj jach'a kota thiyar qhitapjjäna. Ucampis Silasamp Timoteompiquiw pachpa Berean kheparjjapjjäna.

Hechos 17:17

Ucatwa jupajj sinagogan judionacamp parläna, uqhamarac Diosar yupaychir maynïr jakenacamp cuna. Sapüruraquiw plazanjja ucanquir jakenacampis parlaraquïna.

Hechos 17:34

Ucampis yakhep jakenacajj jupamp chicaw sarapjjäna. Ucatsti iyawsapjjaraquïnwa. Ucanacat maynïristi Dionisiönwa, Areopagonquir amuyt'a jakenacat maynïriraqui. Maynïristi Dámaris sat warmiraquïnwa, yakhanacamp cuna.

Hechos 18:4

Sapa samarañ uruw Pablojj sinagogar parlir saräna. Ucansti judionacarus jan judionacarus iyawsayañcamaw parläna.

Hechos 19:10

Jupasti ucanjja pä maraw uqham parläna. Uqhamatwa take Asia token jaquirinacajj Tatit Jesusan arunacap ist'apjjäna, judionacasa jan judiöpqui ucanacasa.

Hechos 2:44

Take qhitinacatejj Jesusar iyawsapcän ucanacajja, mayaquïpjjänwa. Take yänacapasa takenincaraquïnwa.

Hechos 21:28

Jach'ataracwa arnakasipjje: —¡Israelanquir chachanaca, yanapt'apjjeta! Aca jakepï take chekan marcas contra, Moisesan leyinacap contra, aca templo contraraqui jan walinac yatichas sarnakejja. Jichhasti jan judío jakenacaruw irpantaniraqui aca temploru, uqhamat Diosan utap k'añuchayasa —sasa.

Hechos 28:24

Yakhepanacasti cuntejj Pablojj siscäna ucarojj iyawsapjjänwa, mayninacasti janiraquiw iyawsapcänti.

Hechos 4:23

Pedromp Juanampejj antutnucutatjja, cawquinccäntejj maynïr iyawsirinacajj ucaruw sarjjapjjäna. Purisinsti take cuntejj sacerdotenacan jilïrinacapajj uqhamarac jilïri jakenacampi jupanacar sapcatayna uc yatiyapjjäna.

2 Corintios 8:5

Cuntejj suyapcäyät ucat juc'ampsa lurasipcaquïnwa, jupanacpachaw nayrakata Diosarojj catuyasipjjäna, ucjjarusti nanacaruraqui Diosan munañaparjama.