Hageo 1:8 - Qullan Arunaca

⁸ Kollunacar sarapjjam ucatsti madera aptanipjjam, templojjsti wasitat utachapjjam; nayasti ucanjja c'uchiquïyäwa, jach'a cancañajjwa uñacht'ayaraquï.

Aymar Bibliia 1986

⁸ Kollunacar sarapjjam ucatsti madera aptanipjjam, templojjsti wasitat utachapjjam; nayasti ucanjja c'uchiquïyäwa, jach'a cancañajjwa uñacht'ayaraquï.

Qullan Arunaka DC

⁸ Qullunakar sarasin lawanak aptanipxam, nayan utax wasitat utachapxam; nayasti ukan k'uchikïyäwa, jach'a kankañax uñacht'ayarakï.

Hageo 1:8 Jak'a apnaqawi uñst'ayäwi

1 Reyes 6:1

Salomonajj Israel marcaru pusi mara apnakcäna ucqhawa Tatitun templopa lurayaña kalltäna, Ziv uca phajjsina, ucasti marana payïri phajjsïqui ucawa, cunapachatï pusi pataca quimsakallko tuncani mara pasjjäna israelitanacan Egipto marcat mistunjjatapata.

1 Reyes 9:3

Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

1 Crónicas 22:19

Ucampisa jumanacajj take chuyma amtasipjjam Tatit Diosamar thakañataqui. Ucatsti waquichasipjjaraquim Tatit Diosan Kollan Templopa lurañataqui, uqhamata cawquïr templotejj jumanacajj lurapcäta ucaru Tatitun Sumancäwi arcapa, uqhamarac kollan yänacapa apatäjjañapataqui” sasa.

2 Crónicas 7:16

nayajj aca templorojja ajllistwa, loktaractwa sutejjajj ucan wiñaya ucancañapataqui. Nayasti imäwa, uqhamarac amtasipuniraquïwa.

Esdras 3:7

Ucatsti uta luririnacaru, carpinteronacarojja kollkwa churapjjäna, uqhamarac Tiro marcanquirinacarusa, Sidón marcanquirinacarusa mank'aña, umaña, aceite, jupanacajj Líbano kollutjja cedro madera apapjjañapataqui kotanjama Jope chekacama, cunjämatï Persia marcanquir Ciro reyejj arup churcäna uqhamaru.

Esdras 6:4

ucjjarusti lurasiracpan quimsa seke jach'a kalanaca, ucatsti mayajj lawataraqui. Ucanacataquisti reyin kollkepatwa pagasini.

Éxodo 29:43

Uqhamarac uca chekanwa nayajj israelitanacampi jiquisëjja, uca chekajj k'omachatäniwa nayan ucancatajj laycu.

Isaías 60:13

Tatitusti Jerusalenarojj siwa: “Líbano kollunquir kamir cancañanacasti juman ucaruw jutjjapjjani, pinonaca, abetonaca, uqhamaraqui ciprés sat kokanacasa, templojja c'achachañataqui, cawqharutejj tact'ascta uca cheka jach'achañataquiraqui.

Isaías 60:7

Cedar tokenquir take uywa tamanacasti jumancamaquïniwa, Nebaiot chekanquir orko ovejanacasti juman ampalaymincaraquiniwa, uqhamat Tatitun altaraparu loktañamataqui mä suma ofrendar uñtata, jupasti suma templopjja juc'ampi sumwa tucuyani.

Isaías 66:11

jupasti mä taycjamaraquiw jumanacarojj chuymachañampi uywapjjätam, uca chuymachasiñampi phokt'atäpjjañamcama.

Hageo 1:7

Naya take ch'amani Tatituw sapjjsma: Amuyt'asipjjam sarnakäwinacamata.

Hageo 2:7

Take marcanacwa qhathatiyaraquëjja, ucatsti kamir cancañanacapwa apanipjjani, nayan utajjasti c'ajquiriraquïniwa.” Take ch'amani Tatituw acjja arsta:

Hageo 2:9

Aca payïri templosti nayrïri templot sipansa c'ajquirïniwa, ucatsti suman sarnakasiñwa utjayaraquï aca chekanjja. Naya take ch'amani Tatituw acjja arsta.”