Hebreos 5:2 - Qullan Arunaca

² Cunjämtejj pachpa sacerdotejj janchin t'uqhasiñanacapjja t'akhesi, ucatwa qhuyapt'ayasiraquispa jan amuyt'irinacatsa, uqhamarac saranucutanacatsa.

Aymar Bibliia 1986

² Cunjämtejj pachpa sacerdotejj janchin t'uqhasiñanacapjja t'akhesi, ucatwa qhuyapt'ayasiraquispa jan amuyt'irinacatsa, uqhamarac saranucutanacatsa.

Qullan Arunaka DC

² Kunjämatix pachpa sacerdotex janchin t'ukhasiñanakap t'aqhisixa, ukat jan amuyt'irinakata, saranukutanakatsa khuyapt'ayasirakispa;

Hebreos 5:2 Jak'a apnaqawi uñst'ayäwi

Éxodo 32:8

Jupanacasti janc'aquiw saraktapjje nayajj sarapjjam sapcsma uca thaquitjja. Uqhamarac kori umatatayasaw mä vaca kallu lursusipjje, jichhasti ucaruwa yupaychasina sacrificionac loktasipqui. Ucat sapjjaraquiwa: ‘¡Israel, aca diosamawa Egiptot irpsuntamjja!’ —sasa.

Isaías 29:24

Qhitinacatejj mayjt'at sarnakapcän ucanacasti amuyt'asiñ yatekapjjani, khepäjjat parlaquipasirinacasti yatichäwjja yatekjjapjjaraquiniwa.”

Isaías 30:11

Thaquitjja sarakapjjam, cheka thaquitsti maysaru saranucupjjaraquim, janirac Israelan kollan Diosaparus nanacan nayrakatajjar uchapjjamti” sasa.

Lucas 22:32

Ucampis nayaw jumataquejj mayta jan iyawsañamajj pist'añapataqui. Jumasti nayaru cuttanjjät ucqhajj ch'amañcht'am jilanacamaru jan mayjt'asipjjañapataqui —sasa.

2 Corintios 11:30

Jach'a jach'a tucuñ waquischi ucqhajja, nayajj take uca t'uqha cancañanacajjatwa jach'a jach'a tucöjja.

2 Corintios 12:5

Nayajj uca casta jaketwa jach'a jach'a tucuristjja, ucampis janiw naya pachpata jach'a jach'a tucquiristti, inas t'uqhachasitanacajjata jach'a jach'a tucuraquiristjja.

Gálatas 4:13

Niya yatipjjtawa, kalltan jumanacarojj khespiyasiñ arunaca yatichapcsma ucajja, janchin usuta uñjasitajj laycuw yatiyapjjsma.

Efesios 4:18

Uca amuyunacapasti ch'amact'atawa, chuymanacap kalarayasipjjatap laycusti janiw cuns yatipquiti, ucatwa Diosat jutqui uca jacañsa jan catokapquiti.

1 Timoteo 1:13

Nayrajj jan wali arunacampiw jupa toke parlasa jisc'achäyäta, uñisisaw arcnakaraquïyäta. Uqham lurctsa ucasa, Diosajj nayarojj qhuyapayasituwa, ucapachajj nayajj janïraw iyawsirïcäyätti, janiraquiw cuntejj lurcäyäta ucjja yatcäyätti.

Hebreos 12:13

Chekap thaqui thakapjjam, ucatsti cojo cayüquis ucajj waliptjjaniwa, janiraquiw mayampsa k'ewsuscjjaniti.

Hebreos 2:17

Ucataquipï waquisïnjja take cunansa jilanacapjam tucuyatäñapajja, qhuyapayasiri, cheka jach'a sacerdotëñapataqui Dios nayrakatana, uqhamarac sacrificio toke take jakenacaru juchanacap apakañataqui.

Hebreos 2:18

Camistejj jupa pachpa t'akhesiwayi, uqhamarac yant'at uñjasiwayquejja, ucatwa jichhajj yanapt'araquispa qhitinacatejj yant'ar puripqui ucanacarojja.

Hebreos 4:15

Jiwasan uca jach'a jilïr sacerdotesasti qhuyapt'ayasistaspawa t'uqha cancañasanjja, jupa quicparaquiw take casta yant'anaca jiwasjama t'akhesiwayi, ucampis jan juchar purisa.

Hebreos 7:28

Moisesan leyipajj utt'ayiwa jan k'omäpquis ucanacaru jilïri sacerdotëñapataqui, ucampis Diosajj juramentompejj leyi khepatjja jupan Yokaparuw jilïri sacerdotëñapatac utt'ayi, qhititejj wiñayatac k'om tucuyatäqui ucaru.

Hebreos 9:7

Ucatsti Sinti Kollan Chekarojj jilïri jach'a sacerdotequiw mantirïna, maran mä cuti. Ucar mantañataquisti apañapänwa animalanacan wilapa, juchanacapat loktañataqui, uqhamarac jakenacataquisa.

Santiago 5:19

Jilatanaca, maynitejj jumanacat chica thaquit sarakawaychejja ucat maynejj cuttayaniracchejja,

1 Pedro 2:25

Jumanacajj jan awatirin ovejanacar uñtatäsipcäyätawa, ucampis jichhajj Tatituruw cuttanjjapjjtajja. Jupasti mä awatirir uñtataraquiw jumanacarojj imapjjtamjja, almanacamatsa llaquiraquiwa.

Jueces 2:17

Ucampis israelitanacajj uca jilïrinacarojj janiw ist'añjja munapcänti. Dios nayrakatan jan walïpjjatap laycusti yakha diosanacaru yupaychiriw sarapjjäna. Jupanacan nayra awquinacapasti Diosan mandamiento arunacaparu ist'asaw jacapjjäna, ucampis jupanacajja janiw uca uñacht'äwirjam sarañjja munapcänti.