Hageo 2:5 - Qullan Arunaca

⁵ Cunjämtejj Egiptot mistunipcäyäta ucapachajja sapjjayäsmawa: Ajayojjaw jumanacampïsqui, jan ajjsarapjjamti;

Aymar Bibliia 1986

⁵ Cunjämtejj Egiptot mistunipcäyäta ucapachajja sapjjayäsmawa: Ajayojjaw jumanacampïsqui, jan ajjsarapjjamti;

Qullan Arunaka DC

⁵ Egipto markat mistunipkta ukapachax jumanakampïñatakiw nayax arsüyäta, ukasti phuqhasiskiwa. Ajayuxaw jumanakampïski, jan axsarapxamti.

Hageo 2:5 Jak'a apnaqawi uñst'ayäwi

2 Crónicas 20:17

Janiw jumanacati nuwasipcätajja, ucampis jumanacajj sum waquichasipjjam, alekt'apjjaquiraquim, ucatsti uñjapjjätawa cunjämtï Tatitojj jumanacar khespiyapcätam uca. ¡Jerusalenanquiri, Judá orakenquir jakenaca, jan ajjsarapjjamti, janirac sustjasipjjamsa; arumanthi alwasti jupanacamp nuwasir sarapjjam, Tatitusti jumanacampïsquiwa!’ ” sasa.

Nehemías 9:20

Ucjjarusti jumajj jupanacarojj churtawa suma ajayuma jupanacar yatichañataqui; janipuniw maná t'ant'jja mank'añapataqui pist'aycäyätati, uqhamarac umsa churäyäta pharjatäpcäna ucqhajja.

Nehemías 9:30

Walja maranacawa jupanacarojj pacienciampi uñch'uctajja, ucatsti ajayuma tokes ewjjt'aractawa, uqhamarac profetanacam tokesa; ucampis janiw ist'apcäyätamti, ucatwa catuyaractajja aca orakenquir jakenacan apnakapjjañapataqui.

Éxodo 19:4

‘Jumanacasti sum uñjapjjtajja nayajj cuntejj egipcionacaru lurcta ucjja, uqhamarac uñjapjjaractawa cunjämtejj irpanipcsma nayajj cawqhanctejj ucaru ucsa. Jumanacasti jutapjjtawa mä jach'a jamach'in chhekhap patjjarus jutapcasma uqhama.

Éxodo 19:6

Jumanacasti nayar sirviri sacerdotenacäpjjätawa, uqhamarac nayaru catuyat suma marcaraqui.’ Take acanac israelitanacar yatiyam —sasa.

Éxodo 24:3

Ucatsti Moisesajj jutänwa jakenacaru yatiyiri cunanactejj Tatitojj siscäna, uqhamarac jaytcäna ucanaca. Ucampis take jakenacajj mayaquiw arsupjjäna: —¡Cunanactejj Tatitojj arsqui ucanacjja lurapjjäwa! —sasa.

Éxodo 24:8

Ucat Moisesajj wilampi jakenacaru ch'allt'asinjja sänwa: —Aca wilaw yatiyi, Tatitojj cunanactejj sapctam uca suma amtäwiru mantatjja, take cunanacat sipana.

Éxodo 34:10

Tatitusti sänwa: “Jumanacasti ist'apjjam, nayasti mä suma amtäwi lurta take jakenacaman uñjcata. Uqhamarac luraraquïwa walja muspharcañanaca, uqhamasti janiwa cawqha orakensa, ni cawqha marcansa luratäquiti; jumanacasti cawqhanjjay jakenac taypina jicjjatasipjjchïta take uca jakenac taypinwa jumanacajj uñjapjjäta Tatitojj cunjjay lurchini uca. Uqhamasti cunanacjjay nayajj jumanacampi lurchï ucanacajja wali muspharcañäniwa.

Éxodo 34:8

Ucat Moisesajj mäquiw quillt'asisa p'eke parapsa orakeru alnokasin Tatituru yupaychäna:

Isaías 41:10

Jan ajjsaramti, nayaw jumampïscta, jan ajjsaramti, nayäsctwa juman Diosamajja. Nayaw ch'amañchascäma, nayaraquiw yanapascäma, atipjiri amparajjampiraquiw uywascäma.

Isaías 41:13

Naya, juman Tatitu Diosamaw, jumarojj amparat wayjjarsma, irparacsma; nayaw saracsma: ‘Jan ajjsaramti, nayaw yanapascäma.’ ”

Zacarías 4:6

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Zacarías 8:13

Jumanacasa, Judá marcasa, Israel marcasa maldecitäpjjänwa yakha marcanac taypinjja. Jichhajj uqhamaracwa nayajj khespiyäjja, bendecitaracwa tucuyaraquëjja. ¡Jan ajjsarapjjamti! ¡Ch'amañchasipjjam!”

Zacarías 8:15

Jichhajja, uca lantjja amtawaytwa asqui lurjjaña Jerusalenampiru, Judá marcampiru. Uca laycu jan ajjsarapjjamti.

Mateo 28:5

Angelasti warminacarojj saraquïnwa: “Jan ajjsarapjjamti, nayajj yattwa ch'accatatäcäns uca Jesusar thakasipcatama.

Hechos 27:24

Uca angelasti saraquituwa: ‘Jan ajjsaramti. Jumajj Romanquir emperadoran nayrakatapar uñstañamawa. Jumïpanracwa Diosajj jiwañat khespiyani take jumamp chic aca barcon saririnacarojja’ sasa.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Josué 8:1

Diosajj Josué chacharojj sänwa: “Jan jumajj ajjsaramti ni sustjasimsa. Ejercitomampi saram ucatsti Hai sat marcaru t'unjanim; nayaw amparamaru churäma Hai marcan reyipsa, take marcapsa uqhamaraqui take orakepsa. Marcapasa, orakenacapasa jumancaniwa.

Apocalipsis 1:17

Uqham uñjasinsti, jiwatjamaw cayunacaparu liwnoktta. Jupasti cupi amparapampi lokjjatasinjja situwa: “Jan ajjsaramti; nayätwa kalltasa tucuyasa.

1 Samuel 12:20

Samuelosti saraquïnwa: —Jan ajjsarapjjamti. Chekpachansa jumanacajj sinti jan wali lurapjjatätajja; ucampisa jichhajj jan Tatitutjja sarakapjjamti, jan ucasti take chuymampi jupar yupaychapjjam.