Hechos 13:1 - Qullan Arunaca

¹ Antioquía iglesianjja utjaraquïnwa profetanaca, yatichirinaca. Ucanacasti acanacänwa: Bernabé, Simón (qhitirutejj “Negro” sas sutichapjjaraquïna), Cirenenquir Lucio, Manaén (qhititejj Galilea apnakeri Herodesamp chica uywatäcäna uca), Saulomp cuna.

Aymar Bibliia 1986

¹ Antioquía iglesianjja utjaraquïnwa profetanaca, yatichirinaca. Ucanacasti acanacänwa: Bernabé, Simón (qhitirutejj “Negro” sas sutichapjjaraquïna), Cirenenquir Lucio, Manaén (qhititejj Galilea apnakeri Herodesamp chica uywatäcäna uca), Saulomp cuna.

Qullan Arunaka DC

¹ Antioquía iglesianxa, profetanakampi, yatichirinakampiw utjarakïna. Jupanakasti akanakänwa: Bernabé, Simeón (khitirutix “Negro” sasa sutichapkarakïna), Cirenenkir Lucio, Manahem (khititix, Galilea apnaqir Herodes Antipasamp chika jilasitayna uka), ukhamarak Saulo.

Hechos 13:1 Jak'a apnaqawi uñst'ayäwi

Mateo 27:32

Marcat mistcasinjja mä jakeruw jicjjatapjjäna. Jupasti Cirenenquirïnwa, sutipasti Simón sata. Juparuraquiw Tatitun crusapjja apayapjjäna.

Lucas 3:1

Tiberio sat emperadorajj niya tunca pheskan mara marca apnakascän ucqhajja, Poncio Pilatojj Judea marca apnakaraquïna, Herodesasti apnakaraquïnwa Galilea, Felipe jilapasti Iturea marcampi Traconite marcamppacha apnakaraquïna, Lisaniasasti Abilinia marca apnakaraquïna.

Hechos 11:30

Apthapisinsti, uca ofrendanacjja apayapjjänwa Judea marcan jilïrinacaru, Bernabeampi Saulompiw apapjjäna.

Hechos 12:25

Bernabeampi Saulompejj lurañanacap phokhasinjja Jerusalenatjja cuttjjapjjänwa. Marcos sat Juanarusti irpapjjaraquïnwa.

Hechos 13:9

Ucapachajj Saulojja, qhititejj Pablo satäcaraquïna ucajja, Kollan Ajayun phokt'atäsinjja, juparojj wal uñcatäna.

Hechos 15:32

Judasampi Silasampisti, Diosan profetanacapäsinjja, arunacapampejj jilatanacarojj wal chuymacht'apjjäna uqhamarac ch'amañcht'apjjaraquïna.

Hechos 15:35

Uqhamaraquiw Pablomp Bernabeampejj kheparapjjäna uca quicpa Antioquiaru. Ucatsti waljaninacampiw jupanacajj Tatitun arunacap parlapjjäna.

Hechos 19:6

Cunapachatejj Pablojj amparapamp jupanacjjar lokjjati ucqhaw Kollan Ajayojj jupanacjjar jutäna. Ucatsti jupanacajj jan uñt'at arunacwa parlapjjäna, Diosan arunacapsa yatiyapjjaraquïna.

Hechos 21:9

Felipesti pusi tawak phuchanacanïnwa. Jupanacasti Diosan arunacap parlirïpjjaraquïnwa.

Hechos 4:36

Jupanac taypinsti Chiprenquir mä levita jakew utjäna, José sata. Juparusti apostolonacajj Bernabé sasaw sutichapjjaraquïna. (Uca sutisti “chuymachiri” sañ muni.)

Hechos 9:1

Ucchañcamasti Saulojj janiw amuct'cänti Tatitun arquirinacap contra parlañjja —Jiwarayapunïwa —sasa. Ucatwa jilïr sacerdoten ucarojj saräna.

Romanos 16:21

Timoteojj aruntanipjjaractamwa, jupasti nayamp chica irnakeriwa, uqhamarac Lucio, Jasón, Sosípater, marca masinacajjas aruntanipjjaractamwa.

1 Corintios 11:4

Mä chachatejj culton oración lurchi jan ucajj Diosan arunacapsa parlchi p'ekepa ch'okt'asisa ucajja, Cristotaquejj uca ch'okasiñajja p'enkawa.

1 Corintios 13:2

Diosat catokat arunactejj parliristjja, uqhamarac Diosan amtatanacapsa k'al yatirista, take cuns yatiraquirista, iyawsañajjas jach'araquïspa kollunac onjjtayañcamajja, ucat janiraqui munasiñanïquiristjja, janiw nayajj cunäctsa.

1 Corintios 13:8

Munasiñajj janipuniw tucusquiti. Mä urojj janiw Diosan arunacapajj parlascjjaniti, janiraquiw jan uñt'at arunacatsa parlascjjaniti, ni take cun yatiñas munascjjaraquiniti.

1 Corintios 14:29

Uqhamaraqui, cunapachatejj Diosat catokata arunaca parlapjjäta ucqhajja, panis quimsanis parlpan, ucatsti mayninacajj amuyt'apjjaracpan walti parli janicha ucjja.

1 Corintios 14:32

Diosan arunacapa parlirinacajja take amuyupampiw parlañapa;

1 Corintios 9:6

¿Jan ucajj jumanacajj amuyapjjtacha Bernabeampi nayampiquicha jan asquïpctjja jilatanacat take ucanac catokañataquejja?

Gálatas 2:13

Ucatsti mayni judío iyawsirinacajj Pedromp chica c'ari chuymanïpjjänwa, Bernabeamp cunaw uca c'ari yatichäwimpejj sallkjat uñjasïnjja.

Gálatas 2:9

Ucatwa Santiagompi, Pedrompi, Juanampejj jilïrinacäsinjja uñjapjje Diosajj nayaru aca luräwi churquitu ucjja. Ucatsti ampara churapjjetu nayaru uqhamaraqui Bernabearu cuna. Acjja lurapjjänwa mayaquïctansa uca amtäwimpi, jan judiöpquis uca taypin nanacan irnakañajj-jja: “Waliquiw” sapjjaraquiwa, jupanacasti judionac taypin irnakapjjañaparaquïnwa.

Efesios 4:11

Ucatsti juparaquiw sapa maynirus amuyt'añ churi, mayninacarojj apostolöña, mayninacarojj Diosat catokat arunac khanañchaña, mayninacarusti khespiyasiñ arunac parlaña, mayninacarusti pastoräña, yatichirïñaraqui.

Filipenses 4:22

Take qhitinacatejj Diosancapqui ucanacawa aruntanipjjtam, uqhamarac romano emperadoran utapanquirinacasa juc'ampi aruntanipjjaractamjja.

1 Tesalonicenses 5:20

Jan jisc'achapjjamti Diosan amuyt'ayata arunacaparojja.