Hebreos 3:9 - Qullan Arunaca

⁹ Ucanwa jumanacan nayra awquinacamajj nayarojj colerayapjjetu pusi tunc mara nayan luratanacajj uñjapcchïn ucasa.

Aymar Bibliia 1986

⁹ Ucanwa jumanacan nayra awquinacamajj nayarojj colerayapjjetu pusi tunc mara nayan luratanacajj uñjapcchïn ucasa.

Qullan Arunaka DC

⁹ Ukawjan nayra awkinakamax nayar yant'apxitäna, pusi tunk mara nayan luratanakax uñjapkchïn ukasa.

Hebreos 3:9 Jak'a apnaqawi uñst'ayäwi

Salmos 95:9

nayra awquinacamajj luräwinacajj uñjcasasa, nayarojj yant'apjjetänwa.

Éxodo 19:4

‘Jumanacasti sum uñjapjjtajja nayajj cuntejj egipcionacaru lurcta ucjja, uqhamarac uñjapjjaractawa cunjämtejj irpanipcsma nayajj cawqhanctejj ucaru ucsa. Jumanacasti jutapjjtawa mä jach'a jamach'in chhekhap patjjarus jutapcasma uqhama.

Éxodo 20:22

Tatitusti Moisesarojj sänwa: Israelitanacarojj aqham sätawa: ‘Jumanacasti uñjapjjtawa, nayajj alajjpachatpacha jumanacampi parliri.

Amós 2:10

Ucatsti, nayajj jumanacarojja Egipto marcatwa apsunipjjsma, pusi tunca mararaquiw wasarana irpnakapjjsma jupanacan orakepa jumanacaru churañataqui.

Números 14:33

Wawanacamasti pusi tunca maraw awatirit jacapjjaraquini, uqhamatwa jupanacajj jumanacan jan iyawsatanacamjja phokhapjjani, take jumanacan aca wasaran jiwarapjjañanacamcama.

Lucas 7:22

Uqhamasti Jesusajj jupanacarojj sänwa: —Sarapjjam, ucatsti cuntejj uñjapcta, ist'apcaracta ucanac Juanarojj khanañchapjjam. Yatiyapjjaraquim cunjämtï juyqhunacajj uñjapjje, cojonacas sarnakapqui, lepra usuninacas c'umaräjjapjje, okaranacas ist'apcaraqui, jiwatanacas jactayataraqui, uqhamarac pobrenacaruw khespiyasiñ arunacajj churasiscaraqui ucanaca.

Hechos 13:8

Uca layka jaken yakha sutipasti Elimas sataraquïnwa. Jupasti jarc'añwa munäna jach'a jilïrin jan iyawsañapataqui.

Hechos 7:36

Uca Moisesapï jiwasanacan awquinacasarojj Egipto marcatjja apsunïnjja, milagronacampi uñacht'äwinacamp uca oraken lurasa, uqhamarac Mar Rojo sat kotansa. Wasaransti pusi tunc mararaquiw milagronacampi uñacht'äwinacamps luraraquïna.

Deuteronomio 11:7

Jumanac quipcaw testigöpjjta take cuna jach'a luräwinactï Diosajj lurqui ucanacatjja.

Deuteronomio 29:2

Moisesajj takpach Israel marcar tantacht'asinjja sänwa: “Jumanacasti uñjapjjtawa take cuntejj Tatitojj Egipto marcan lurcän take ucanacjja, faraón reyiru, jilïrinacaparu, uqhamarac take marcaparusa.

Deuteronomio 4:3

Jumanacasti uñjapjjtaw cuntï Tatitojj Baal-peor sat chekanjja lurqui ucjja, uqhamaraquiw uñjapjjta cunjämsa jumanac taypit jiwarayäna take cawquïri jakenacatï uca chekanquir diosaru yupaychapjjäna ucanacarojja.

Deuteronomio 4:9

Jichhasti sum imapjjam, janirac armasipjjamti take cuntï uñjapcta ucanacjja ni chuymanacamatsa mistpanti, ucat sipansa yatichapjjam wawanacamansa wawanacaparu.

Deuteronomio 8:2

Ucatsti amtasipjjaraquim cawquïri thaquinjamtï Tatitu Diosamajj irpanipjjtam wasarana pusi tunca maranaca sarnakayasa jumanacar yant'añataqui, uqhamaraqui yatichañataqui, uqhamata amtäwinacam uñt'añataqui, camachi arunacajj phokherjamäpjjtati jan ucajj janicha uc yatiñataqui.

Deuteronomio 8:4

Uca pusi tunca maranac sarnakasajja janiw isinacamas thanthascänti ni cayunacamas p'usurcaraquïnti.

Josué 23:3

Jumanacajj uñjapjjtawa cunjämtï Diosajj take jumanac contra sayt'ir marcanacampi lurqui ucjja, jupa quipcaraquiw jumanacar arjjatasa nuwasïnjja.

Josué 24:7

Jupanacasti nayaruw mayipjjetäna, ucatsti nayaw jumanacampi egipcio jakenacampi taypirojj ch'amact'aytjja, uqhamaraquiw uca kotan umanacsa jupanac patjjaru antutt'äyäta. Jumanacasti uñjapjjtawa take cuntï Egipto marcan lurcta ucanacatjja. ‘Ucatsti jumanacajj walja maranacaw wasaran sarnakapjjtajja.

Josué 5:6

Cunjämatï israelit jakenacajj pusi tunca maranaca wasaran sarnakapjjänjja ucatsti cawquïri jakenacatï nuwasiñataqui ajllitäpcän uca jakenacajj, Egipto marcat mistunisajj takeniw thaquin jiwarjjapjjäna. Uca jakenacasti janiw Diosarojj ajjsartapcänti, ucatwa Diosajj jupanacarojj jan uñjaycänti cawquïri oraktï churapjjämaw siscatayna uca orakjja, uqhamaraqui cawquïri orakentï leches misq'is umjam jalcän uca orake.