Hebreos 9:3 - Qullan Arunaca

³ Payïri cortina khepäjjanjja Sinti Kollan sat Chekaraquiw ucancäna.

Aymar Bibliia 1986

³ Payïri cortina khepäjjanjja Sinti Kollan sat Chekaraquiw ucancäna.

Qullan Arunaka DC

³ Payïr cortina qhipäxankki uka chiqax Qullanan Qullanapa satänwa;

Hebreos 9:3 Jak'a apnaqawi uñst'ayäwi

1 Reyes 6:16

Templo mantañ uñcatasirojja wact'ayänwa Kollana Lugaräñapataqui llätunca metroni, ucarusti amstata aynachcamajja cedro tablanacampiw ucharaquïna.

1 Reyes 8:6

Ucjjarusti sacerdotenacajj Tatitun arcapjja templo mankhëjjaruwa apapjjäna Kollana Chekacama, angelanacana chhekhap mankhëjjaru.

2 Crónicas 3:14

Ucatsti luraraquïnwa wila morado telata cortinanaca, púrpura, uqhamarac lino ucataraqui, ucanacarusti chhekhanacan angelanacampiw bordayaraquïna.

Éxodo 40:21

Ucatsti uca carpa mankheruw arcjja uchäna, ucampis velo sat cortinaraqui ucharaquïna arcaru imt'añapataqui cunjämtejj Tatitojj Moisesar siscäna uqhamarjama.

Éxodo 40:3

Uca mankherusti uchätawa arca, ucatsti velompiraquiw jist'akaraquïta.

Isaías 25:7

Aca kollunwa Tatitojj k'al t'unjani cuna velotejj marcanacaru imjjatcänjja uca, uqhamaraqui cuna mantotejj marcanacar imjjatcän ucsa.

Ezequiel 41:4

Ucat uca mankhanquiri uta tupt'araqui, ucasti take tokerusa tunca metroncamänwa. Ucat nayarojj saraquitu: “Aca chekajj sinti kollanawa” sasa.

Números 4:5

Cunapachatejj takpach marcajj sarjjaruña munani ucqhajj Aaronampi wawanacapampejj kollan velonaca apakapjjani puncu mantañata, ucatsti Arust'äwi Arcaruw ucampi janjjatapjjani,

Mateo 27:51

Ucapachaw templonquir uca jach'a cortinajj payaru ch'iyjtawayjjäna, amstat kalltasina aynachcam tucuyasa. Orakes qhathatiraquïnwa, karkanacasti ch'iyatattaraquïnwa.

Hebreos 6:19

Uca suyt'äwiw sum catjjäsistu uqhamarac almasa uñjaraqui, cunjämatejj anclajj mä barcorojj catjjäsejja uqhama. Jiwasan utjquistu uca suyt'äwejj alajjpach templon cortinap khepäjjan suma acht'ayatawa,

Hebreos 9:7

Ucatsti Sinti Kollan Chekarojj jilïri jach'a sacerdotequiw mantirïna, maran mä cuti. Ucar mantañataquisti apañapänwa animalanacan wilapa, juchanacapat loktañataqui, uqhamarac jakenacataquisa.

Hebreos 9:8

Kollan Ajayojj take ucanacampejj amuyt'ayistuwa, uca nayrïri santuariojja culto lurañaquïscatapa, Sinti Kollan sat Chekar puriñataquisti janïraw thaquejj jist'aratäcänti.