Hebreos 3:10 - Qullan Arunaca

¹⁰ Ucatwa colerasta uca jakenacataquejja, ucat saracta: ‘Chuymanacapanjj jayanpun sarnakapjje, ucatsti janiw thaquejj-jja uñt'añ munapquiti.’

Aymar Bibliia 1986

¹⁰ Ucatwa colerasta uca jakenacataquejja, ucat saracta: “Chuymanacapanjj jayanpun sarnakapjje, ucatsti janiw thaquejj-jja uñt'añ munapquiti.”

Qullan Arunaka DC

¹⁰ Ukat nayax uka jaqinakatak phiñasta, saraktwa: ‘Jupanakax chuymapan jayanpun sarnaqapxi, janirakiw nayan thakhinakax uñt'añ munapkiti.’

Hebreos 3:10 Jak'a apnaqawi uñst'ayäwi

Génesis 6:6

jupajj jaquir uscutapjja wal amtäna, walirac chuymapjja usuyasïna,

Salmos 147:20

Janiw cawquïr marcampis uqhäm lurcänti, qhä marcanacajj janipuniw arsutanacap uñt'apcänti. ¡Tatitojj jach'ar aptatäpan!

Salmos 67:2

orakenquirinacajj thaquim uñt'apjjpan, take marcanacasti munañamampi, khespiyäwimamp uñt'apjjaracpan.

Salmos 78:40

¡Walja cutiw Diosarojj jan jaysapcänti, wasarancasaw chuym usuyapjjäna!

Salmos 78:8

nayra pachan jaquir awquinacapjam jan sarnakapjjañapataqui, kallasir t'ajjmar jan jakëpjjañapataqui, pächasir chuyman jan jakëpjjañapataqui, Diosat saraktir jan jakëpjjañapataquiraqui.

Salmos 95:10

Pusi tunc maraw qhä jakenacataquejj k'apisïyäta, ucat säyäta: Aca marcajj wali pantjataw sarnake; ¡janiw arsutanacajjar jaysapquiti!, sasa.

Isaías 28:7

Utjaraquiwa vinor arquirinacajja, jupanacasti vinotjamaw liwinaktapjje, wali umjayasir umañanac laycuraquiwa kheparus cuttapjje; sacerdotenacasa, profetanacasa vinotjamaw liwinaktapjje, umjayasir umañanacwa munapjje, vinompisti lokherapjjaraquiwa; uca umjayasir umañanacampiw pantjasipjje, visionanac uñjasasti liwinaktapjjewa, cuna queja uñjañataquisa machatäpjjaraquiwa.

Isaías 63:10

Ucampis jupanacajj Tatitutaquiw sayt'asipjje, k'oma cancañaparusti ñankhachapjjaraquiwa; ucatwa jupanacataquejj mä uñisiri, nuwjiriraqui tucuraquejja.

Jeremías 4:22

“Marcajjajj k'ala lokheratawa, janiw uñt'cjjaraquituti siw Tatitojja. Jan amuyt'asiri wawanacäpjjewa, janiw amuythapisipquiti. Ñankhanac lurañanacataquisti ch'amanacapas jilararaquiwa, ucampisa janiw cunatejj asquïqui ucjja lurañ yatipquiti.”

Oseas 4:12

Marcajjajj c'ullut qhitsut diosanacaparuw jisct'asi, varanac tokeraquiw yatiñanacsa thakapjjaraqui. Wachoka juchampi apnakatajja, marcajjajj pantjat thaquinacanwa sarnakasqui; Diosap apanucusaw yakhanacampi juchanacan sarnake.

Mateo 20:24

Uqham parlir ist'asinjja tunca discipulonacajj colerasipjjänwa uca paninitaquejja.

Marcos 3:5

Jesusasti colerataw jupanacarojj uñcatäna, jan amuyt'añ munapjjatapa yatisinsti, llact'asïnwa. Usut jakerusti sänwa: —Amparam ayatatam —sasa. Jupasti iyawsasaw amparapjja ayatatäna, ucatsti c'umaraquëjjänwa.

Juan 8:45

Ucampis nayajj cunatejj chekäqui ucwa sista, jumanacasti janiw iyawsapquistati.

Romanos 1:28

Niyaquitejj Diosarojj jan uñt'añ munapcchejja, Diosajj jupanacarojj uca jan wali luräwinacapar chhakañapataquiw jaytanucu, ucat jan walïqui uc lurapjjañapataqui.

Romanos 3:7

Nayan c'arisitajjatejj Diosan cheka cancañap jach'aptaychejja, ¿cunataraqui nayarusti juchañchitaspasti?

Efesios 4:30

Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.

Hebreos 3:12

Jilatanaca, amuyasipjjam, jan jumanacatjja qhitis jan wali chuymanïpati uqhamat jacquir Diosat jithektañapataqui jupar jan iyawsatapata.

Jueces 10:16

Israelitanacajja uca c'ari diosanacjja apanucjjapjjänwa, Diosaru cutt'asa yupaychañataqui. Ucatsti Diosajja janiw muncänti israelitanacan t'akhesiscañapjja.