Hechos 11:12 - Qullan Arunaca

¹² Kollan Ajayusti situwa: ‘Saram jupanacamp chica, jan pächasisa’ sasa. Aca sojjta jilatanacasti nayamp chicaraquiw sarapjjäna. Ucatsti mä jaken utaparuw mantapjjta.

Aymar Bibliia 1986

¹² Kollan Ajayusti situwa: “Saram jupanacamp chica, jan pächasisa” sasa. Aca sojjta jilatanacasti nayamp chicaraquiw sarapjjäna. Ucatsti mä jaken utaparuw mantapjjta.

Qullan Arunaka DC

¹² Ukapachaw Qullan Ajayux nayar situ: “Jupanakamp chik jan pächasis saram” sasa. Uka suxta jilatanakasti nayamp chikaw sarapxäna. Cesarea markar purisasti, Cornelio chachan utaparuw mantapxta.

Hechos 11:12 Jak'a apnaqawi uñst'ayäwi

Mateo 1:20

Uqham lup'isquipansti Tatitun mä angelapaw samcan uñstäna, ucatsti saraquïnwa: “José, Davidan wawapa, jan ajjsaramti Mariaru warmimat catokañjja, nascani uca wawasti Kollan Ajayutwa juti.

Juan 16:13

Cunapachatejj Kollan Ajayojj jutcani ucqhajja, jupaw take cunatejj chekäqui uca yatichapjjätam. Janiraquiw jupa pachpat parlcaniti, jan ucasti cuntejj ist'qui ucwa sani, yatiyapjjaraquïtamwa cunanacatejj pascani ucanacsa.

Hechos 1:15

Ucürunacansti patac pä tuncanjam jilatanacaw tantacht'asipjjäna. Ucatsti Pedrojj jupanac taypin sayt'asisinwa säna:

Hechos 10:23

Ucatwa Pedrojj jupanacar uta mankhar irpantasina, uca arumajj korpachawayäna. Khepürusti, Pedrojj waquicht'asisina jupanacamp chicaw sararaquïna, Jopenquir mä kawkha jilatanacas jupamp chicajj sararaquïnwa.

Hechos 10:45

Pedrompi chic jutir judío iyawsirinacasti muspharataw uñjasipjjäna, jan judiöpquis uca jakenacjjar Kollan Ajayojj jutatapatjja.

Hechos 11:13

Jupasti yatiyapjjetuw cunjämtï utapan mä angelar uñjcatayna uca. Uca angelasti sayt'asisina juparojj sataynawa: ‘Jope marcar chachanac qhitam ucatsti Pedro sat Simonar jawsayanim.

Hechos 13:2

Mä urojj cunapachatejj jupanacajj Tatitur yupaychasipcäna, uqhamarac ayunasipcäna ucapachajja, Kollan Ajayojj jupanacarojj aqham sänwa: “Bernabeampir Saulompir yakhacharapipjjeta, cawquïr luräwitaquitejj jupanacar jawsctjja ucataqui.”

Hechos 13:4

Ucatsti Kollan Ajayun qhitatäjjasinjja, Bernabeampi Saulompejja, Seleuciaruw sarapjjäna, ucqhatsti Chipre islaruw botet sarapjjäna.

Hechos 15:7

Ucjjat wal parlaquipasinsti, Pedrojj sayt'asisinwa jupanacarojj säna: —Jilatanaca, jumanacajj yatipjjtawa cunapachatï Diosajj jumanac taypit nayar ajllquitu ucat acarojj jayäjjewa. Jupasti ajllisituw jan judiöpquis ucanacar nayan parlañajjataqui Tatit toke khespiyäwejj utjatapata, uqhamata jupanacan iyawsapjjañapataqui.

Hechos 15:9

Diosajj janiw jiwasanacamp jupanacampitjja yakha yakha uñjquistuti. Jupajj jupanacan chuymanacapsa iyawsatap laycojj k'omacharaquiwa.

Hechos 28:15

Romanquir jilatanacasti nanacan puriñajj-jja yatipjjaraquïnwa. Ucatwa thaquir catokeri jutapjjäna, Foro de Apio satäquis ucacama. Jiquisipcta ucawjasti “Tres Tabernas” sataraquïnwa. Pablojj jupanacar uñcatasinsti, Diosaruw yuspagari, ucatsti wal cusisiraquïna.

Hechos 8:29

Kollan Ajayusti Feliperojj sänwa: “Uñjam, ucat uca carroru jac'achasim” sasa.

Romanos 3:22

Diosajj cunjämattejj jiwasanacarojj asqui jaket catokquistaspan ucajja Jesucristor iyawsatas laycuquiwa, janiraquiw yakha yakhäñajj utjquiti;

2 Tesalonicenses 2:2

jan janc'aqui amuyunacamjja mayjt'ayapjjañamataqui. Janiraqui cuna casta ajayun arunacampis sustjayasipjjamti, ni cuna casta arunac ist'asinsa, ni cuna carta catokasinsa “Tatitun urupajj purinjjewa” sas kellkata ucatsa.

Apocalipsis 22:17

Kollan Ajayumpi Corderon esposapampisti siwa: “Jutam”. Ist'irïqui ucasti saracpan “Jutam” sasa. Qhititejj umat pharjayasqui, ucat um muncaraqui ucajj jutpan, jacañ umat inac umt'aracpan.