Hechos 1:16 - Qullan Arunaca

¹⁶ “Jilatanaca, waquisipuniw Kellkatanacan phokhasiñapajja, cunjämtï Kollan Ajayojj David toke Judasjjat parlcäna, qhititï Jesusar catuntayañataqui jakenacar irpcänjja ucjjata.

Aymar Bibliia 1986

¹⁶ “Jilatanaca, waquisipuniw Kellkatanacan phokhasiñapajja, cunjämtï Kollan Ajayojj David toke Judasjjat parlcäna, qhititï Jesusar catuntayañataqui jakenacar irpcänjja ucjjata.

Qullan Arunaka DC

¹⁶ “Jilatanaka, kuntix Qullan Ajayux David tuqi Judas chachat Qillqatanakan arskatayna ukan phuqhasiñapax wakisïnwa, jupaw Jesusar katuntir jaqinakan irpiripäna.

Hechos 1:16 Jak'a apnaqawi uñst'ayäwi

2 Samuel 23:2

“Tatitun ajayupaw naya toke parli; arunacapasti lacajjancaraquiwa.

2 Reyes 15:12

Uqhamatwa phokhasiscäna cuntejj Tatitojj Jehú reyir yatiycäna wawanacapat saraker familiapajj pusïr wawapan wawapcama Israelan tronopan kont'asiñapäcäna ucajja.

Salmos 41:9

Alcatañ uñt'at masejjamppacha, mank'añajjat mank'er jakemppachaw nayarojj ch'ojjñ luritu.

Mateo 26:14

Tunca payani discipulonacapatjja maynïriwa sacerdotenacan jilïrinacapan ucaru saräna, sutipasti Judas Iscariote satänwa.

Mateo 26:47

Uqham Jesusajj parlasquipanwa Judasajj jupan ucar purini, cawquïritejj tunca payanit maynirïcäna uca. Jupampisti walja jakenacaraquiw jutapjjäna, espadanacas apt'ata, lawanacamp cuna. Jupanacasti jutapjjänwa cunjämtejj sacerdotenacan jilïrinacapajj uqhamaraqui chuymani jilïrinacas qhitancatayna uqhamarjamaw lurasipcäna.

Mateo 26:54

Uqhamäspa ucasti ¿cunjämatsa phokhasiñapäcän uca Kellkatanacajj phokhasispa?

Mateo 26:56

Ucampis take acanacajj lurasisquiwa profetanacan arsutanacapajj phokhasiñapataqui —sasa. Ucapachaw Jesusan discipulonacapajj jaytarpayasin jaltjjapjjäna.

Marcos 12:36

David quipcaraquiwa, Kollan Ajayun khant'atäsinjja sï: “Tatitojj Tatitojjarojj siwa: ‘Cupëjjajjar kont'asim, Uñisirinacamaru jumampi tacjjatayañajjcama’ sasa.

Marcos 14:43

Uqham parlasquiriruw Judasajj purini, jupasti Jesusan tunca payani discipulonacapatjj maynïrïnwa. Walja jakenacaraquiw jupamp chicajj jutapjjäna, espadanac apt'ata, lawanac ayt'ataraqui. Jilïr sacerdotenacampi, ley yatichirinacampi, jilïr jakenacampiw ucanacarojj qhitanipjjatayna.

Lucas 22:47

Jesusajj parlascaquïnwa, ucapachaw walja jakenacajj purinipjjäna. Qhititejj Judas satäcäna ucasti tunca payan discipulonacat maynïrïnwa, ucajj jupanacan nayrakatap jutäna. Jupasti Jesusaruw maqhati jamp'att'añataqui.

Juan 10:35

Yattanwa cuntejj Kellkatanjj sisqui ucjja, janiw ucjja janiw uqhamäquiti siscsnati; Diosasti sutichänwa: ‘diosanac’ sasa, qhitinacatejj arunacap catokqui ucanacaru.

Juan 13:18

“Janiw nayajj parlcti take jumanacata, nayajj yattwa qhitinacarutejj ajlliscta ucjja. Cuntejj Kellkatanjj sisqui ucajj phokhasiñapawa: ‘Cawquïritejj nayamp chica mank'qui ucajja nayataquiw sayt'i’ sasa.

Juan 17:12

Cunapachatejj acapachanjja jupanacampïcäyäta ucqhajja, ch'amamampiw imäyätjja cawquïrinactejj churquista ucanacarojja, uqhamarac irparaquïyätjja. Janiw jupanacatjja maynis chhakquiti, jan ucasti chhakhatapunïcänsa ucaquiw chhakjje, Kellkatanjj cunjämtejj sisqui ucarjam phokhasiñapataqui.

Juan 19:36

Acanacajj lurasïnwa; cunjämtejj kellkatanacan siscäna: “Janiw mä ch'aqhaps p'acjapcaniti” sasa, uqhamarjam phokhasiñapataqui.

Hechos 1:20

Salmo libronjja aqham kellkataraquiwa: ‘Utjäwipajja ch'usar tucpan. Janirac qhitis uca utan jacpati.’ Saraquiwa: ‘Ucatsti yakharac lurañapjja lurpan’ sasa.

Hechos 13:15

Moisesan kellkatapampi profetanacan kellkatapampi leet'asinjja, sinagogan jilïrinacapajj jawsayapjjänwa, aqham sasa: —Jilatanaca, jumanacantejj utjapjjstam cuna suma ewjjt'añanacasa, arsusipcaquim —sasa.

Hechos 13:38

Jilatanaca, jumanacajj ac yatipjjañamawa: Juchat perdón utjatapajja, Jesús tokew jumanacarojj yatiyasi.

Hechos 15:13

Parlañ tucuyjjepansti, Jacobojj sänwa: —Jilatanaca, ist'apjjeta.

Hechos 15:7

Ucjjat wal parlaquipasinsti, Pedrojj sayt'asisinwa jupanacarojj säna: —Jilatanaca, jumanacajj yatipjjtawa cunapachatï Diosajj jumanac taypit nayar ajllquitu ucat acarojj jayäjjewa. Jupasti ajllisituw jan judiöpquis ucanacar nayan parlañajjataqui Tatit toke khespiyäwejj utjatapata, uqhamata jupanacan iyawsapjjañapataqui.

Hechos 2:23

Ucampisa, cunapachatï Jesusajj jumanacar catuyatäcän ucqhajja, phokhasiscänwa cunjämtï Diosajj nayratpach amtcatayna uqhamarjama. Jumanacasti jucharar jakenacan amparanacap tokew catuntapjjtajja. Ucatsti jiwayapjjaractawa, mä cruzar ch'accatasina.

Hechos 2:37

Take acanac ist'asinsti, chuymanacapan wali llact'ataw uñjasipjjäna. Ucatsti Pedrompiru mayni apostolonacampirojj jisct'asipjjänwa: —Jilatanaca, ¿cuns lurapjjäjja? —sasa.

Hechos 22:1

“Jilatanaca, uqhamarac awquinaca: Ist'apjjam cuntejj nayajj arsuscä ucanaca” sasa.

Hechos 23:1

Pablojj uca jach'a jilïrinacar uñcatasinjja sänwa: —Jilatanaca, jichhürcamajj nayajj k'oma chuymampiw jacasiwayta Dios nayrakatanjja —sasa.

Hechos 23:6

Ucatsti Pablojj amuyänwa uca tantachasïwina yakhepanacajj saduceonacäpjjatapa, mayninacasti fariseöpjjataparaqui. Ucatwa jach'at arsu: —Jilatanaca, nayajj fariseötwa, fariseo familiataraquïtwa. Jichhasti jiwatanacan jactañap suyatajj laycuw juchañchapjjestajja —sasa.

Hechos 28:17

Puritat quimsürurusti Pablojj Romanquir judionacan jilïrinacaparuw jawsayäna. Jupanac tantthaptïpansti, jupanacarojj sänwa: —Jilatanaca, nayajj janiw cuna jan wals lurcti judionacataquejja ni awquinacasan saräwinacap tokesa. Uqhamäquipansa nayarojj Jerusalén marcanjja catuntasipcaquituwa. Ucatsti romanonacaruraquiw preso catuyapjjetu.

Hechos 28:25

Jupanac taypina jan mä amtäwic utjatapatjja sarjjañ munapjjäna, ucatwa Pablojj säna: —Kollan Ajayojj walicpun parlawayäna awquinacasarojj Isaías profeta toke, aqham sasa:

Hechos 7:2

Estebanasti sänwa: —Munat jilatanaca, uqhamarac awquinaca, ist'apjjeta. Jach'a ch'amani Diosaw Abraham awquisarojj uñstäna Mesopotamia orakencquïpana, janïra Harán ucsaru jaquir sarquipana.

1 Pedro 1:11

Jesucriston Ajayuparaquiw profetanacarojj yatiyäna nayratpacha Criston t'akhesiñapjjatjja, uqhamarac cuna jach'a cancañatejj uca khepatsa jutcani ucjjatsa. Uca profetanacasti yatjjatañwa munapjjaraquïna qhitïnisa uca jakejja, uqhamarac cunapachänisa ucajj uca toketa, cunjämtï Ajayojj siscäna uqhamarjama.

2 Pedro 1:21

Profetanacasti janipuniw cunsa munañanacapatjja parlapcänti, jan ucasti jupanacajj Diosar catuyata jakenacäpjjänwa, Dios toketaracwa parlapjjänjja, Kollan Ajayun amuyt'ayata.

2 Pedro 2:21

Uñt'jjasina uca suma Diosan arunacap apanucuñat sipansa, jupanacataquejj asquïsapänwa jan uca cheka thaqui uñt'apjjañapa.