Hageo 2:4 - Qullan Arunaca

⁴ ¡Ucampis ch'amacht'asim Zorobabel! ¡Ch'amacht'asiraquim jumas Josué sacerdotenacan jilïripa! Ch'amacht'asipjjaraquim jumanaca aca marcanquir take jakenaca trabajapjjam, nayaw jumanacampïscta. Naya ch'amani Tatituw arsta.

Aymar Bibliia 1986

⁴ ¡Ucampis ch'amacht'asim Zorobabel! ¡Ch'amacht'asiraquim jumas Josué sacerdotenacan jilïripa! Ch'amacht'asipjjaraquim jumanaca aca marcanquir take jakenaca trabajapjjam, nayaw jumanacampïscta. Naya ch'amani Tatituw arsta.

Qullan Arunaka DC

⁴ ¡Zorobabel, ch'amañcht'asim! ¡Josué, sacerdotenakan jilïripa, jumas ch'amañcht'asirakim! Aka markankir jaqinaka, ch'amañcht'asipxam. Irnaqapxam, nayax jumanakampïsktwa. Naya, taqi ch'aman Tatituw arsta.

Hageo 2:4 Jak'a apnaqawi uñst'ayäwi

2 Samuel 5:10

Davidan munañanïñapasti juc'ampiraquiw saratatäna, yapjjattaraquïna, take ch'amani Dios Tatitusti jupampiraquïnwa.

1 Crónicas 22:13

Take cunasa asquiruw sararapïtam, cuntejj Tatitojj Israel marcataqui Moisesar churcäna uca leyinacapa, uqhamarac ewjjanacapa phokhäta ucqhajja. ¡Ch'amañchasim, sumarac sayt'araquim; janipuni mayjt'asimti, ni ajjsararaquimsa!

1 Crónicas 28:20

Ucatsti Davidajj Salomonarojj sänwa: “¡Ch'amañchasim, janirac mayjt'asimti, uqhamarac jichhajj lurañaru uscusim! ¡Janipun ch'am thayjtayasimti, ni ajjsaramsa, Tatitu Diosajjasti jumampïscatap laycu! Jupasti janiw jaytanuccätamti, ni apanuccätamsa, take lurañanacajj Tatitur sirviñataqui templona tucusiñapcama.

Esdras 10:18

Sacerdotenacat qhitinacatejj yakha marcanacanquir warminacampi casarasipcäna ucanacasti, acanacäpjjänwa: Josadac chachan Josué yokapan wawanacapa, uqhamarac familianacapatsa: Maasías, Eliezer, Jarib, uqhamarac Gidalías ucaraqui,

Esdras 5:2

Ucatsti Salatiel chachan Zorobabel yokapampi, uqhamarac Josadac chachan Josué yokapampejj wasitataw lurañ kalltapjjäna Jerusalenan Diosan templopa, ucatsti Diosan profetanacapajj jupanacampïscänwa yanapañataqui.

Éxodo 3:12

Ucampis Diosajj saraquïnwa: —Saram, nayawa jumampiscäjja, acäniwa mä unanchajja naya pachpa jumaru qhithatajjata; marcajjaru Egiptota apsunisasti jutapjjätawa aca kolluru, ucanwa jumanacajj nayaru yupaychapjjetäta —sasa.

Hageo 1:13

Ucatsti Tatitun parliripa Hageo profetajja Diosan sutipjjaruw säna: “Tatitojj siwa: ‘Naya Tatituw sista, nayaw jumanacampïscta’ ” sasa.

Zacarías 4:6

Jupasti sascaquiwa: “Acasti Tatitun yatiyäwipawa Zorobabelataqui. ‘Janiw ejercitompisa ni ch'amampisa, jan ucasti ajayojjampiquiwa siwa take ch'amani Tatitojja.

Zacarías 8:9

Acsti take ch'amani Tatituw, sejja: “Ch'amañchasipjjam, jumanacajja aca urunacanwa ist'apjjtajja profetanacajj arsuwaycän uca arunaca, take ch'amani Tatitun templopa wasitat sayt'ayjjañataqui cimiento uchantapcäna uca uruta.

Marcos 16:20

Ucatsti discipulonacapajj khespiyasiñ arunac take token yatiyapjjäna. Pachpa Tatituraquiw jupanacarojj yanapascäna, cunayman muspharcañanac lurayasa, arunacapan chekätap uñacht'ayañataqui.]

Hechos 7:9

“Uca Jacobon wawanacapajj jiwasanacan awquinacasaraquiwa. Jupanacasti José jilapatjja envidiasipjjänwa. Ucatwa aljantawayapjje Egipto marcar apatäñapataqui, ucampis Diosajj Joseampïscänwa.

1 Corintios 16:13

Suyapjjapunim, iyawsañanacamansti ch'aman sayt'apjjam, chachjama sarnakapjjam, ch'amañchasipjjaraquim.

Efesios 6:10

Jichhajj jilatanaca, ch'amañchasipjjam Tatitumpi, uqhamarac jach'a ch'amapampisa.

Deuteronomio 31:23

Josué sat Nun chachan yokaparojja Tatitojj aca ewjjanacwa churaraqui: “Ch'amañcht'asim, sayt'asiraquim, jumaw israelitanacar puriyäta, cawquïri oraktï arojjampi arsusin churä siscta ucaru, nayaraquiw jumampïscä” sasa.

2 Timoteo 2:1

Jumasti wawajja, Cristo Jesusampi mayaru tucutas laycu bendicionas utjquistu ucampi ch'amañchasim.

2 Timoteo 4:17

Ucampis Tatituwa yanapitu, ch'am churaraquitu, uqhamat khespiyasiñ arunac parlañajjataqui, qhitinacatejj Tatitur jan uñt'apqui uca jakenacan ist'apjjañapataqui. Uqhamwa Tatitojj leonan lacapat khespiyitu.

Josué 1:6

Jumasti wali ch'amani sayt'asim janirac ajjsaramti. Aca marcaru orak laquiñajj jumaruw wact'tam; ucasti nayajj: ‘Herencia churä’ siscäyata awquinacaparu ucawa.

Josué 1:9

Nayasti sismawa: Ch'amani sayt'asim, jan ajjsaramti, janirac mayjt'asimsa. Naya Tatitu Diosamaw jumampïscä cawqharutï sarcäta ucqhanacana” sasa.

Jueces 2:18

Diosasti sapa cuti mä jilïri sayt'aycäna ucarusti yanaparaquïnwa, aca jilïristi jacäwipanjja khespiyänwa israelitanacarojja uñisirinacapan t'akhesiyatäñatjja. Diosasti jupanacatjja qhuyapt'ayasïnwa t'akhesisa sarnakapjjatanacap uñjasa, uqhamarac arnakasipjjatanacap ist'asinjja.

1 Samuel 16:18

Ucat jupanacat maynejj arsu: —Nayajj uñjtwa, Belenanquir Isaí chachan mayni yokapaw suma toct'añ yati; uqhamarus guerran nuwasiñataquejj jan ajjsaririwa. Cunapachatejj cunsa parli ucqhajj, wali suma amuyumpiw parli, uqhamarac wali suma uñnakt'ani waynawa. Tatitusti jupampiraquiwa —sasa.