Hechos 13:4 - Qullan Arunaca

⁴ Ucatsti Kollan Ajayun qhitatäjjasinjja, Bernabeampi Saulompejja, Seleuciaruw sarapjjäna, ucqhatsti Chipre islaruw botet sarapjjäna.

Aymar Bibliia 1986

⁴ Ucatsti Kollan Ajayun qhitatäjjasinjja, Bernabeampi Saulompejja, Seleuciaruw sarapjjäna, ucqhatsti Chipre islaruw botet sarapjjäna.

Qullan Arunaka DC

⁴ Qullan Ajayuw Bernabeampiru, Saulompir khithäna, Diosan arunakap yatiyiri. Nayraqatax Seleucia chiqaruw sarapxäna, uka chiqatsti Chipre wat'aruw botet sarapxäna.

Hechos 13:4 Jak'a apnaqawi uñst'ayäwi

Hechos 11:19

Cunapachatejj Estebanar jiwayapcän ucapachajja, Tatitur arquir maynïr iyawsirinacarojj t'akhesiyasaw arcnakapjjaraquïna. Ucatwa yakhepanacajj Chipre, Fenicia, uqhamarac Antioquía ucsanacar jaltjjapjjäna. Ucansti jupanacajj judionacaruquiw Tatitjjatjja parlapjjäna.

Hechos 13:2

Mä urojj cunapachatejj jupanacajj Tatitur yupaychasipcäna, uqhamarac ayunasipcäna ucapachajja, Kollan Ajayojj jupanacarojj aqham sänwa: “Bernabeampir Saulompir yakhacharapipjjeta, cawquïr luräwitaquitejj jupanacar jawsctjja ucataqui.”

Hechos 13:3

Ucat Tatitur mayisina uqhamarac ayunasinjja, amparanacap jupanacjjar lokjjatasinwa qhitapjjäna.

Hechos 15:36

Ucat mä kawkha tiempotsti Pablojj Bernabearojj sänwa: —Wasitat sarañäni cawqha marcanacantejj Tatitun arunacap parlanctan uca jilatanacar tumpt'iri, cunjämasipcpachas jupanacajja —sasa.

Hechos 20:23

Ucampis acacwa yatta: sapa marcanacanccasinjja Kollan Ajayojj aqham situwa: ‘Carcelanacampi walja t'akhesiñanacampiw suyasctam’ sasa.

Hechos 27:4

Sidonat mistusinsti, Chipre isla aynachäjjwa pasawayapjjta, thayajj maysar thayatap laycu.

Hechos 4:36

Jupanac taypinsti Chiprenquir mä levita jakew utjäna, José sata. Juparusti apostolonacajj Bernabé sasaw sutichapjjaraquïna. (Uca sutisti “chuymachiri” sañ muni.)