Hechos 16:2 - Qullan Arunaca

² Listranquir uqhamarac Iconionquir jilatanacasti uca Timoteorojj wali suma jaketwa uñt'apjjäna.

Aymar Bibliia 1986

² Listranquir uqhamarac Iconionquir jilatanacasti uca Timoteorojj wali suma jaketwa uñt'apjjäna.

Qullan Arunaka DC

² Listra markankiri, Iconio markankir jilatanakax uka Timoteorux wali suma jaqit uñt'apxäna.

Hechos 16:2 Jak'a apnaqawi uñst'ayäwi

Hechos 1:15

Ucürunacansti patac pä tuncanjam jilatanacaw tantacht'asipjjäna. Ucatsti Pedrojj jupanac taypin sayt'asisinwa säna:

Hechos 13:51

Uqhamïpansti Pablompi Bernabeampejj uca jakenacataqui cayunacapat lak'a polvonac thalarasisinjja, Iconio marcaruw sarjjapjjäna.

Hechos 14:1

Iconio marcanjja, Pablompi Bernabeampejj judionacan sinagogaparuw parlir mantapjjäna. Jupanacan parlatapatsti waljaniw iyawsapjjäna, judionacatsa jan judionacatsa.

Hechos 14:21

Uca Derbe marcansti Tatit toke khespiyasïwi utjatapwa parlapjjaraquïna. Uqham parlapjjatapatsti waljaniw Tatiturojj iyawsapjjäna. Ucatsti Pablompi Bernabeampejj Listraru, Iconioru, Antioquiampiruw cutt'jjapjjäna.

Hechos 14:6

Pablompi Bernabeampejj uc yatisinjja, Listra uqhamaraqui Derbe uca marcanacaruw jaltjjapjjäna. Uca marcanacajj Licaonianquiwa. Uqhamaraquiw uca thiya marcanacar sarapjjäna.

Hechos 16:40

Carcelat mistjjasinsti jupanacajj Lidian utaparuw sarapjjäna. Jilatanacar tumpt'asin, uqhamarac ch'amañcht'awayasinsti sarjjapjjänwa.

Hechos 6:3

Uca laycupï jilatanaca, jumanac taypita pakallk chachanac ajllipjjañamajja. Uca chachanacasti sarnakäwinacapanjja asqui chachanacäñapawa, Kollan Ajayump phokt'ata suma amuyt'irinacaraqui. Ucatsti jupanacaru uca lurañanacjja churapjjam.

Filipenses 2:22

Ucampis jumanacajj yatipjjtawa cunjämtejj Timoteojj nayampi sarnakcasinjja take chuyma Diosaru catuyasitapa uñacht'ayquitus ucjja. Tatitun arunacap parlañanjja cunjämtï mä wawajj awquiparojj yanapqui uqhamwa yanapitu.

1 Timoteo 3:7

Jan iyawsirïpqui ucanacampis respetatäñaparaquiwa, jan cuna p'enkaru tincuscañapataqui, ni Supayan sipitaparusa jalt'ascañapataqui.

1 Timoteo 5:10

Suma luräwinac luririt uñt'atäñaparaquiwa, ucanacasti acanacäñapawa: ¿Wawanac uywpachänti? ¿Utaparu tumpirinac catokerïpachänti? ¿Take asqui cancañampi jilatanacaru yanappachänti? ¿T'akhesirinacarojj yanappachänti? ¿Cuna yakha suma luräwinaccha lurpachäna?

1 Timoteo 5:25

Uca pachparaquiw asqui luräwinacajj khanac uñjasi; janis uñjascpan, ucampis janipuniw imantatäcaspati.

2 Timoteo 3:11

cunanactejj t'akhestjja uca llaquinacarusa. Jumajj asquiw yatta cunatejj Antioquía marcana, Iconio marcansa uqhamarac Listra marcansa t'akhescäyätjja ucanacjja, ucampis Tatitojj take acanacatjja imituwa.

2 Timoteo 3:15

Jumajj wawatpachwa Tatitun arunacapjja yatta, uca arunacaw yatichiristam, uqhamarac khespiyañaru irpiristam Cristo Jesusar iyawsäwi toke.

Hebreos 11:2

Nayra awquinacasajj sumaru uñt'atänwa iyawsañanïpjjatap laycu.