Hechos 13:5 - Qullan Arunaca

⁵ Puerto Salaminar purisinsti Tatitun arunacapat parlañwa kalltapjjäna judionacan sinagogapana. Juanarusti irpapjjaraquïnwa jupanacar yanapañapataqui.

Aymar Bibliia 1986

⁵ Puerto Salaminar purisinsti Tatitun arunacapat parlañwa kalltapjjäna judionacan sinagogapana. Juanarusti irpapjjaraquïnwa jupanacar yanapañapataqui.

Qullan Arunaka DC

⁵ Salaminar purisinsti, Tatitun arunakapat judionakan sinagogapan yatiyañ qalltapxäna. Juan Marcosax jupanakamp chikaw sararakïna, jupanakar yanapiri.

Hechos 13:5 Jak'a apnaqawi uñst'ayäwi

1 Reyes 19:21

Eliseosti Eliasat sarakawayasajja, pä orko vacanaca catusinwa qhariräna, ucatjja yugo lawanacampiraquiwa aychjja cancaraquïna, ucatjja jakenacaruwa mank'arayaraquïna. Ucatsti Eliasan khepapwa sarjjäna, uqhamarac juparu sirviriw kheparjjaraquïna.

1 Reyes 19:3

Eliasajj amuyasïnwa jan walt'añancatapa, ucatsti jacañapa khespiyasiñataquejja jaltjjänwa Beerseba chekaru, ucasti Judá orakenquiwa, ucanaracwa uywataparojj jaytawayjjaraquïna.

2 Reyes 3:11

Ucatjja Josafat reyejj jisct'araquïnwa: —¿Janit aca chekana Tatitun mä profetapajj utjqui, jupa toke Tatitur jisct'añataquejja? —sasa. Ucatsti Israel reyin mayni oficialapajj sänwa: —Acajjay Safat chachan Eliseo yokapajja, jupasti Eliasan yanapiripänwa —sasa.

Éxodo 24:13

Moisesajj Diosan kolluparojj maqhatänwa Josué yanapiripampi chica.

Mateo 20:26

Ucampis jumanacampejj janiw uqhamäcaniti, jan ucasti qhititejj jumanac taypinjja jach'äñ munqui ucajja, mayninacarojj sirviñapawa.

Hechos 12:12

Uqham lup'isaw Pedrojj Marian utapar saräna. Uca Mariasti Juan Marcosan taycapänwa. Uca utanwa waljani jakenacajj Tatiturojj oración lurasipcäna.

Hechos 12:25

Bernabeampi Saulompejj lurañanacap phokhasinjja Jerusalenatjja cuttjjapjjänwa. Marcos sat Juanarusti irpapjjaraquïnwa.

Hechos 13:14

Perge marcatsti jupanacajja, Pisidiancquis uca Antioquía marcaruw sarapjjäna. Ucar purisinsti mä samarañ urunwa israelitanacan sinagogapar mantasin kont'asipjjäna.

Hechos 13:46

Ucapachasti Pablompi Bernabeampejj jan ajjsarasaw sapjje: —Waquisipunïnwa nayrakata jumanac judionacar Diosan arunacapa parlañajja. Ucampis jumanacajj janiw catokañ munapctati. Janiraquiw wiñay jacañatacjam amuyasipctasa. Ucatpï jichhajj nanacajj jan judionacäpquis ucanac taypirojj sarjjapjjäjja.

Hechos 14:1

Iconio marcanjja, Pablompi Bernabeampejj judionacan sinagogaparuw parlir mantapjjäna. Jupanacan parlatapatsti waljaniw iyawsapjjäna, judionacatsa jan judionacatsa.

Hechos 15:37

Bernabeasti Marcos sat Juanaruw jupanacamp chic irpañ munaraquïna.

Hechos 17:17

Ucatwa jupajj sinagogan judionacamp parläna, uqhamarac Diosar yupaychir maynïr jakenacamp cuna. Sapüruraquiw plazanjja ucanquir jakenacampis parlaraquïna.

Hechos 18:4

Sapa samarañ uruw Pablojj sinagogar parlir saräna. Ucansti judionacarus jan judionacarus iyawsayañcamaw parläna.

Hechos 19:22

Jupasti pani yanapt'irinacaparuw nayrakat Macedonia marcarojj qhitäna, ucanacasti Timoteompi, Erastompïnwa. Pablosti mä kawkha urunacampiw Asian kheparäna.

Hechos 19:29

Uqhamatwa marcpachan mayjt'asiñajj utjäna. Ucatsti Gayompiru, Aristarcompiruw catuntapjjäna. Ucanacajj Macedonianquir chachanacänwa. Jupanacasti Pablomp chicaw jutapjjaraquïna. Jakenacasti jupanacar catuntasinjja katatipjjewa marcan tantachasïwi utapcama.

Hechos 19:8

Ucatsti quimsa phajjsiw Pablojj sinagogar saräna. Ucansti jan ajjsarasaw Diosan arunacap jakenacar parläna, Diosan reinopat amuyt'ayasa.

Hechos 9:20

Ucatsti Saulojj sinagoganacanjja Cristotwa parlañ kalltäna: “Jesusajj Diosan Yokapaw” sasa.

Colosenses 4:10

Nayamp chica carcelanquir Aristarco jilatasti aruntanipjjtamwa, Bernabean primo jilap Marcosas aruntanipjjaractamwa. Jumanacajj niya satäpjjtawa Marcosjjatjja; jutani ucqhajja sum catokt'apjjam.

2 Timoteo 4:11

Lucasaquiw nayampïsqui. Marcosaru thaktam ucatsti jumamp chica irpanim, irnakäwejjanjja nayarojj yanapitaniwa.