Hechos 13:7 - Qullan Arunaca

⁷ Uca jakesti Sergio Paulo sat wali amuyt'ani jilïrimpïnwa. Uca jilïristi jawsayänwa Bernabeampir Saulompiru, jupajj Diosan arunacap ist'añ munatap laycu.

Aymar Bibliia 1986

⁷ Uca jakesti Sergio Paulo sat wali amuyt'ani jilïrimpïnwa. Uca jilïristi jawsayänwa Bernabeampir Saulompiru, jupajj Diosan arunacap ist'añ munatap laycu.

Qullan Arunaka DC

⁷ Uka layqasti marka apnaqir Sergio Paulo sat wali amuyt'an jilïrimpïskänwa. Uka jilïristi Bernabeampiru, Saulompiruw jawsayanïna, Diosan arunakap ist'añ munatap layku.

Hechos 13:7 Jak'a apnaqawi uñst'ayäwi

Proverbios 14:15

Jan amuyt'asiri jakejj take cuntejj sapqui ucarojja iyawsaquiwa, ucampis ch'iqhi jakejja amuyt'asiwa cawquinjamas sarasqui uca.

Proverbios 14:18

Pisi chuyman jakenacasti jan amuyt'an jakenacat catokerïpjjewa, ucampis ch'iqhi jakenacajja yatiñ cancañampi muyuntatäpjjewa.

Proverbios 14:8

Yatiñ cancañajja yatiñan jakerojj amuyt'ayiwa sarnakañapanjja, ucampis jan amuyt'an jakerojj pachpa jan wali luratanacapaw sallkji.

Proverbios 18:15

Yatiñan jakenacampi, ch'iqhi jakenacampiwa yatiñ cancaña thakapqui ucjja jicjjatapjjaspa.

Oseas 14:9

Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Hechos 13:12

Uc uñjasinjja, marca apnaker jilïrejja Tatituruw iyawsäna. Ucatsti jupajj muspharataraquiw uñjasïna Tatitun arunacap ist'asinjja.

Hechos 13:8

Uca layka jaken yakha sutipasti Elimas sataraquïnwa. Jupasti jarc'añwa munäna jach'a jilïrin jan iyawsañapataqui.

Hechos 18:12

Cunapachatejj Galión sat jilïrejj Acaya marcar apnakcän ucürunacajja, judionacajj Pablo contraw mayac sayt'apjjäna. Catuntasinsti, juparojj tribunalaruw irpapjje.

Hechos 19:38

Ucampis Demetrion cuna quejapas utjchejja, uqhamarac qhitinacatejj jupamp chic irnakapquis ucanacansa, uca queja uñjañataquejj juesanacaw utji. Uca autoridadanacaruw jupanacajj quejasipjjañapa, uqhamat sapa maynis arsusipjjañapataqui.

1 Tesalonicenses 5:21

Take cun yant'apjjam, ucatsti cunatejj asquïqui ucana catjjarupjjam.