Hechos 16:1 - Qullan Arunaca

¹ Pablompi Silasampisti Derbe uqhamaraqui Listra marcanacaruw puripjjäna. Ucansti Timoteo sutini mä iyawsiriruw jicjjatapjjäna. Ucasti mä iyawsiri judío warmin yokapänwa, awquipasti griego jakeraquïnwa.

Aymar Bibliia 1986

¹ Pablompi Silasampisti Derbe uqhamaraqui Listra marcanacaruw puripjjäna. Ucansti Timoteo sutini mä iyawsiriruw jicjjatapjjäna. Ucasti mä iyawsiri judío warmin yokapänwa, awquipasti griego jakeraquïnwa.

Qullan Arunaka DC

¹ Pablompi Silasampix Derbe, Listra markanakaruw puripxäna. Ukansti mä waynaw jakäna, Timoteo sutini, jupasti Tatitur iyawsirïnwa, jupan taykapax iyawsiri judío warmïnwa, awkipasti griego jaqirakïnwa.

Hechos 16:1 Jak'a apnaqawi uñst'ayäwi

Esdras 9:2

Jupanacasa yokanacapasa uca jakenacan phuchanacapampiwa casarasipjje; uqhamasti Diosan marcapajj yakha marcanacanquir jakenacampiwa mayachasjjapjje. Nayrakatajja jilïrinacampi marca apnakerinacampiwa aca juchjja lurapjje” sasa.

Hechos 14:1

Iconio marcanjja, Pablompi Bernabeampejj judionacan sinagogaparuw parlir mantapjjäna. Jupanacan parlatapatsti waljaniw iyawsapjjäna, judionacatsa jan judionacatsa.

Hechos 14:21

Uca Derbe marcansti Tatit toke khespiyasïwi utjatapwa parlapjjaraquïna. Uqham parlapjjatapatsti waljaniw Tatiturojj iyawsapjjäna. Ucatsti Pablompi Bernabeampejj Listraru, Iconioru, Antioquiampiruw cutt'jjapjjäna.

Hechos 14:6

Pablompi Bernabeampejj uc yatisinjja, Listra uqhamaraqui Derbe uca marcanacaruw jaltjjapjjäna. Uca marcanacajj Licaonianquiwa. Uqhamaraquiw uca thiya marcanacar sarapjjäna.

Hechos 17:14

Ucat ucspachaw jilatanacajj Pablorojj jach'a kota thiyar qhitapjjäna. Ucampis Silasamp Timoteompiquiw pachpa Berean kheparjjapjjäna.

Hechos 18:5

Silasampi Timoteompi Macedoniat purinjjepansti, Pablojj Tatitun arunacap parlañaruraquiw uchasjjäna. Judionacarusti khanpachwa yatiyaraquïna —Jesusasti jumanacajj suyapctas uca Cristowa —sasa.

Hechos 19:22

Jupasti pani yanapt'irinacaparuw nayrakat Macedonia marcarojj qhitäna, ucanacasti Timoteompi, Erastompïnwa. Pablosti mä kawkha urunacampiw Asian kheparäna.

Romanos 16:21

Timoteojj aruntanipjjaractamwa, jupasti nayamp chica irnakeriwa, uqhamarac Lucio, Jasón, Sosípater, marca masinacajjas aruntanipjjaractamwa.

1 Corintios 16:10

Timoteo purinin ucqhajj janiw cunatsa llaquisiyapjjätati; c'uchiqui sarnakasiyapjjäta, jupasti nayjamaraquiw Tatitun luräwipanjja irnake.

1 Corintios 4:17

Ucataracwa Timoteor qhitanipjjsma. Jupajj Tatit tokenjja mä suma wawajjäcaspas uqhamawa. Jupaw amtayapjjätam cunjämtejj nayajj iyawsirjamajj Cristompi sarnakcta ucjja, uqhamarac cunjämtejj take chekansa iglesianacanjj yatichcta ucsa.

1 Corintios 7:14

Jan iyawsiri chachasti, iyawsiri warmimpi casadötap laycuwa Diosar catuyatäjje. Uqhamaraquiw jan iyawsiri warmisa, iyawsiri chachampi jacatap laycuwa Diosar catuyatäjjaraqui. Jan uqhamäcaspa ucqhajja wawanacamajj jan iyawsiri jakenacan wawanacapjamaquïspawa, ucampis jichhajj uca wawanacajj Diosar catuyatäjjaraquiwa.

2 Corintios 1:1

Naya Pablojj Diosan munañapatwa Jesucriston apostolopätjja. Aca cartjja Timoteo jilatampi chicaw kellkanta Corinto marcancapctas uca Diosan iglesiapanquir jilatanacaru, uqhamaraqui Acaya tokenquir take Diosan wawanacaparusa.

2 Corintios 1:19

Diosan Jesucristo wawapasti qhitittejj Silvanosa, Timoteosa, nayasa parlapcsma ucajja janiw: “Jïsa, janiwa” sirïcänti, jan ucasti jupanjja Diosan arunacapajj chekapapunïnwa.

Filipenses 1:1

Naya Pablompi, Timoteompi Jesucriston sirvirinacapaw aca carta Filipos marcanquir jilatanacar kellkanipjjsma, uqhamarac obisponacarusa, diacononacarusa. Jumanacasti Diosatac ajllitäpjjtawa, Jesucristompisti mayaquïpjjaractawa.

Filipenses 2:19

Tatitun munañapächi ucqhajja, suyasctwa jumanacar uñjiri janc'aqui Timoteor qhitaniña, ucat jumanacat yatisina cusisiñajjataqui.

Colosenses 1:1

Naya Pablojj Diosan munañap laycuw Jesucriston apostolop satätjja. Timoteo jilatampiw aca carta kellkanipjjsma,

1 Tesalonicenses 1:1

Naya Pablo, Silvanompi uqhamarac Timoteompiw Tesalónica marcan iglesianquir jilatanacaru aca carta apayanipjjsma, cawquïr jilatanacatejj Dios Awquiru, uqhamarac Tatit Jesucristor mayachatäpqui ucanacaru. Dios Awquisajja jumanacarojj bendispan, uqhamarac sumancañapas jumanacampïpan.

1 Tesalonicenses 3:2

ucatsti Timoteo jilataruw qhitanipjjsma jumanacar uñjiri. Jupajj Diosan sirviripawa, Tatitun khespiyasiñ arunacap parlañanjja nanacamp chicaraquiw irnake. Ucatsti jupajj ch'amacht'apjjeristamwa, nayraruw irptapjjeristam iyawsäwinjja,

1 Tesalonicenses 3:6

Ucampis jichhajj Timoteojj Tesalonicat cutt'anjjewa, suma yatiyäwinac iyawsäwi toket puriyani, uqhamarac munasiñanacama utjatapatsa. Sapjjetuwa jumanacajj nanacat take munasiñanacamampi amtasipjjatama, wal nanacar uñjañ munapjjatamsa, cunjämtejj nanacajj jumanacar uñjañ munapcaracsma uqhama.

2 Tesalonicenses 1:1

Naya Pablow, Silvanompi, Timoteompi Tesalónica marcan iglesianquir jilatanacaru aca carta apayanipjjsma cawquïri jilatanacatejj Dios Awquiru, Tatit Jesucristoru mayachatäpqui ucanacaru.

1 Timoteo 1:18

Timoteo, nayan wawajja, aca ewjja chursma suma nuwasïwi nuwasiñamataqui iyawsañampi suma chuymampiraqui, cunjämtejj jilatanacajj nayrajj jumatjja parlapjjäna Diosan sutipana uqhamarjama.

1 Timoteo 1:2

Aca cartjja jumaruw apayansma Timoteo, jumajj iyawsäwinjja chekpach wawajjätawa. Dios Awquisajj uqhamarac Tatit Jesucristosajj jumarojj bendispan, qhuyapayasiñapjja uqhamarac samarañapsa jumarojj churaracpan.

2 Timoteo 1:2

Aca cartjja apayansmawa Timoteo, munat wawajja, Dios Awquejja uqhamarac Tatit Jesucristosajja jumarojj bendispan, qhuyapayasiracpan, samarañapjja churaracpan.

2 Timoteo 1:5

Amtastwa chekpach iyawsäwinïtamata. Nayrakatajja Loida awichamampi, uqhamarac Eunice taycamampiw uca iyawsäwinïnjja, jumas uca pachpa iyawsäwiniraquïtawa.

2 Timoteo 3:11

cunanactejj t'akhestjja uca llaquinacarusa. Jumajj asquiw yatta cunatejj Antioquía marcana, Iconio marcansa uqhamarac Listra marcansa t'akhescäyätjja ucanacjja, ucampis Tatitojj take acanacatjja imituwa.

Filemón 1:1

Naya Pablow Cristo Jesús laycu preso catuntatäsina, Timoteo jilatamp cuna aca carta kellkanipjjsma, nanacamp chic irnakeri munat Filemón,

Hebreos 13:23

Yatipjjaraquim Timoteo jilasajj niya carcelat mistjjewa. Janc'aquitejj purinini ucajj nayamp chicwa irpanï jumanacar uñjiri.