Hebreos 10:4 - Qullan Arunaca

⁴ Toronacan, cabritonacan wilapasti janiw cunapachas juchanacjja apakcaspati.

Aymar Bibliia 1986

⁴ Toronacan, cabritonacan wilapasti janiw cunapachas juchanacjja apakcaspati.

Qullan Arunaka DC

⁴ Urqu vacanakana, cabritonakan wilapax janiw juchanak q'umachkaspati.

Hebreos 10:4 Jak'a apnaqawi uñst'ayäwi

Salmos 51:16

Janiw jumajj loktanac munctati; nayajj ucanac loktirismawa, ucampis janiw loktanacajj cusisiyctamti.

Isaías 66:3

Ucampisa utjaraquiwa qhititejj mä orko vaca sacrificiot loktqui, uqhamarac mä jakjja jiwayapjje, mä ovejsa qharinucuraqui, ucamp chicsti anurus jiwayapjjaraquiwa, granonac loktasinsti ucampi chicsti qhuchin wilapsa loktapjjaraquiwa, inciensonac k'aphiyasasti, diosanacarus yupaychasipcaraquiwa. Take qhitinacatejj uqham yupaychañanac ajllipcän ucanacarojja walrac uqham lurañajj munasiraqui.

Jeremías 6:20

¿Cunataquis jumanacajj Sabá sisqui uca oraket incienso apanirapipjjesta? ¿Uqhamaraqui jaya orakenacatpacha suma k'aphini alinacsa? Nayarojj janiw munasquituti uca loktasitanacamajja, ni yakha sacrificionacamasa.”

Oseas 14:2

Tatitur cuttanjjapjjam, aqham mayt'asisa: “Perdonapjjet take ñankha luratanacajjata, suma chuymampirac catokapjjeta, nanacan jumaru yupaychatanacajj-jja.

Oseas 6:6

Jumanacajj nayar munapjjetasma ucwa muntjja, janiw jumanacan sacrificio loktatanacamjja muncti; nayarojj Diosarjam uñjapjjetasma ucwa muntjja, janiw jumanacan altarjjaru loktatanacamjja muncti.

Marcos 12:33

Jupar take chuymamp munañasti, uqhamarac take amuyumpi, take almampi, take ch'amampi, ucatsti jake masisar jiwas quipcarjam munañajja, juc'amp asquiwa take sacrificionacatjja, cunatejj altaran loktatäqui take ucanacat sipansa.

Juan 1:29

Khepürusti Juanajj Jesusaruw uñjäna, jupar jac'achasisinquiri, ucatsti sänwa: “Uñtapjjam, acawa Diosan Corderopajja, acapachan juchap k'omachirejja.

Romanos 11:27

Acaraquïniwa naya toketjja jupanacampi arust'äwejja, cunapachatï juchanacap apakjjä ucqhajja” sasa.

Hebreos 10:1

Moisesan leyinacapajj mä ch'iwjamaquïnwa, take cunanacatejj utjañapäcatayna ucanacatjja, janiw cunjämäñapäcäntejj uqhamäcataynati. Uqhamajj uca leyejj janipï k'omachcaspatejja Diosar jac'achasirinacarojja, sapa mara uca sacrificionac churasquipansa.

Hebreos 10:11

Take judío sacerdotejj sapüruw sacrificio loktirïna, uca pachpa sacrificionacaracwa sapa cutis loktasipqui. Ucanacajj janiw cunapachas juchjja apakcaspati.

Hebreos 10:8

Nayrakatajj siwa: “Janiw Diosajj munquiti, janiraquiw jupatacjamäquiti sacrificionacajja, animalanaca loktasïwinacasa, ni jucha apakañatac naqhat sacrificionacasa,” leyejj uqhamar phokhañaw sisquipansa.

Hebreos 9:9

Take acanacasti mä uñacht'äwjamawa jichhürunacataquejja. Ucan ofrendanaca uqhamarac sacrificio Diosar loktatajj janiw suma k'oma tucuycaspati uqham yupaychirinacan chuymapjja.

1 Juan 3:5

Jumanacajj yatipjjtawa Tatit Jesucristojj jutiwa aca orakeru juchanacas k'omachañataqui, jupanjj janiraquiw cuna juchas utjquiti.