Hechos 16:12 - Qullan Arunaca

¹² Ucqhatsti Filipos marcaruraquiw sarapjjta. Uca marcasti Romanquir jakenacan apnakatawa, Macedonia ucsa tokensti wali aytat marcaraquiwa. Ucanjja mä kawkha urunacaraquiw kamarapjjta.

Aymar Bibliia 1986

¹² Ucqhatsti Filipos marcaruraquiw sarapjjta. Uca marcasti Romanquir jakenacan apnakatawa, Macedonia ucsa tokensti wali aytat marcaraquiwa. Ucanjja mä kawkha urunacaraquiw kamarapjjta.

Qullan Arunaka DC

¹² Ukawjatsti Filipos markarurakiw sarapxta. Uka markasti Romano jaqinakan apnaqat markänwa, Macedonia uraqin wali aytat markarakïnwa. Ukansti mä qawqha urunakaw qamarapxta.

Hechos 16:12 Jak'a apnaqawi uñst'ayäwi

Hechos 16:10

Pablon uca unañchäwi uñjatapatsti ucspachaw Macedoniar sarañataqui waquichasipjjäyäta, khanpach Diosan jawsatapar amuyasina jupanacar yatiyañataqui Tatit toke khespiyasiñajj utjatapata.

Hechos 16:21

Jupanacajj cawquïr saräwinacatejj jiwasanacan jan waquisqui catokañasa, lurañasa ucanacwa yatichapjje, jiwasanacasti romanonacästanjjaya —sasa.

Hechos 16:9

Ucansti Pablojj mä arumajj, mä unañchäwi uñjäna. Uca unañchäwinsti Macedonia tokenquiri mä chacharuw uñjäna sayt'ata, jupar aqham achict'asiri: “Macedoniar past'anisin yanapt'apjjeta” sasa.

Hechos 18:5

Silasampi Timoteompi Macedoniat purinjjepansti, Pablojj Tatitun arunacap parlañaruraquiw uchasjjäna. Judionacarusti khanpachwa yatiyaraquïna —Jesusasti jumanacajj suyapctas uca Cristowa —sasa.

Hechos 19:21

Ucanac khepatsti Pablojj Macedonia, Acaya tokenaca uñjt'aniñwa amtäna, ucatsti Jerusalenar sarjjañataquiraquiw jupajj säna: “Jerusalenar sarjjatatsti, Roma marcar sarañajjaraquiwa” sasa.

Hechos 19:29

Uqhamatwa marcpachan mayjt'asiñajj utjäna. Ucatsti Gayompiru, Aristarcompiruw catuntapjjäna. Ucanacajj Macedonianquir chachanacänwa. Jupanacasti Pablomp chicaw jutapjjaraquïna. Jakenacasti jupanacar catuntasinjja katatipjjewa marcan tantachasïwi utapcama.

Hechos 20:1

Uca ch'ajjwanac tucutatsti, Pablojj iyawsirinacaruw jawsthapïna, jupanacar ewjjt'añataqui. Ucatsti jupanacatjja mä suma khomantampi jaytawayasaw Macedoniar sarawayjjäna.

Hechos 20:3

Ucansti quimsa phajjsiraquiw ucancäna. Cunapachatejj Pablojj Siria toker mistjjañataquëjjänjja, ucqhaquiw jupajj yatïna judionacan jupa contra jan wali amtapjjatapa. Ucatwa jupajj amtäna Macedonia cheka sarjjaña.

Hechos 20:6

Nanacasti jan levaduran t'ant'a mank'añ fiesta pasatatwa, Filipos marcat barcot sarawayjjapjjta. Pheska urutwa jupanacarojj Troas marcanjja jicjjatjjapjjta. Ucansti pakallk ururaquiw kamarapjjta.

Hechos 27:2

Adramitio sat puertonjja mä barcow utjäna. Uca barcosti Asia tokenacar niya mistuñataquïscänwa. Uca barcor mantasinwa, sarawayjjapjjta, Aristarcomp cuna. Uca Aristarcosti Macedonia tokenquir Tesalónica marcanquirïnwa.

Romanos 15:26

Macedonianquirinacajja, uqhamarac Acayanquirinacasa mä ofrenda apthapipjje Jerusalenancquis uca pist'at jilatanacataqui.

Filipenses 1:1

Naya Pablompi, Timoteompi Jesucriston sirvirinacapaw aca carta Filipos marcanquir jilatanacar kellkanipjjsma, uqhamarac obisponacarusa, diacononacarusa. Jumanacasti Diosatac ajllitäpjjtawa, Jesucristompisti mayaquïpjjaractawa.

Filipenses 1:5

Jumanacampi chicaw khespiyasiñ arunac yatiyapjjäyätan, kalltat jichhürcama.

1 Tesalonicenses 2:2

Nayrajj Filipos marcanjj jisc'achatäpjjchïyätsa, uqhamarac chhojjriñchjatäpjjchïyätsa, jumanacajj ucjj yatjjapjjtawa, Diosaw nanacaru yanapapjjetu jupan khespiyasiñ arunacap take iyawsañampi jumanacar yatiyañataqui, jach'a t'akhesïw taypina.