Hebreos 1:9 - Qullan Arunaca

⁹ Cunatejj chekäqui ucwa muntajj, jan walïqui ucsti uñistawa; ucatwa juman Diosamajj chhijllastam, jumjjarojj juc'amp jila cusisiñjj churtamjja mayninacat sipansa.

Aymar Bibliia 1986

⁹ Cunatejj chekäqui ucwa muntajj, jan walïqui ucsti uñistawa; ucatwa juman Diosamajj chhijllastam, jumjjarojj juc'amp jila cusisiñjj churtamjja mayninacat sipansa.

Qullan Arunaka DC

⁹ Aski kankañarux munastawa, ñanqharusti uñistawa; ukat Diosamax jumar ajllistam, masinakam taypin kusisiñampiw phuqhanttam.”

Hebreos 1:9 Jak'a apnaqawi uñst'ayäwi

Salmos 11:5

Tatitojj juchanirus, jan juchanirus uñch'uquisquiwa, ñankha lurañ munirinacarusti walpun uñisi.

Salmos 119:104

Arunacam yatisaw amuy jicjjatta, ucat c'ari sarnakañarojj uñista.

Salmos 119:128

Ucat arsutanacamarjamajj sarnakta, c'ari sarnakañarusti uñistwa.

Salmos 2:2

Acapach reyinacajj mayachthapisipjjewa, jilïr jakenacajj mä amtañaruquiw puripjje: Tatitumpiru, ajllit reyipampir kallcatañataqui.

Salmos 2:6

“Naya pachpaw reyijjarojj ajllista, Sión, kollan kollojj patjjaruw utt'ayta” sasa.

Salmos 23:5

Uñisirinacajjan uñjcañaw mank'añ waquicharapista, k'apquir kollampiw p'ekejjat jawintista, vasojjasti phokharasquiwa.

Salmos 33:5

Tatitojj asquimpir chekapampiruw munasi, qhuyapayasiñapajj orakpacharuw phokhanti.

Salmos 37:28

Tatitojj asqui cancañar muniriwa, arquirinacaparojj janiw jaytanucquiti. Jucharar jakenacarusti tucjiwa, allchhinacaparus tucusiyaraquiwa.

Salmos 40:8

Dios Tatitojjay, munañam lurañaw cusisiyitu; yatichäwinacamajj chuymajjanquiwa.”

Salmos 45:6

Diosay, reyi cancañamajj wiñayataquiwa, reyi cancañamajj chekapar uñjañawa.

Salmos 45:7

Asqui cancañarojj munastawa, ñankharusti uñistawa: ucat Diosamajj jumar ajllistam, masinacam taypin cusisiñampiw phokhanttam.

Salmos 89:20

¡David uywatajjaruw jicjjatta! kollan aceitemp jawintasaw reyit utt'ayta;

Salmos 89:26

Jupajj nayar art'asitaniwa: “Jumaw Awquejjätajja, Diosajjätasa, khespiyir Karkajjätasa” sasa.

Proverbios 8:13

Tatitur ajjsarañajj, jan waliru uñisiñawa. Nayasti uñistwa jach'a jach'a tucuñaru, jan walina sarnakañaru, uqhamarac c'arisiñaru.

Isaías 61:1

“Tatitun ajayupajj nayjjanquiwa, Tatituraquiw nayarojj yakhachasitu; pobrenacaru suma yatiyäwinac yatiyiriw qhitanitu, llact'atanacaru chuymachañataqui, preso catuntatanacaru khespiyat sarnakasiñ yatiyiri, carcelanquirinacarusti khespiyat sarnakasiñ chuririraqui,

Isaías 61:3

Sión kolluna llact'atanacarojj khella lanti mä corona churañataqui, jachañ lantsti suma k'apquir cusisiñ kollanaca, chuyma cawcst'ata sarnakaña lantsti, yupaychañ k'ochunaca. ‘Atipt'iri roble kokanaca’ sasaw sutichapjjaraquïtam, pachpa Tatitun ayrutanaca c'ajquir cancañapa uñacht'ayañataqui.

Isaías 61:8

“Tatitusti cunatejj chekapäqui ucwa muni, lunthatasiñampiru jake jiwayañampirusti uñisiraquiwa. Jupaw jumanacarojj cunatejj churañäqui ucjja take chuyma churapjjätam, mä wiñay arust'äwi jupanacampejj luraraquini.

Amós 5:15

¡Jan walïqui ucjja uñisipjjam! ¡Sumäquis ucjja munapjjam! Tribunalanacansti chekapar uñjañajj utjpan; inach uqhamat take ch'amani Tatitu Diosajj qhuyapayasispa Israel marcan jilt'irinacaru.

Zacarías 8:17

jani jan wali lurasipjjamti maynit maynicamajja, janiraqui c'ari juramentsa lurapjjamti, nayasti uñistwa take ucanaca. Naya Tatituw arstjja.”

Números 7:43

ucatsti quipca ofrendanacwa nayrïrinacjama churaraquïna.

Lucas 4:18

“Tatitun Ajayupaw nayjjanqui, suma yatiyäwinac pobrenacar churañataquiw ajllisitu; llact'at chuymanacar kolliriw qhitanitu, carcelanquirinacar khespita sarnakañat yatiyiriraqui, uqhamarac juyqhunacarus uñatatayiri; t'akhesiyatanacarus khespiyiriraqui;

Juan 1:41

Andresajj janïr cunäquipana Simón jilaparuw thaker saräna, ucatsti saraquïnwa: —Mesiasaruw jicjjatapjjta. (Ucasti Cristo sañwa muni.)

Juan 10:17

“Nayajj jacañajjwa churta wasitampi catokañataqui, ucatwa Awquejjajj nayaru munasitu.

Juan 20:17

Jesusasti sänwa: —Jan llamct'istati, janïraw Awquejjan ucaru maqhatcti. Ucampis saram, jilanacajjar yatiyanim, sarasctwa cawquincquitejj Awquejjajj ucaru, jupasti jumanacan Awquimaraquiwa, nayan Diosajjawa jumanacan Diosamaraquiwa.

Juan 3:34

Diosan qhitanitapajja Diosan arunacapwa parli, Diosajj Ajayupjja jilarquirwa churaraqui.

Hechos 10:38

Yatipjjaractawa cunjämtejj Diosajj Nazaretanquir Jesusar Kollan Ajaysa, uqhamarac ch'amsa churcäna ucjja. Uqhamaraquiw yatipjjtajja cunjämtï jupajj sarnakcäna, asquinac lurasa, usutanacar c'umarachasa, uqhamarac supayan munañapan t'akhesiyatäcän ucanac c'umarachasaraqui. Tatit Jesusajj Diosampïtap laycuw take ucanacjja luräna.

Hechos 4:26

Acapach reyinacasa, marcanquir jilïrinacasa mayaquiw Dios contra tucupjje uqhamarac Cristo contras sayt'apjjaraqui.’

Hechos 4:27

“Chekpachansa Herodesampi Poncio Pilatompi yakha marcat jutirinacampi, israelitanacampisa, mayaquiw sayt'apjje aca marcana kollan Jesús Yokam tokejja.

Romanos 12:9

Cheka munasiñajj jumanacanjja maynit maynicam utjpan, jan wali lurañanacarusti uñisipjjaraquim, sumäquis ucrac lurapjjam.

Romanos 15:13

Uca suyt'añ churiri Diosajja, cusisiñampi, sumancañampi jumanacar phokhantpan juparu iyawsapjjatam laycu, uqhamat uca suyt'añanjja phokt'atäpjjañamataqui Kollan Ajayun ch'amap toke.

1 Corintios 1:9

Diosajj arsutanacaparojj phokhapuniwa. Juparaquiw Jesucristo Tatitusampi chekäpjjañamataqui jawsapjjtamjja.

2 Corintios 11:31

Jesucristo Tatitusan Dios Awquipajja, qhititï wiñayataqui yupaychatäñapäqui ucajj yatisquiwa chekpuni sascatajj-jja.

Gálatas 5:22

Ucampis Kollan Ajayun luräwipajja acanacawa: munasiña, cusisiña, samaraña, llamp'u chuymanïña, takempis sumancaña, qhuyapayasirïña, take cunansa phokherïña,

Efesios 1:3

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

Filipenses 2:9

Ucatwa Diosajj juparojj wali jach'aru apti, mä suti churaraqui, uca sutisti take sutit sipans wali jach'araquiwa.

Hebreos 2:11

Qhitinacatejj catuyatäqui uqhamarac catuyqui ucasa, takew pachpa Awquinqui. Ucatwa Diosan Wawapajj jan p'enkasquiti: “Jilatanaca” sañjja.

Hebreos 2:9

Ucampis Jesusarojj uñjtanwa, juparusti Diosajj angelanacat sipansa menosaruw tucuyi mä juc'a tiempotaqui. Diosajj munasiñapatwa munäna taketac jiwañapa, jichhasti jach'a cancañapampi uqhamarac jach'añchäwimpi coront'atawa jiwañan t'akhesitap laycu.

Hebreos 7:26

Uqhamapï Jesusajj cuna jilïri sacerdottejj suycäyätan ucajja. Jupajj kollanawa, jan juchaniraquiwa, juchaninacats jithektata, alajjpachats juc'amp alayar aptataraqui.

1 Pedro 1:3

Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,

1 Juan 1:3

Khanañchapjjsmaw jumanacaru cuntejj uñjapjjtjja, ist'apjjaractjja ucjjata, jumanacajj nanacampi mayachasipjjañamataqui cunjämatejj nanacajj chekpachansa mayaquïpjjtjja Dios Awquimpi, uqhamarac Jesucristo Yokapampisa.

Apocalipsis 2:15

Uqhamaraquiw jumanac taypinjja mä kawkhanejj nicolaitanacan yatichäwinacap jan jaytapquiti. Uca yatichäwinacjja nayajj uñistwa.