Hechos 15:4 - Qullan Arunaca

⁴ Cunapachatejj Pablompi Bernabeampejj Jerusalenar puripcän ucapachajja, iglesiajj jupanacarojj sum catokäna, uqhamarac apostolonacas, jilïri jilatanacasa. Pablompi Bernabeampisti jupanacarojj take cuntï Diosajj jupanac toke lurcatayna uc yatiyapjjäna.

Aymar Bibliia 1986

⁴ Cunapachatejj Pablompi Bernabeampejj Jerusalenar puripcän ucapachajja, iglesiajj jupanacarojj sum catokäna, uqhamarac apostolonacas, jilïri jilatanacasa. Pablompi Bernabeampisti jupanacarojj take cuntï Diosajj jupanac toke lurcatayna uc yatiyapjjäna.

Qullan Arunaka DC

⁴ Pablompi Bernabeampix Jerusalenar puripkän ukapachasti, iglesiankirinakasa, apostolunakasa, jilïr jilatanakas jupanakarux sum katuqäna. Pablompi Bernabeampisti taqi kuntix Diosax jupanak tuqi lurkatayna ukanak yatiyapxarakïna.

Hechos 15:4 Jak'a apnaqawi uñst'ayäwi

Mateo 10:40

“Qhititejj jumanacaru catokapcätam ucanacajj nayaruw katoketu; qhititejj nayar catokquitu ucajja, qhitanquitus ucaruw catoke.

Hechos 11:30

Apthapisinsti, uca ofrendanacjja apayapjjänwa Judea marcan jilïrinacaru, Bernabeampi Saulompiw apapjjäna.

Hechos 14:27

Antioquiar purisinsti, iglesia jilatanacaruw jawsthapipjjäna. Ucat jupanacarojj take cunanactejj Diosajj jupanac toke lurcatayna ucanacwa yatiyapjje. Uqhamaraquiw yatiyapjjäna cunjämtejj Tatitojj jan judionacäpquis ucanacan iyawsapjjañapataqui punc jist'arcän ucsa.

Hechos 15:12

Jupanacasti takeniw amuct'apjjäna. Ucata ist'apjjaraquïna Bernabeampin Pablompin parlataparu, cunjämtï Diosajj uñacht'äwinacsa milagronacsa jupanac toke lurcatayna jan judiöpquis ucanac taypina.

Hechos 15:2

Pablompi Bernabeampisti ucjjat uca jakenacampi wal ch'ajjwapjjäna. Ucatwa Pablo, Bernabé uqhamarac mä kawkha jilatanacaru ajllipjjäna, Jerusalenar sarapjjañapataqui uca toket apostolonacampi jilïr jilatanacampi uca marcan khanañchasiñapataqui.

Hechos 15:22

Ucatsti apostolonacampi jilïrinacampi, uqhamarac iglespachaw amtapjjäna jupanac taypita mä kawkhaniru ajlliña, Pablomp Bernabeamp chica Antioquiar sarapjjañapataqui. Jupanacasti paniniruw ajllipjjäna, Barsabás sat Judasampiru, Silasampiru. Ucanacasti jilïrit uñt'atäpjjänwa jilatanac taypina.

Hechos 15:3

Jupanacarusti Antioquianquir iglesiaw qhitäna. Jerusalenar sarcasinsti, jupanacajj Fenicia tokenacwa pasapjjäna, uqhamarac Samaria tokenaca. Ucawjanacansti yatiyapjjänwa cunjämtï jan judiöpquis ucanacajj nayra iyawsäwinacap apanucusin Diosar arcjjapjjäna uca. Uc ist'asinsti take jilatanacajj wal cusisipjjäna.

Hechos 15:6

Ucatwa apostolonacampi jilïri jilatanacampejj tantacht'asipjjäna ucjjat parljañataqui.

Hechos 16:4

Take ucsa marcanac pascasinsti, cuntejj Jerusalenanquir apostolonacampi jilïrinacampejj ewjjt'apcäna ucanac phokhapjjañapataquiw jilatanacarojj yatiyapjjäna.

Hechos 18:27

Ucatsti Apolos chachan Acay tokenacar sarañ munïpanjja, jilatanacajj ch'amacht'apjjewa sarañapataqui. Qhurinquir iyawsirinacataquisti mä cartwa kellkawayapjje jupar sum catokapjjañapataqui. Acayar purisinjja, Apolos chachajj walwa yanapt'äna, Diosan munasiñap laycu iyawsir jilatanacarojja.

Hechos 21:17

Jerusalenar purjjapjjta ucqhajja, jilatanacajj wali cusisiñampiw catokapjjetu.

Hechos 21:19

Purisinsti Pablojj jupanacaruw arunti. Ucatsti take cuntejj Diosajj jupa toke lurcatayna jan judío jakenacampejja, ucanaca mayat mayat yatiyi.

Romanos 15:18

Nayajj parltwa cuntejj Cristojj naya toke lurqui ucaqui, uqhamat jan judiöpquis ucanacajj Diosar jaysapjjañapataqui. Take acanacasti phokhasiwa arsutanacampi luratanacampi.

Romanos 15:7

Uqhamasti, jumanacajj purapat catokasipjjam cunjämtejj Cristojj jiwasanacar catokquistu Diosan gloriapataqui uqhama.

1 Corintios 15:10

Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

2 Corintios 5:19

Diosajj acapachampejj Cristo tokwa sumancthapiscäna, jakenacan juchanacapat jan amtasisa. Jiwasarusti uca sumancthapiñ arunacwa jaytawayaraquistu mayninacar churañasataqui.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Colosenses 4:10

Nayamp chica carcelanquir Aristarco jilatasti aruntanipjjtamwa, Bernabean primo jilap Marcosas aruntanipjjaractamwa. Jumanacajj niya satäpjjtawa Marcosjjatjja; jutani ucqhajja sum catokt'apjjam.

2 Juan 1:10

Cawquïritejj jumanacar jutapjjätamjja jan aca yatichäwimpi ucarojja, jan utanacamar catokapjjamti, ni aruntapjjamsa.