Hechos 15:1 - Qullan Arunaca

¹ Uca urunacansti yakhep jakenacaw Judeat Antioquiar sarapjjatayna. Ucat jilatanacar yatichapjjatayna: “Khespiyasiñataquejj waquisiw Moisesan leyiparjam circuncisión luräwir phokhañajja” sasa.

Aymar Bibliia 1986

¹ Uca urunacansti yakhep jakenacaw Judeat Antioquiar sarapjjatayna. Ucat jilatanacar yatichapjjatayna: “Khespiyasiñataquejj waquisiw Moisesan leyiparjam circuncisión luräwir phokhañajja” sasa.

Qullan Arunaka DC

¹ Uka urunakansti yaqhip jaqinakaw Judea chiqat Antioquía markar puripxatayna. Uka jaqinakasti jilatanakaruw yatichañ qalltapxäna: “Qhispiyasiñatakix wakisiw Moisesan kamachiparjam circuncisión katuqañaxa” sasa.

Hechos 15:1 Jak'a apnaqawi uñst'ayäwi

Levítico 12:3

Uca yokall wawasti quimsakallko urururaquiw chhojjorasiñapan lip'ichipajj qharekatäjjani, ucampisa taycajj quimsa tunca quimsani urunacampiw k'omachasiraquini wila jutatapatjja. Cunanacatejj Tatitur loktatäqui ucanacsti janipuniw llamct'caniti, janiraquiw Tatitumpi Jiquisiñ Carparus mantcaraquiniti, k'omachasiña urunacapan phokhasiñapcamajja.

Juan 7:22

Ucampis Moisesajj circuncisión lurañwa churapjjtam (janis jupajj kalltcchi ucasa, awquinacamaw kalltäna), ucatpï samarañ urunsa jumanacajj mä wawarojj circuncidapjjtajja.

Hechos 1:15

Ucürunacansti patac pä tuncanjam jilatanacaw tantacht'asipjjäna. Ucatsti Pedrojj jupanac taypin sayt'asisinwa säna:

Hechos 15:22

Ucatsti apostolonacampi jilïrinacampi, uqhamarac iglespachaw amtapjjäna jupanac taypita mä kawkhaniru ajlliña, Pablomp Bernabeamp chica Antioquiar sarapjjañapataqui. Jupanacasti paniniruw ajllipjjäna, Barsabás sat Judasampiru, Silasampiru. Ucanacasti jilïrit uñt'atäpjjänwa jilatanac taypina.

Hechos 15:23

Ucanacaruw cartjja apayapjjäna aqham sas kellkata: “Nanac apostolonacampi jilïrinacampi uqhamaraqui jilatanacampejj aruntanipjjsmawa Antioquianquir, uqhamarac Sirianquir, Cilicianquir jan judiöpquis uca jilatanacajjaru.

Hechos 15:24

Nanacajj yatipjjtwa yakhep jakenacan acat sarapjjatapa, jan nanacan camsata. Ucanacasti jumanacarojj mayjt'ayapjjtamwa aqham arunacapampi pächasiyasa: [‘Waquisiw jumanacan circuncidasipjjañamajja, uqhamarac Moisesan leyipa phokhapjjañamasa’ sasa.]

Hechos 15:3

Jupanacarusti Antioquianquir iglesiaw qhitäna. Jerusalenar sarcasinsti, jupanacajj Fenicia tokenacwa pasapjjäna, uqhamarac Samaria tokenaca. Ucawjanacansti yatiyapjjänwa cunjämtï jan judiöpquis ucanacajj nayra iyawsäwinacap apanucusin Diosar arcjjapjjäna uca. Uc ist'asinsti take jilatanacajj wal cusisipjjäna.

Hechos 15:32

Judasampi Silasampisti, Diosan profetanacapäsinjja, arunacapampejj jilatanacarojj wal chuymacht'apjjäna uqhamarac ch'amañcht'apjjaraquïna.

Hechos 15:5

Ucampis Tatitur iyawsir yakhep fariseonacajja, sayt'asisina, sapjjänwa: —Waquisiw jan judiöpquis uca iyawsirinacar circuncidañajja, uqhamarac ‘Moisesan leyip phokhapjjam’ sañasa —sasa.

Hechos 21:20

Ucanac ist'asinsti jupanacajj Diosaruw wal yuspagarapjjäna. Pablorusti sapjjaraquïnwa: —Waliquiw jilata, ucampis jumajj yattawa judionacatjja walja warank jakenacan iyawsapjjatapa. Take jupanacasti, ‘Moisesan leyinacapajj phokhañapapuniwa’ sapjjänwa.

Hechos 6:14

Ucjjarusti ist'apjjaractwa aqham parliri: ‘Uca Nazaretanquir Jesusajj aca templjja t'unjaniwa, uqhamarac cuntejj Moisesajj jaytawayquistu uca luräwinacsa mayjt'ayaraquiniwa’ sasa.

Gálatas 2:1

Tunca pusini mara pasatatsti, wasitampiw Jerusalén marcaru Bernabeampi sarapjjta, Titorus nayamp chicaw irparacta.

Gálatas 5:6

Jiwasanacatejj Cristo Jesusampi mayaquïstanjja, janiw cunataquis asquïquiti circuncisión lurayasiñasa jan lurayasiñasa. Ucampis iyawsañanïñäni ucaw juc'amp asquejja, aca iyawsañasti munasiñanwa jacayaraquistani.

Gálatas 6:12

Cawquïrinacatejj: “Circuncidasipjjapunim” sapctam ucanacajja, jakenacampi asquit uñt'ayasiñ laycuquiw sapjje, uqhamarac Criston crusap laycu jan arcnakayasiñataqui.

Colosenses 2:16

Mank'apjjatamatsa umapjjatamatsa jan qhitis jumanacarojj jisc'achpati, cuntï machak phajjsi uñsta urunacana, uqhamarac fiesta urunacansa, samarañ urunacan lurapctas ucanacatjja.

Colosenses 2:8

Wal amuyasipjjam, janiraqui sallkjayasipjjamti qhitinacatejj c'ari amuyt'anacapampi sallkjañ munapjjtam ucanacampejja. Jupanacasti janiw Tatitur iyawsapquiti, jan ucasti jakenacan sarnakäwinacaparu, amtatanacaparuquiw phokhapjje cuna tokensa.