Hechos 1:11 - Qullan Arunaca

¹¹ Uca chachanacasti Jesusan apostolonacaparojj sänwa: —Galileanquir jakenaca, ¿cunats alajjpachar uñch'uquisipcta? Cunjämtejj jumanac taypit Jesusar alajjpachar maqhatquir uñjapctajja, uqhamaraquiw jupajj wasitat cutt'anini —sasa.

Aymar Bibliia 1986

¹¹ Uca chachanacasti Jesusan apostolonacaparojj sänwa: —Galileanquir jakenaca, ¿cunats alajjpachar uñch'uquisipcta? Cunjämtejj jumanac taypit Jesusar alajjpachar maqhatquir uñjapctajja, uqhamaraquiw jupajj wasitat cutt'anini. —sasa.

Qullan Arunaka DC

¹¹ Uka chachanakasti Jesusan apostolunakaparux sänwa: —Galileankir jaqinaka, ¿kunatarak alaxpach uñch'ukisipktasti? Kamisatix jumanak taypit Jesusar alaxpachar aptat uñjapktaxa, ukhamarakiw jupax wasitat jutani —sasa.

Hechos 1:11 Jak'a apnaqawi uñst'ayäwi

Mateo 16:27

Jaken Yokapajj Awquipan jach'a munañapampiw angelanacapampi jutani, ucatwa sapa maynirus luratanacaparjama churjjani.

Mateo 16:28

Khanacwa sapjjsma, acancapctas ucat mä kawkhanejj janiw jiwcaniti Jaken Yokapan take jach'a munañapamp jutañapcamajja —sasa.

Mateo 24:30

Ucapachaw alajjpachan mä chimpojj uñstanini Jaken Yokapata. Take marcan jaquir jakenacasti ucapachaw jachapjjani, Jaken Yokaparusti uñjapjjaraquiniw kenayjjan jutasquiri jach'a ch'amapampi, uqhamarac jach'a c'ajquir cancañapampi.

Mateo 25:31

“Cunapachatejj Jaken Yokapajj reyjama jutcani ucapachajja, angelanacapampi muyuntataw jupajj kont'asini tronoparojja take ch'aman cancañapampi.

Marcos 13:26

Ucatsti Jaken Yokaparuw uñjañäni, kenay taypin jutasquiri, jach'a ch'amampi, c'ajquir khapak cancañapampi.

Marcos 14:70

Pedrosti mayamp jan uñt'iriw tucuraquïna. Ucat mä juc'ampjarusti ucanquirinacajj wasitat Pedro contrajj sapjjäna: —Jumajj jupanacatjja maynïrïscapuntawa; Galileanquirïraquïtawa, parlatamas ucsanquirinacan parlatapjamaraquiwa —sasa.

Marcos 16:19

Jupanacar parlatap khepatjja, Tatit Jesusajj alajjpachar aptatäjjänwa. Jupasti Diosan cupëjjaparuw kont'asjje.

Lucas 21:27

Ucapachaw Jaken Yokaparu uñjapjjani, kenay patan ch'amampi, jach'a cancañapampi jutasquiri.

Lucas 24:5

Jupanacasti ajjsarañat orakeruw alintapjjäna. Uca chachanacasti sapjjewa: —¿Cunats jumanacajj jacasquirirojj jiwatanac taypinjj thakapjjta?

Juan 14:3

Sarasinsti ucat mä utjäw waquichasinjja, wasitampiw jutä jumanacaru irpasjjañataqui, cawqhanccätï nayajj jumanacajj ucqhancapjjañamataquiraqui.

Hechos 1:2

cunürutï alajjpachar catokatäjjänjja ucürcama, take ucanacjjata. Jesusajj janïra alajjpachar maqhatcasinjja, apostolonacaparuw ajllisïna. Ucatsti Kollan Ajayu tokeraquiw ewjjawayäna cuntejj lurapjjañapäcäna ucjjata.

Hechos 1:22

Uca chachanacasti Juanajj bautiscäna uca urutwa arcapjje, cunürutï Jesusajj alajjpachar maqhatcäna ucürcama. Jupanacatsti maynejj ajllitäñapaw jiwasanacamp chica Jesusan jacatatäwipat khanañchañapataqui.”

Hechos 1:9

Ucanac arsuwayatatjja, Jesusajj apostolonacapan uñjcataw alajjpachar aptatäjjäna. Ucatsti mä kenayaw Jesusarojj muyuntasa jupanacan nayranacapatjj chhaktayawayjjäna.

Hechos 13:31

Jesusasti walja urunacawa, uqhamaraqui walja cutiraquiw uñstäna, Galileat Jerusalenar jupamp chica maqhatapcäns ucanacaru. Jichhasti ucanacaw jupatjj jakenacar yatiyapjje.

Hechos 2:7

Uqham muspharat jicjjatasisinsti, sapjjaraquïnwa: —Uñjapjjam. ¿Janit take aca parlirinacajj Galileanquir jakenacäpquejja?

Hechos 3:12

Pedrosti uc uñjasajja, jakenacarojj sänwa: “Israelit jakenaca, ¿cunats jumanacajj muspharasipjjta? ¿Cunats nanacar wal uñcatapjjaraquista? Nanacajj janiw aca jakerojj ch'amanacajjampi c'umaraptayapcti, ni nanacan Dios chuymätajja laycusa.

Hechos 3:21

Ucampis uca Jesusanjja waquisiw alajjpachan kheparañapa, cunürutejj Diosajj take cun waquichcani ucürcama. Ucasti cunjämtejj Diosajj nayra asqui profetanacap toke arsuwaycäna ucarjamaw phokhasisqui.

1 Tesalonicenses 1:10

Uqhamaraquiw parlapjje jumanacatjja cunjämtejj Jesusar alajjpachat cutt'aniñap suyapcta ucsa, cawquïrirutejj Diosajj jiwatanac taypit jactaycänjja ucaru. Jupaw ajjsarcañ mutuña jutqui ucatjja khespiyistu.

1 Tesalonicenses 4:16

Tatit pachpawa alajjpachat sarakanini, arcangelan art'ataparu, Diosan trompetap phust'ataparu. Cristor iyawsasa jiwirinacajja nayrakatwa jactapjjani;

Hebreos 9:28

Uqhamaraquiw Cristojj mä cutiqui sacrificionjj loktasïna waljanin juchapa apakañataqui. Ucatsti khepïrinjja uñstaniraquiniwa, janiw juchanac apakeriti, jan ucasti jupar suyt'irinacar khespiyañataqui.

Apocalipsis 1:7

¡Uñtapjjam, Tatitojj kenay patanjam jutasqui! Takeniw uñjapjjani. Jupar chhojjriñchirinacas uñjapjjaraquiniwa. Take marcanacasti jupar uñjasajj wal jachapjjani. Jïsa, uqhampunïscaniwa.