Hechos 13:2 - Qullan Arunaca

² Mä urojj cunapachatejj jupanacajj Tatitur yupaychasipcäna, uqhamarac ayunasipcäna ucapachajja, Kollan Ajayojj jupanacarojj aqham sänwa: “Bernabeampir Saulompir yakhacharapipjjeta, cawquïr luräwitaquitejj jupanacar jawsctjja ucataqui.”

Aymar Bibliia 1986

² Mä urojj cunapachatejj jupanacajj Tatitur yupaychasipcäna, uqhamarac ayunasipcäna ucapachajja, Kollan Ajayojj jupanacarojj aqham sänwa: “Bernabeampir Saulompir yakhacharapipjjeta, cawquïr luräwitaquitejj jupanacar jawsctjja ucataqui.”

Qullan Arunaka DC

² Mä urusti, jupanakax Tatituruw yupaychasipkäna, ayuno lurasipkän ukchañkamaw Qullan Ajayux jupanakar säna: “Bernabeampiru, Saulompir yaqhacharapipxita. Nayaw jupanakar mä suma irnaqäwitak ajllista” sasa.

Hechos 13:2 Jak'a apnaqawi uñst'ayäwi

1 Crónicas 16:4

Davidajj levitanac taypitjja utt'ayänwa qhitinacatejj Tatitun arcapa nayrakatana sirvipcani ucanacaru, uqhamata jupanacajj uchasipjjañapataqui loktañansa, yuspagarañansa, uqhamarac Israelan Tatit Diosar yupaychañansa.

Daniel (hebreo) 9:3

Ucatsti nayajj Tatitu Diosaruw mayisiscaraquïyäta, juparuw achict'asiraquïyäta, ayunasina, chhanqha isinacampi isthapisisa, khellaru kont'asisaraqui.

Mateo 17:21

[Aca casta ajayusti oracionampi, uqhamarac ayunompiquiw alissutäspa.]

Mateo 6:16

“Cunapachatejj jumanacajj ayunapcäta ucqhajja, jan llaquit ajanuni sarnakapjjamti, cunjamtï uca c'ari chuymaninacajj lurapqui uqhamjja. Ucjja jupanacajj lurapjjewa jakenacan: ‘Ayunascataynaw’ sayasiñataquiqui. Khanacwa sapjjsma, uca luratapatjja catokjjapjjewa.

Mateo 9:38

Mayipjjamaya yapunirojj juc'amp irnakerinaca qhitaniñapataqui” sasa.

Lucas 10:1

Acanac pasatatsti, yakha pakallk tuncampwa Tatitojj ajllïna, ucanacarusti jupat nayra qhiti panin panini take marcanacaru, uqhamarac cawqhanactï jupajj sarañapäcäna ucsanacarusa.

Lucas 2:37

Jichhasti quimsakallk tunca pusini maranëjjänwa uca viudajja. Jupasti templotjja janiw misturïcänti, jan ucasti arumay uruwa Tatitur sirvïna ayunonaca, oracionanac lurasa.

Hechos 10:19

Pedrojj uca muspharcañ uñjäwit lup'isquipanwa, Kollan Ajayojj juparojj säna: “Pedro, quimsa jakew jumarojj thakasctam.

Hechos 10:30

Corneliosti ucjjarojj sänwa: —Niya pusüröjjewa, cunapachatï nayajj utajjana aca quicpa horasana ayunascäyäta, uqhamarac jayp'u token quimsa horasan oracionsa lurascäyäta, ucapachasti mä khanquir isin chachaw nayar uñstitu.

Hechos 13:3

Ucat Tatitur mayisina uqhamarac ayunasinjja, amparanacap jupanacjjar lokjjatasinwa qhitapjjäna.

Hechos 13:4

Ucatsti Kollan Ajayun qhitatäjjasinjja, Bernabeampi Saulompejja, Seleuciaruw sarapjjäna, ucqhatsti Chipre islaruw botet sarapjjäna.

Hechos 14:26

Ucatsti Antioquiaruw barcot sarjjapjjaraqui, cawquïr marcantejj jilatanacajj Diosan munasiñapar catuyasin, jupanacar Tatitutac irnaker qhitapcäna ucaru. Uca lurañanacjja jupanacajj phokhanjjapjjänwa.

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Hechos 22:21

Ucampis Tatitojj situwa: ‘Saram, nayajj jumarojj wali jayaruw qhitäma, jan judiöpquis ucanacaru’ ” sasa.

Hechos 4:36

Jupanac taypinsti Chiprenquir mä levita jakew utjäna, José sata. Juparusti apostolonacajj Bernabé sasaw sutichapjjaraquïna. (Uca sutisti “chuymachiri” sañ muni.)

Hechos 6:4

Nanacasti Diosat mayiñaruw juc'amp uscusipjjä, uqhamarac jupan arunacap yatichañaru —sasa.

Hechos 8:29

Kollan Ajayusti Feliperojj sänwa: “Uñjam, ucat uca carroru jac'achasim” sasa.

Hechos 9:15

Ucampis Tatitojj Ananiasarojj sänwa: —Sarascaquim, nayaw juparojj ajllista nayjjat parlañapataqui yakha marcanquirinacaru, reyinacaru, israelit jakenacampiru.

Romanos 1:1

Naya Pablojj Jesucriston sirviripätwa. Apostolöñajjataquejj Diosaw jawsitu, yakhacharaquitu jupan khespiyasiñ arunacap jakenacar yatiyañajjataqui.

Romanos 10:15

¿Cunjämraqui yatiyapjjanisti jupanacajj jan qhitatäcasinsti? Cunjämtï Kellkatanjja sisqui uqhama: “¡Cunja sumas sumancañ arunac apanirin purinitapajja, uqhamarac suma asqui arunac yatiyatanacapasa!”

Romanos 15:16

Jesucristor sirviñataqui jan judiöpquis ucanac taypina. Sirvcta ucasti Diosan khespiyasiñ arunacap jupanacar khanañchcta ucawa, uqhamat jan judiöpquis ucanacar Diosajj mä ofrendjama catokañapataqui, ucanacasti Kollan Ajayun k'oma tucuyatawa.

1 Corintios 12:11

Ucampis take acanacjja mä sapa Ajayuquiw luri, jupasti cunjämarutejj munqui uqhamaruw sapa maynirus laquinoke.

1 Corintios 7:5

Jan maynis maynis “janiw” sasipjjamti, jan ucasti oración lurañ laycu, jumanac pura arust'asipjjasma mä tiempo jan jac'asiñataqui ucqhaquiw “janiw” sasipjjasmajja. Uca pasatatsti wasitatwa jumanacajj juntasjjapjjañama, inampis maynejj janchipar jan atipirjamäsajj Supayampi yant'atajja juchar purispa.

2 Corintios 11:27

Walja cutiw irnakäwinacan uqhamaraqui jan walt'añanacan uñjasta; walja cutiraquiw jan iquin cuna sarnakta; mank'ats awtjata umats pharjataw sarnakta; walja cutiwa ayunas sarnakta; thayansa thayjata, jan isin cuna.

2 Corintios 6:5

Jawk'jasinwa carcelar uscuntapjjetu; jakenacan nanac contra ojjotanacapsa, uqhamaraqui wali ch'ama tucuñanacsa pasanipjjaractwa; jan iquini, jan mank'ataraquiw sarnakapjjta.

Gálatas 1:15

Ucampis Diosaw nayarojj janïra nascta ucqhatpacha ajllisitu, jach'a munasiñap tokeraquiw jawsitu. Diosajj uqham munasinwa,

Efesios 3:7

Janis nayan waquiscchïna ucasa, Diosan ch'amap tokewa aca arunac apañatac uscutätjja.

Deuteronomio 10:8

Ucapachaw Tatitu Diosajj Leví triburojj ajllïna, suma arust'äwiru mantat arca apañapataqui, ucatsti Tatitu Diosan nayrakatapancapjjañapataqui yupaychasa, uqhamaraqui jupan sutiparu bendiciñataqui, cunjämatï jichhürcama lurasipqui uqhama.

Colosenses 4:17

Arquipo jilatarusti aqham sapjjam: “Uñtam, cuna lurañtï Tatitojj churctam ucjja sum phokham” sasa.

1 Timoteo 2:7

Acataquiw nayajj chhijllatäta Tatitun arunacap parlañajjataqui, apostolöñajjataqui, iyawsañjjata uqhamarac cheka arunacjjata jan judiöpqui ucanacar yatichañajjataqui. Cunatejj chekäqui ucwa sista; janiw c'ariscti.

2 Timoteo 1:11

Diosajj nayarojj qhitituwa Tatitun arunacap khanañchañajjataqui, apostoljama qhitaraquitu jan judiöpquis ucanacar yatichañajjataqui.

2 Timoteo 2:2

Cuntejj walja testigonacan nayrakatapan arsuri ist'quista ucjja, qhitinacatejj churañjamäqui, uqhamarac mayninacarus yatichirjamäqui ucanacarojj uca pachpa arunacampi ewjjt'am.

2 Timoteo 4:11

Lucasaquiw nayampïsqui. Marcosaru thaktam ucatsti jumamp chica irpanim, irnakäwejjanjja nayarojj yanapitaniwa.

2 Timoteo 4:5

Ucampis jumajj take amuyt'añampipuni saram, t'akhesiñanac mutusina, khespiyasiñ arunac parlañaru uchasiraquim, lurañanacamjja sumrac phokham.

Hebreos 5:4

Janiw qhitis jupa pachpatjja jilïri sacerdotëcaspati, ucampis Diosaw jawsi, ucat uca suma jach'añchäwi churaraqui, cunjämtï Aaronar churcäna uqhama.

1 Samuel 2:11

Ucatsti Elcanajj utaparuw cuttawayjjaraquïna, Ramá chekaru, ucampisa wawajj Tatitur sirvisawa kheparjjaraquïna, Elí sacerdoten arsutapwa phokharaquïna.