Hechos 11:1 - Qullan Arunaca

¹ Judeanquir apostolonacampi iyawsirinacampejj yatiyapjjänwa, jan judiöpquis uca jakenacan Diosan arunacap catokapjjatapa.

Aymar Bibliia 1986

¹ Judeanquir apostolonacampi iyawsirinacampejj yatiyapjjänwa, jan judiöpquis uca jakenacan Diosan arunacap catokapjjatapa.

Qullan Arunaka DC

¹ Judeankir apostolunakampi iyawsirinakampix, yatiyapxänwa, jan judiöpkis uka jaqinakan Diosan arunakap katuqapxataparaki.

Hechos 11:1 Jak'a apnaqawi uñst'ayäwi

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

Salmos 22:27

Takpach jakenaca, takpach marcanaca, acapach tucuscam jaquir jakenaca: Tatitut amtasipjjam, jupar maqhatjjapjjam; nayrakatapar konkort'asipjjam.

Isaías 11:10

Uca urunjja Isaí chachan saphipat ch'ichtanir alejja mä unañchäcaspas marcanacataquejj uqhamaw sartani, marcanacasti jupar thakheriw sarapjjani, cawqhanccanitejj jupajj ucqhasti c'ajquirïniwa.

Isaías 32:15

Ucampisa Tatitun ch'amapajj wasitatwa ch'amapampi jiwasjjaru jutani, wasarasti suma yapuchasiñ orakeruw tucjjani, yapuchasiñ orakesti juc'ampi suma achuri yapuraquiw tucjjani.

Isaías 42:1

“Acajj sirvirejjajja, qhitirutejj nayajj uywascta ucajja, ajllisitajjawa, jupanracwa cusistjja. Ajayojjsa jupjjaruraquiw uchtjja, uqhamat cunatejj chekapäqui ucanac take marcanacaru apaniñapataqui.

Isaías 42:6

“Naya, Tatituw, jumarojj jawssma cheka cancañajj phokhañamataqui, amparamatracwa wayjjarsma, uqhamat jumajj khespiyasiñ apañamataqui; nayaw jumarojj sayt'aysma, munaractwa jumajj mä chimpüñama marcajjampi arust'äwiru mantatajjatjja, marcanacataquisa mä khanäñamaraqui.

Isaías 49:6

“Janiw Jacobon marcanacap sayt'ayañataquic sirvirejjäctati. Ni Israelat jilt'irinacaruquisa cuttayancätati; jan ucasti nayaw jumarojj marcanacan khanapa tucuyäma, uqhamat khespiyasiñajj aca oraket wali jaya tokenaccama apañamataqui, ucataquiw jumajj sirvirejjätajja.”

Isaías 52:10

Tatitojj take marcanacan uñjcataw jach'a ch'amap uñacht'ayi. Take aca orakpacharaquiw yatini, jiwasan Diosasajj khespiyquistu ucjja.

Isaías 60:3

Marcanacajj uca khanamaruw jutapjjani, reyinacasa khantati khanamaruraquiw jutapjjani.

Isaías 62:2

Marcanacajj khespiyasiñamwa uñjapjjani, take reyinacaraquiw c'ajquir cancañamjja uñjapjjani. Ucapachaw jumataquejj mä machak sutejj utjani, pachpa Tatituw uca sutjja churaraquïtam.

Jeremías 16:19

Tata, nayar ch'am churiri, nayar arjjatiri; jan walt'añ horasajjansa nayar imirïtawa; juman ucaruw marcanacajj jutapjjani, aca orake tucusitpacha, ucatsti sapjjaraquiniwa: “Nanacan awquinacajjasti, c'ari diosanaca, jan ch'amani, jan cunatac inamaya diosanacwa herenciata catokapjjänjja.

Oseas 2:23

Marcajjarusti orakeruw uscusiraquï, nayataquiquipuniw uscusï; Lo-ruhamatsti qhuyapayasiraquïwa, Lo-amirusti ‘Marcajjätawa’ saraquïwa, Jupasti: ‘¡Diosajjätawa!’ saraquitaniwa.”

Miqueas 5:7

Ucapachasti, walja marcanac taypina, Jacobun marcapat jilt'irinacajja Tatitojj apayanqui uca sullanacjamäniwa, koranacjjar purjjatquis uca jallunacjamaraqui, ucanacasti janiw jaken munañapat utjquiti.

Sofonías 2:11

Diosasti jupanacampejj wali ajjsarcañäniwa. Take marcanacan diosanacaparusa t'unjaraquiniwa, jupaquiraquiw take chekansa yupaychatäni, uqhamaraqui islanacan jaquir jakenacansa.

Sofonías 3:9

“Cunapachatejj ucanacajj purinini ucqhajj, take marcanacan parläwinacapwa k'omachä, uqhamata takenin Diosaru yupaychapjjañapataqui, ucatsti mayaquiraqui Diosaru sirvipjjañapataqui.

Zacarías 2:11

Cunapachatejj ucajj pasani ucqhajj walja marcanacaw Tatituru jakcattapjjanejja. Jupasti saraquiniwa: “Aca marcanacasti marcajjaraquïnwa. Nayasti ucqhajj jumanac taypinwa jacaraquëjja.” Uqhamatwa amuyapjjanejja take ch'amani Tatitu nayar qhitanitapjja.

Malaquías 1:11

Take acapach orakenwa nayarojj jach'añchapjjetu, uqhamaraquiwa take chekanacan incienso naqhayapjje nayar jach'añchasa, ucatsti k'oma ofrendanacrac loktapjjetu.

Mateo 2:1

Jesusasti Belén marcanwa nacïna Judea orakena, ucapachasti Herodesaw reyïscaraquïna. Jerusalén marcarusti mä jakenacaw inti jalsu toketa purinipjjäna, jupanacasti magonacäpjjänwa.

Mateo 8:11

Nayasti sapjjsmawa, waljaninacaw jutapjjani, inti jalsu toketsa uqhamarac inti jalanta toketsa, ucatsti kont'asipjjaraquiniwa Abrahamampi mank'añataqui, uqhamaraqui Isaac, Jacob ucanacampi, alajjpach suma marcanjja.

Marcos 16:5

Sepulturar mantasinsti, mä waynaruw uñjapjjäna jank'o isin ist'ata, cupëjjan kont'atäsquiri. Warminacasti sustjasipjjänwa.

Lucas 2:32

Juparaquiw take marcanacar khantir khanajja, jupäniw Israel marcamaru jach'ar aptirejja” sasa.

Hechos 1:15

Ucürunacansti patac pä tuncanjam jilatanacaw tantacht'asipjjäna. Ucatsti Pedrojj jupanac taypin sayt'asisinwa säna:

Hechos 11:29

Ucatwa Tatitur arquiri Antioquianquir jakenacajj amtapjjäna mä yanap apayañatac Judeanquir jilatanacaru, cunjämatejj sapa mayni jupanacan utjcän uqhamarjama.

Hechos 14:27

Antioquiar purisinsti, iglesia jilatanacaruw jawsthapipjjäna. Ucat jupanacarojj take cunanactejj Diosajj jupanac toke lurcatayna ucanacwa yatiyapjje. Uqhamaraquiw yatiyapjjäna cunjämtejj Tatitojj jan judionacäpquis ucanacan iyawsapjjañapataqui punc jist'arcän ucsa.

Hechos 15:3

Jupanacarusti Antioquianquir iglesiaw qhitäna. Jerusalenar sarcasinsti, jupanacajj Fenicia tokenacwa pasapjjäna, uqhamarac Samaria tokenaca. Ucawjanacansti yatiyapjjänwa cunjämtï jan judiöpquis ucanacajj nayra iyawsäwinacap apanucusin Diosar arcjjapjjäna uca. Uc ist'asinsti take jilatanacajj wal cusisipjjäna.

Hechos 28:15

Romanquir jilatanacasti nanacan puriñajj-jja yatipjjaraquïnwa. Ucatwa thaquir catokeri jutapjjäna, Foro de Apio satäquis ucacama. Jiquisipcta ucawjasti “Tres Tabernas” sataraquïnwa. Pablojj jupanacar uñcatasinsti, Diosaruw yuspagari, ucatsti wal cusisiraquïna.