Hageo 2:7 - Qullan Arunaca

⁷ Take marcanacwa qhathatiyaraquëjja, ucatsti kamir cancañanacapwa apanipjjani, nayan utajjasti c'ajquiriraquïniwa.” Take ch'amani Tatituw acjja arsta:

Aymar Bibliia 1986

⁷ Take marcanacwa qhathatiyaraquëjja, ucatsti kamir cancañanacapwa apanipjjani, nayan utajjasti c'ajquiriraquïniwa.” Take ch'amani Tatituw acjja arsta:

Qullan Arunaka DC

⁷ Taqi markanak khathatiyarakï, ukatsti qamir yänakap apanipxani, nayan utaxasti k'ajkirirakïniwa.” Taqi ch'aman Tatituw arsu:

Hageo 2:7 Jak'a apnaqawi uñst'ayäwi

Génesis 22:18

take marcanacaraquiw jupanac toke bendicitäni, nayaru jaysatam laycu’ —sasa.

Génesis 3:15

Warmimpi jumampsti enemigo tucuyapjjäma, uqhamaraqui uca warmin wawanacapampi, wawanacamampisa enemigonïpjjaraquiniwa. Warmin wawapasti p'eket takjjatätam, jumasti cayut achjaraquïta —sasa.

Génesis 49:10

Janiw qhitis Judärojj ch'amapjja apakañ puedcaniti, cuna varatejj amparapancqui ucsa janiw apakcaraquispati, uca varan dueñopa jutañapcama, qhitirutejj marcanacajj jaysapcani ucqhacama.

1 Reyes 8:10

Kollan Chekata sacerdotenacajj mistunipcäna ucqhajja, kenayawa Tatitun temploparu phokt'äna.

1 Reyes 8:11

Uca kenaya laycusti sacerdotenacajj janiw kheparcjjapjjänti culto lurañataqui, Diosan jach'a cancañapajj temploparu phokt'atap laycu.

2 Crónicas 5:14

Uca kenaya phokhantatap laycusti sacerdotenacajja, janiw juc'amp kheparañ muncjjapjjänti Tatitur yupaychañataqui, Tatitun jach'a cancañapajj templor phokt'atap laycu.

Salmos 80:1

Israel marcan awatiripa, ist'apjjaquitaya, tamar uñtat Josean marcapar irpiri, jaysapjjaquitaya; angelanac taypin khapak konuñaman kont'asiri, ist'apjjaquitaya.

Salmos 85:9

Diosajj jac'asancapuniwa, iyawsirinacapar khespiyañataqui; jach'a cancañapasti orakesan utjasini.

Isaías 2:19

Cunapachatejj Tatitojj sartascani, aca orakerusti ajjsarañapampi phokhantcani uca urojj, jakenacajj karka p'iyanacaruw imantasjjapjjani, uqhamaraqui orak mankhanacarusa; Tatitun ajjsarcañ nayrakatapatsti imantasjjapjjaniwa, jach'a cancañapan wal khanatapata.

Isaías 60:4

Sartasim ucatsti take toke uñatatasiraquim, takeniw tantacht'asipjje juman ucar jutañataqui. Yokall wawanacamajj jayatpachwa jutjjapjjani; imill wawanacamasa ampararu ichunitäjjapjjaraquiniwa.

Isaías 60:7

Cedar tokenquir take uywa tamanacasti jumancamaquïniwa, Nebaiot chekanquir orko ovejanacasti juman ampalaymincaraquiniwa, uqhamat Tatitun altaraparu loktañamataqui mä suma ofrendar uñtata, jupasti suma templopjja juc'ampi sumwa tucuyani.

Ezequiel 21:27

Take cunsa mayjaru t'unthapitwa jaytawayaraquëjja, take cunas t'unthapitcama. Ucampisa take ucanacajj lurasiniwa, cunapachatejj nayajj siscä qhitirutejj take acanaca lurañapataqui ucaru, uqhamat cheka cancañajj utjañapataqui.’

Ezequiel 31:16

Cunapachatejj nayajj juparojj jiwatanacan marcaparu sarakaycä, uqhamat jiwatanacampi jiquintasiñapataqui, ucapachasti jupan liwisitapasti yakha marcanacarojj qhathatiyaniwa. Uca orak mankhanracwa Edenanquiri kokanacajj chuymachasiña jicjjatapjjaraquini, cawquïrinacatejj Líbano kollun wali sumäpqui, suma umanacampisa karpatäpqui ucanacajja.

Ezequiel 38:19

Uca akquiri colerasiñajjanwa arsta, uca urunacanjja mä jach'a orak qhathatiw Israel oraken utjani.

Ezequiel 44:4

Ucat uca jakesti amsta tokenquiri mantañäqui ucsaruw irparaquitu, templo uñcatasiru. Ucansti uñjaractwa Tatitun c'ajquir khanapajj temploru phokhantatapa, ucat p'ekejja orakeru puriñcamaw alt'asta.

Hageo 1:8

Kollunacar sarapjjam ucatsti madera aptanipjjam, templojjsti wasitat utachapjjam; nayasti ucanjja c'uchiquïyäwa, jach'a cancañajjwa uñacht'ayaraquï.

Malaquías 3:1

Take ch'aman Diosasti siwa: “Nayaw mayni qhitä nayatac thaqui waquichañapataqui. Cawquïri Tatiturutï jumanacajj thakasipcäyäta, jupasti janc'aquiw temploparojj mantani. ¡Acajj purinjjewa cawquïri qhitatï suma arust'äwi apancani ucajja!”

Lucas 19:47

Sapüruw Jesusajj templonjj yatichäna. Sacerdotenacan jilïrinacapampi, ley yatichirinacampi uqhamarac marcan jilïrinacapampejja, cunjämats jiwayañataquiw thakasipcäna.

Lucas 2:27

Aca chachasti Kollan Ajayun irpataw templor sari. Jesusarusti awquinacapajj temploruw apanipjjäna, cunjämtï leyinjj siscäna ucar phokhañataqui.

Lucas 2:46

Ucatsti quimsür pasatatwa juparojj templon ley yatichirinac taypin kont'atäsquiri jicjjatapjjäna, jupanacaru ist'asquiri uqhamarac jisct'asquiri.

Lucas 20:1

Mä uruw Jesusajj templon jakenacar yatichascäna, uqhamarac khespiyasiñ arunac parlascäna. Ucaruw sacerdotenacan jilïrinacapajj puripjjäna, uqhamarac ley yatichirinacampi jilïrinacamp cuna.

Lucas 21:38

Take jakeraquiwa templorojj sapa alwa purinirïna Jesusar ist'añataqui.

Juan 1:14

Qhä Arusti janchiruw tucu, jiwasanac taypinwa jacaraquïna. Jiwasanacajj uñjtanwa jach'a cancañapa, uca jach'a cancañasti alajjpach Awquin mä sap Yokapan jach'a cancañapänwa, munasiñampi asquimpi phokhantataraqui.

Gálatas 3:8

Jan judiöpquis ucanacarus Diosajj catokañapäcäna, iyawsañanïtap laycu ucanacatjja nayratpachaw Kellkatajj khanañchi. Nayratpacharaquiw Abrahamarojj aca suma yatiyäwi yatiyi: “Take marcanacaw juma toke bendecitäpjjani” sasa.

Colosenses 2:9

Cunäquitï Diosajj ucasti Cristonwa uñsti;