Hechos 13:6 - Qullan Arunaca

⁶ Take islpacha cayut sarasa muytasinsti, Pafos sat puertoruw puripjjäna. Ucanwa mä Barjesús sat judío layka jaker jicjjatapjjäna. Jupasti: “Diosatwa parlta” sasaw c'arisis sarnakerïtayna.

Aymar Bibliia 1986

⁶ Take islpacha cayut sarasa muytasinsti, Pafos sat puertoruw puripjjäna. Ucanwa mä Barjesús sat judío layka jaker jicjjatapjjäna. Jupasti: “Diosatwa parlta” sasaw c'arisis sarnakerïtayna.

Qullan Arunaka DC

⁶ Ukatsti taqpach wat'a muytasinxa, Pafos sat puertoruw puripxäna. Ukansti Barjesús sutini mä layqa judío jaqiruw jikxatapxäna, jupasti k'ari profetänwa.

Hechos 13:6 Jak'a apnaqawi uñst'ayäwi

1 Reyes 22:22

Ucatsti ajayojj sänwa: ‘Reyin take profetanacaparojj c'arinacwa amuyt'ayäjja’ sasa. Ucatsti Tatitojj sänwa: ‘Uqhamatjja c'arintätawa, uqhamajj saramay luriri’ sasa.

1 Crónicas 10:13

Uqhamawa Saúl reyejj ñankha luratap laycujja jiwäna, jupasti juchwa luräna jan Tatitun arunacap ist'asina, uqhamarac mä yatiri warmiru jisct'asiri saratap laycuraqui.

Éxodo 22:18

“Laykanacasti jiwayatäñapawa.

Levítico 20:6

Maynitejj ch'amacaninacan ucaru, uqhamarac yatirinacan ucaru sarani, ucat k'añuchasiraquini ucanacar arcasa, ucapachasti nayajj jupa contraw sayt'ä ucat uca jakjja jakenac taypitjja jiwayjjaraquïwa.

Zacarías 13:3

“Uqhamasti, cunapachatejj maynejj jutir urunacata arsuña munanejja, awquinacap quipcaw sapjjanejja: ‘¡Jumajj jiwañamaw, c'ari arunacam Tatitun arupat pasayañ munatam laycu!’ sasa. ¡Awquinacap pachpaw cuchillompi jununtapjjanejja cunapachatejj profetäña muncani ucqhajja!

Mateo 16:17

Jesusasti juparojj saraquïnwa: —Cusisiñanïtaw jumajj Simón, Jonasan yokapa. Janiw qhitis jumarojj yatiyctamti, jan ucasti alajjpachanquir Awquejjaw yatiytamjja.

Mateo 24:24

Ucürunacanjja walja sallkjirinacaw jutani: ‘Cristötwa’ sasa, uqhamaraquiw mayninacajj Diosat parlta sasaraqui, ucatsti ajllitanacarusa c'arintapjjaraquiniwa, milagronacampi, unañchanacampi lurasa.

Mateo 7:15

“Amuyasipjjam qhitinacatejj: ‘Diosatwa parlta’ sasa c'arisisa sarnakapqui ucanacatjja. Jupanacasti ovejanacar uñtataw jumanacan ucarojj jutapjje, ucampis chuymapanjja ñankha lunthat kamakenacawa.

Marcos 10:46

Ucjjarusti Jericó marcaruw puripjjäna. Jesusasti discipulonacapampi walja jakenacamp mistusquipan, mä juyqhuw mayjasiscäna, sutipasti Bartimeo, Timeo chachan yokapa, jupasti thacjjan kont'atäscänwa.

Hechos 13:13

Pablompi, Bernabeampi uqhamarac Juanampejj Pafos sat puertotjja, Panfiliancquis uca Perge tokeruw barcot sarjjapjjäna. Ucqhansti Juanajj jupanacar jaytjawayasinjja Jerusalenaruw cutt'anjjäna.

Hechos 13:8

Uca layka jaken yakha sutipasti Elimas sataraquïnwa. Jupasti jarc'añwa munäna jach'a jilïrin jan iyawsañapataqui.

2 Corintios 11:13

Jupanacasti c'ari apostolonacaquïpjjewa, sallkjerinacaraqui, Criston apostolonacapäcaspas uqhamaw tucupjje.

2 Timoteo 3:8

Cunjämatejj Janes, uqhamarac Jambres jan wali jakenacajj Moisés contra sayt'apjjäna, uca pachparaquiw uca jakenacajj Tatitun arunacapataqui sayt'apjje. Aca jakenacajj chuymatpach jan wali amtani jakenacäpjjewa, iyawsäwi toketjja apanucutäpjjewa.

1 Juan 4:1

Munat jilatanaca, jan cuna casta yatichäwirus Diosan yatichäwipäcaspas uqham arcapjjamti, jan ucasti yant'apjjam chekpachapunit Diosan Ajayupani janicha. Walja c'ari yatichirinacaw acapacharojj phokhantasqui. Jupanacasti sapjjewa: “Diosanquirïpjjtwa” sasa.

Apocalipsis 19:20

Uca jach'a ajjsarcañ animalasti c'ari profetamp chica preso catutäjjänwa. Uca c'ari profetasti milagronaca lurirïtaynawa uca ajjsarcañ animal nayrakatanjja. Jupasti uca milagronacampiraquiw qhitinacatejj uca jach'a ajjsarcañ animalan chimpupampi uscuyascatayn ucanacarojj sallkjatayna. Ucatsti c'ari profetasa, uqhamarac uca ajjsarcañ animalasa asufrempi akasquiri nina kotar jacquirpacha jakontatäpjjänwa.