Hechos 13:12 - Qullan Arunaca

¹² Uc uñjasinjja, marca apnaker jilïrejja Tatituruw iyawsäna. Ucatsti jupajj muspharataraquiw uñjasïna Tatitun arunacap ist'asinjja.

Aymar Bibliia 1986

¹² Uc uñjasinjja, marca apnaker jilïrejja Tatituruw iyawsäna. Ucatsti jupajj muspharataraquiw uñjasïna Tatitun arunacap ist'asinjja.

Qullan Arunaka DC

¹² Uk uñjasinsti, marka apnaqir jilïrix Tatit Jesusan yatichäwinakapxat muspharataw uñjasïna, ukatsti iyawsarakïnwa.

Hechos 13:12 Jak'a apnaqawi uñst'ayäwi

Mateo 27:54

Ucanccän uca capitanasti mayninacampejja, orak qhathatimpi, uqhamarac yakhanacampi uñjasinjja wal ajjsarapjjäna, ucat sapjjaraquïna: “Chekpachapuniw aca jakejj Diosan Yokapäpacha” sasa.

Lucas 4:22

Takeniraquiw Jesusatjja: “Waliquiw” sapjjäna, muspharasipjjaraquïnwa jupan ucqha suma arunac jupanacar parlt'atapata. Ucatsti jisct'asipjjänwa: —¿Janit acajj Josean yokapäqui? —sasa.

Lucas 7:16

Uc uñjasinjja takeniw ajjsarthapipjjäna, ucat Diosar yupaychañ kalltapjje: “Mä jach'a profetaw jiwas taypin uñsti. Diosaw juti marcapar yanapt'iri” sasa.

Juan 7:46

Templo uñjirinacasti sapjjaraquïnwa: —¡Janiw cunapachas qhitis uca jakjamajj parlquiti! —sasa.

Hechos 13:48

Uc ist'asinsti, jan judionacäpquis ucanacajj cusisipjjänwa. Sapjjaraquïnwa: “Tatitun arunacapajj wali sumapuniwa” sasa. Ucatsti qhitinacatejj wiñay jacañatac waquichatäpcän take ucanacajj iyawsapjjaraquïnwa.

Hechos 13:49

Uqhamaw Tatitun arunacapajj parlasïna take uca chekanacana.

Hechos 13:7

Uca jakesti Sergio Paulo sat wali amuyt'ani jilïrimpïnwa. Uca jilïristi jawsayänwa Bernabeampir Saulompiru, jupajj Diosan arunacap ist'añ munatap laycu.

Hechos 13:8

Uca layka jaken yakha sutipasti Elimas sataraquïnwa. Jupasti jarc'añwa munäna jach'a jilïrin jan iyawsañapataqui.

Hechos 15:35

Uqhamaraquiw Pablomp Bernabeampejj kheparapjjäna uca quicpa Antioquiaru. Ucatsti waljaninacampiw jupanacajj Tatitun arunacap parlapjjäna.

Hechos 15:36

Ucat mä kawkha tiempotsti Pablojj Bernabearojj sänwa: —Wasitat sarañäni cawqha marcanacantejj Tatitun arunacap parlanctan uca jilatanacar tumpt'iri, cunjämasipcpachas jupanacajja —sasa.

Hechos 18:12

Cunapachatejj Galión sat jilïrejj Acaya marcar apnakcän ucürunacajja, judionacajj Pablo contraw mayac sayt'apjjäna. Catuntasinsti, juparojj tribunalaruw irpapjje.

Hechos 19:10

Jupasti ucanjja pä maraw uqham parläna. Uqhamatwa take Asia token jaquirinacajj Tatit Jesusan arunacap ist'apjjäna, judionacasa jan judiöpqui ucanacasa.

Hechos 19:20

Uqhamatwa Tatitun arunacapajj juc'ampi parlatäna, ch'amamp uñacht'ayasa.

Hechos 19:38

Ucampis Demetrion cuna quejapas utjchejja, uqhamarac qhitinacatejj jupamp chic irnakapquis ucanacansa, uca queja uñjañataquejj juesanacaw utji. Uca autoridadanacaruw jupanacajj quejasipjjañapa, uqhamat sapa maynis arsusipjjañapataqui.

Hechos 19:7

Jupanacasti niya tunca payan chachanacjamänwa.

Hechos 28:7

Uca Malta islansti mä jilïr jakew utjäna Publio sutini. Jupan orakenacapasti ucawja jac'ancaraquïnwa. Ucansti jupajj wali sumaracwa catokapjjaraquitu. Quimsüruraquiw ucanjj kamarapjjta.

Hechos 6:10

Ucampis jupanacajj janiw atipañatac ch'amanïpcänti Esteban chachan parlataparojja, jupasti Kollan Ajayun ch'amapampejj wali yatiñampiw parläna.

Hechos 8:25

Apostolonacasti Diosan arunacap parlasinjja, Samarianquir yakha jisc'a marcanacanwa khespiyasiñ suma arunac yatiyapjjäna. Ucatsti Jerusalenaruw cutjjapjjaraquïna.