Hechos 17:2 - Qullan Arunaca

² Pablosti luräwiparjamajj uca sinagogaruw saräna. Ucansti quimsa semanaw jupanacampejj sapa samarañ urun parläna.

Aymar Bibliia 1986

² Pablosti luräwiparjamajj uca sinagogaruw saräna. Ucansti quimsa semanaw jupanacampejj sapa samarañ urun parläna.

Qullan Arunaka DC

² Pablosti saraparjamaw sinagogar saräna. Ukansti kimsa sábado urunakaw ukankir judionakar parläna, Qillqatanakarjam jupanakar yatiyasa.

Hechos 17:2 Jak'a apnaqawi uñst'ayäwi

Isaías 1:18

Tatitojj siwa: “Jutapjjam, uca jan wali luratanacamat parlapjjañäni. Juchanacamajj wila colorar uñtatäcchinisa, nayajj qhunjam jank'ow tucuyäjja; ch'iyar wila isir uñtatäcchinisa, nayajj jank'o t'arwaru uñtata tucuyäjja.

Mateo 26:24

Jaken Yokapajj cunjämatejj Kellkatäqui uqhamarjamaw phokhasqui, ucampis ¡wali llaccañaw qhititejj Jaken Yokaparu catuntayqui ucataquejja! Walïsapänwa uca jaken jan naciñapajja —sasa.

Lucas 4:16

Ucapachaw Jesusajj Nazaretaru sarjjäna cawqhantï jupajj jilcatayna ucaru. Samarañ urunsti sinagogaruw manti luräwinacaparjama, ucatsti Kellkatanac leet'añataquiw sayt'asïna.

Juan 18:20

Jesusasti juparojj sänwa: —Nayajj jakenacarojj takenin uñjcataw parläyäta, sinagoganacan yatichasa, uqhamarac templonsa; uqhamajj janiw cuns nayajj jamasan yatichcti.

Hechos 13:14

Perge marcatsti jupanacajja, Pisidiancquis uca Antioquía marcaruw sarapjjäna. Ucar purisinsti mä samarañ urunwa israelitanacan sinagogapar mantasin kont'asipjjäna.

Hechos 13:5

Puerto Salaminar purisinsti Tatitun arunacapat parlañwa kalltapjjäna judionacan sinagogapana. Juanarusti irpapjjaraquïnwa jupanacar yanapañapataqui.

Hechos 14:1

Iconio marcanjja, Pablompi Bernabeampejj judionacan sinagogaparuw parlir mantapjjäna. Jupanacan parlatapatsti waljaniw iyawsapjjäna, judionacatsa jan judionacatsa.

Hechos 17:10

Uca arumpachaw jilatanacajj Pablompir Silasampirojj Berea marcar qhitjjapjje. Uca marcar puris ucspachaw jupanacajj judionacan sinagogapar sarapjjäna.

Hechos 17:17

Ucatwa jupajj sinagogan judionacamp parläna, uqhamarac Diosar yupaychir maynïr jakenacamp cuna. Sapüruraquiw plazanjja ucanquir jakenacampis parlaraquïna.

Hechos 18:4

Sapa samarañ uruw Pablojj sinagogar parlir saräna. Ucansti judionacarus jan judionacarus iyawsayañcamaw parläna.

Hechos 19:8

Ucatsti quimsa phajjsiw Pablojj sinagogar saräna. Ucansti jan ajjsarasaw Diosan arunacap jakenacar parläna, Diosan reinopat amuyt'ayasa.

Hechos 24:25

Cunapachatï Pablojj parläna cheka sarnakañjjata, jiwaspach amuyasis sarnakañjjata, uqhamarac taripañ uru utjcani ucjjata, parlir ist'asinsti, Félix marca apnakerejj wal sustjasïna, saraquïnwa: —Sarjjam jichhajja, cunapachatï tiempojj utjitani, ucqhaw ist'añatac jawsayaraquïma —sasa.

Hechos 28:23

Uqham sasinsti mä urutaquiw tantacht'asiñjja amtapjjäna. Ucürusti walja jakenacaraquiw jutapjjäna, cawqhantejj Pablojj korpachascäns uca utaru. Alwat jayp'ucamaraquiw jupajj Diosan reinopat jupanacarojj parläna. Moisesan leyinacap toketa, uqhamarac profetanacan kellkatanacapampita Jesusjjat amuyt'ayañ munäna.

Hechos 8:35

Felipesti ucapachaw Tatit Jesusat yatiyañ kallti, cuntï uca etiope jaquejj leecän uca arunac khanañchasa.

Hechos 9:20

Ucatsti Saulojj sinagoganacanjja Cristotwa parlañ kalltäna: “Jesusajj Diosan Yokapaw” sasa.

1 Corintios 15:3

Nayrakatajja cuna yatichäwinactï nayajj yatekctjja ucaracwa jumanacarojj yatichapjjsma; ucasti aqhamawa: Cristow Kellkatanacarjamajj crusan jiwawayi juchanacas laycu.

1 Samuel 12:7

Uqhamasti jichhajj waquichasipjjam, Tatitu nayrakatanwa nayajj jumanacampi parlä, cuna asquinactejj jupajj jumanacarojj lurapctam uqhamarac awquinacamarusa take ucanacata.