Hechos 15:3 - Qullan Arunaca

³ Jupanacarusti Antioquianquir iglesiaw qhitäna. Jerusalenar sarcasinsti, jupanacajj Fenicia tokenacwa pasapjjäna, uqhamarac Samaria tokenaca. Ucawjanacansti yatiyapjjänwa cunjämtï jan judiöpquis ucanacajj nayra iyawsäwinacap apanucusin Diosar arcjjapjjäna uca. Uc ist'asinsti take jilatanacajj wal cusisipjjäna.

Aymar Bibliia 1986

³ Jupanacarusti Antioquianquir iglesiaw qhitäna. Jerusalenar sarcasinsti, jupanacajj Fenicia tokenacwa pasapjjäna, uqhamarac Samaria tokenaca. Ucawjanacansti yatiyapjjänwa cunjämtï jan judiöpquis ucanacajj nayra iyawsäwinacap apanucusin Diosar arcjjapjjäna uca. Uc ist'asinsti take jilatanacajj wal cusisipjjäna.

Qullan Arunaka DC

³ Jerusalenar sarkasinsti, jupanakax Fenicia, Samaria chiqanak sarakipawayapxäna. Ukawjanakansti kunjämtix jan judiöpkis ukanakax nayra iyawsäwinakap apanukusin Diosar arkapkäna ukanak yatiyapxäna. Uk ist'asinsti jilatanakax wal kusisipxäna.

Hechos 15:3 Jak'a apnaqawi uñst'ayäwi

Lucas 15:32

Ucampis jichhajj waquisiw fiesta lurañajja, cusisiñasasa, jilamasti jiwatänwa, jichhasti jactanjjewa: chhakatänwa, jichhasti jicjjatatäjjewa’ ” sasa.

Hechos 1:15

Ucürunacansti patac pä tuncanjam jilatanacaw tantacht'asipjjäna. Ucatsti Pedrojj jupanac taypin sayt'asisinwa säna:

Hechos 13:48

Uc ist'asinsti, jan judionacäpquis ucanacajj cusisipjjänwa. Sapjjaraquïnwa: “Tatitun arunacapajj wali sumapuniwa” sasa. Ucatsti qhitinacatejj wiñay jacañatac waquichatäpcän take ucanacajj iyawsapjjaraquïnwa.

Hechos 13:52

Tatitur iyawsirinacasti wali cusisitäpjjänwa. Kollan Ajayumpi phokt'atäpjjaraquïnwa.

Hechos 14:27

Antioquiar purisinsti, iglesia jilatanacaruw jawsthapipjjäna. Ucat jupanacarojj take cunanactejj Diosajj jupanac toke lurcatayna ucanacwa yatiyapjje. Uqhamaraquiw yatiyapjjäna cunjämtejj Tatitojj jan judionacäpquis ucanacan iyawsapjjañapataqui punc jist'arcän ucsa.

Hechos 15:1

Uca urunacansti yakhep jakenacaw Judeat Antioquiar sarapjjatayna. Ucat jilatanacar yatichapjjatayna: “Khespiyasiñataquejj waquisiw Moisesan leyiparjam circuncisión luräwir phokhañajja” sasa.

Hechos 15:12

Jupanacasti takeniw amuct'apjjäna. Ucata ist'apjjaraquïna Bernabeampin Pablompin parlataparu, cunjämtï Diosajj uñacht'äwinacsa milagronacsa jupanac toke lurcatayna jan judiöpquis ucanac taypina.

Hechos 15:22

Ucatsti apostolonacampi jilïrinacampi, uqhamarac iglespachaw amtapjjäna jupanac taypita mä kawkhaniru ajlliña, Pablomp Bernabeamp chica Antioquiar sarapjjañapataqui. Jupanacasti paniniruw ajllipjjäna, Barsabás sat Judasampiru, Silasampiru. Ucanacasti jilïrit uñt'atäpjjänwa jilatanac taypina.

Hechos 15:32

Judasampi Silasampisti, Diosan profetanacapäsinjja, arunacapampejj jilatanacarojj wal chuymacht'apjjäna uqhamarac ch'amañcht'apjjaraquïna.

Hechos 15:4

Cunapachatejj Pablompi Bernabeampejj Jerusalenar puripcän ucapachajja, iglesiajj jupanacarojj sum catokäna, uqhamarac apostolonacas, jilïri jilatanacasa. Pablompi Bernabeampisti jupanacarojj take cuntï Diosajj jupanac toke lurcatayna uc yatiyapjjäna.

Hechos 17:15

Pablor irpapcän ucanacasti, Atenas marcacamaw juparojj irpjjapjjäna. Uca irpirinacasti cuttanjjasinjja ewjja arunacwa apanïna Silasamp Timoteompejj janc'aqui Pablon ucar sarjjapjjañapataqui.

Hechos 20:38

Jupanacasti wali llact'atäpjjänwa Pablon aqham satap laycu: ‘Janiw nayarojj mayampsa uñcatjjapjjetätati’ sasa. Ucatsti barcocamaw jupamp chicajj sarapjjäna.

Hechos 21:5

Ucat pakallk uru pasjjepanwa, mistuwayjjapjjta. Take jilatanacasti warminacapampi, wawanacapamppachaw nanac chicaraqui marca ankäjjcam sarapjjta. Kota thiyar purisinsti quillt'asisaw Tatitut mayisipjjta.

Hechos 28:15

Romanquir jilatanacasti nanacan puriñajj-jja yatipjjaraquïnwa. Ucatwa thaquir catokeri jutapjjäna, Foro de Apio satäquis ucacama. Jiquisipcta ucawjasti “Tres Tabernas” sataraquïnwa. Pablojj jupanacar uñcatasinsti, Diosaruw yuspagari, ucatsti wal cusisiraquïna.

Hechos 8:14

Jerusalenanquir apostolonacasti, Samaria marcan Diosan arunacap catokapjjatap yatisinjja, Pedrompir Juanampiruw qhitapjjäna.

Romanos 15:24

jichhajja muntwa jumanacar tumpt'aña cunapachatï Españaru sarcä ucapacha. Ucat jumanacar uñjasinjja munaraquïwa jumanacan nayaru saräwejjan yanapt'apjjañama.

1 Corintios 16:11

Jan qhitis jumanacatjja juparojj jisc'achpati. Jan ucasti, yanapt'apjjam mä suma saräwipanjja nayar uñjiri jutañapataqui, juparusti suyascaractwa mayni jilatanacampi cuna.

1 Corintios 16:6

Inas jumanacampejj mä juc'a pachanacaqui kamarchï, jan ucajj take juyphipachasa ucancaracchï, uqhamasti jumanacajj yanapt'apjjaraquitasmawa cawquirutï sarañajjäqui uca saräwejjanjja.

2 Corintios 1:16

Macedoniar sarcasinjja tumpawayañwa amtäyätjja, uqhamarac Macedoniat cuttanjjasinsa. Uqhamatwa jumanacajj Judearu sarañajj yanapt'apjjetasmajja.

Tito 3:13

Jumajj yanapt'apunïtawa cunansa Zenas abogadorojja, uqhamarac Apolosarusa cunajj waquischi uc churasina, uqhamat jupanacajj sarasipcañapataquiqui, janiraqui cunas pist'pati jupanacan saräwinacapana.