Hageo 1:6 - Qullan Arunaca

⁶ Jumanacajj wal yapucht'apjjtajja, ucampisa juc'acracwa apthapipjjtajja; wal mank'apjjaractajja, ucampis janiraquiw sisthapipctati; umasipcaractawa, ucampis umat pharjataquïsipctawa; wal isthapisisipctajja, ucampis janiraquiw junt'thapipctati; pagot trabajir jakesti pagopjja p'iya bolsaruquiw imasjje.

Aymar Bibliia 1986

⁶ Jumanacajj wal yapucht'apjjtajja, ucampisa juc'acracwa apthapipjjtajja; wal mank'apjjaractajja, ucampis janiraquiw sisthapipctati; umasipcaractawa, ucampis umat pharjataquïsipctawa; wal isthapisisipctajja, ucampis janiraquiw junt'thapipctati; pagot trabajir jakesti pagopjja p'iya bolsaruquiw imasjje.

Qullan Arunaka DC

⁶ Jumanakax wal yapucht'apxtaxa, ukampis juk'ak apthapipxtaxa; manq'apxtawa, ukampis janiw sist'asipktati; umapxtawa, ukampis umat pharjatakïsipktawa; isthapisipxtawa, ukampis janirakiw junt'thapipktati; irnaqatat qullqi katuqapkta ukampix janiw kunsa jikxatapktati.

Hageo 1:6 Jak'a apnaqawi uñst'ayäwi

2 Samuel 21:1

Davidan urunacapansti mä jach'a mach'aw quimsa mara utjaraquïna. Ucatwa Davidajj Tatituru jisct'asïna, Tatitusti juparojj saraquïnwa: “Aca mach'ajj Saúl reyin juchanacap laycu, uqhamaraqui familiapan juchanacap laycuraquiw utji, jupanacan gabaonita jakenacar jiwarayapjjatap laycu” sasa.

1 Reyes 17:12

Warmisti ucjjarojj sänwa: —Nayajj juramentompiw arsta Tatit Diosam laycu, janiw khathit t'ant'ajj utjquituti. Uqhamarus mä jach'i jac'uquiw tinajana utjitu, uqhamarac chatojjan mä juc'a aceitequiraqui, jichhasti nayajj mä juc'a lawanacwa apthapisiscäyäta phayir sarañataqui nayan wawajjataqui, uqhamarac nayataqui. Ucwa mank't'asiwayapjjäjja, ucatjja jiwjjapjjäwa mank'atjama —sasa.

Nehemías 5:2

Yakhepanacasti sapjjaraquïnwa: “Nanacajj walja wawanacanïpjjtwa, ucatsti trigo munapjjta jan mank'at jiwapjjañajjataqui” sasa.

Job 20:22

Take cunsa juc'ampi jicjjatascaniwa, ucampisa juc'ampi ñankt'ataquïscapuniniwa; jupjjaruw ñankha jakenacan amparapas puriraquini.

Job 20:28

Cunapachatejj jupan colerasiñapajj jupjjaru purinini ucapachasti take yänacapaw tucusiraquini.

Salmos 107:34

Purum orakenac kollpa oraker tucuyi, jakenacapan ñankha lurirïpjjatap laycu.

Proverbios 11:24

Qhitinacatejj masinacapar cuns churqui ucanacajj juc'amp catoke, ucampis qhitinacatejj jupataquiqui munapqui ucanacajja pobrewa tucusipjjani.

Isaías 5:10

Quimsa hectariar yapuchat uvasa, mä jisc'a turril vinocracwa churani. Tunca carga jathampi yapuchat yapusti, mä carga trigocracwa achuni.”

Jeremías 12:13

Trigo yapuchasipjjäna, ucatsti ch'aphinacaqui apthapjjapjje, take luratanacapasti inamayaquiwa, Cosechanacapasti k'ala aynacht'atawa, nayan colerasiñajjan naqhatap laycu.”

Jeremías 14:4

Pampa tokenacan utjirinacajj c'arintataw uñjasipjje, ucatsti p'ekenacap imjjatasipjjaraqui, jallun jan puritap laycu, orakesti k'ala wañsutawa.

Jeremías 44:18

Ucampisa cunapachattejj jan uca diosanacaru incienso loktasjjapjjta, uqhamaraqui uca Alajjpach Mamaru jan vinsa ch'allt'ascjjapjjtjja ucat acsarojj take cunaw pist'jjapjjetu, jakenacasti guerranacan, jan ucajj mank'atjamaw jiwarjjapjjaraqui” sasa.

Oseas 4:10

niyaquejjay Tatitur sirviñ apanucupjjchejja, mank'asipcaniwa, ucampis janiw sist'asipcaniti, yakhanacampis sarnakasipcaniwa, ucampis janiw wawanïpcaniti.

Oseas 8:7

Jupanacajj thaya yapuchapjje, ucatsti jach'a tutucanacwa apthapipjjaraquini: janiw cuna yapunacapas utjcaniti yawthapiñataquejja, janiraquiw jac'sa trigo puyanacatjja apsupcaniti; apsupcan ucasa, yakha marcanquiri jakenacaquiw mank'apjjani.

Levítico 26:20

Inamayaquiw ch'amsa tucusipcäta, orakesti janiw cunsa jumanacataquejj achcjjaniti, janiraquiw kokanacas achunacapa jumanacataquejj achcjjaniti.

Levítico 26:26

“Cunapachatejj nayajj jumanacaru mank'añjja menost'ayjjapjjäma ucapachasti, tunca warminacaw mä sapa t'ant'a jumanacataquejj mä hornon khatiyapjjani, ucatsti jumanacarojj uca t'ant'jja jisc'a jisc'a laquipjjätam, janiraquiw qhitis uca t'ant'ampejj sist'ascaniti, kawkhas mank'asipcätawa janiraquiw sist'asipcätati.

Hageo 1:10

Ucatwa jumanacataquejj jallojj jan purquiti, ni orakes achu churcaraquiti.

Hageo 1:5

Naya take ch'amani Tatituw sapjjsma: Amuyt'asipjjam sarnakäwinacamata.

Hageo 1:7

Naya take ch'amani Tatituw sapjjsma: Amuyt'asipjjam sarnakäwinacamata.

Hageo 1:9

Jumanacajj wal thakasipctajja, ucampis juc'ac jicjjatapjjtajja. Cuntejj utanacaman imasipcta ucjja may phust'asin ina ch'usaruw tucuyäjja. ¿Cunata? Utajjajj ina apanucutätap laycu, jumanacasti utanacamatac llaquisipctajja. Naya ch'amani Tatituw arsta.

Hageo 2:16

¿cunas jumanacarojj camachapjjäyätamjja? Cunapachatï jumanacat maynejj pä tunca tupu grano aptiri saränjja, ucampis tuncacwa jicjjatänjja; uqhamarac maynejj vino aptiriw sararaquïnjja vino lurasquis uca chekaru, pheska tunca jarra vino aptasiñataqui, ucampis pä tuncacwa jicjjatjjänjja.

Hageo 2:17

Nayaw jumanacan take ch'ama tucutampi jicjjatatarojj plaganacamp, chhijchhimpi tucjtjja, ucampis jumanacajj janiw nayan ucarojj cuttanipctati. Naya take ch'amani Diosaw ucjja arsta.

Zacarías 5:4

Take ch'amani Tatitojja arsupuniwa: ‘Nayaw apayantjja aca maldicionjja lunthatasquis ucan utaparu, c'ari juramento sutejj laycu lurquis ucan utapampiru mantañapataqui. Uca maldicionasti ucancaraquiniwa qhayanjja jan lawasa ni kalasa kheparañapcama’ —sasa.

Zacarías 8:10

Jichhürcamawa jan utjcänti pagañajj jakenacataquisa ni uywanacataquisa. Uñisirinacap laycu, janiraquiw utjcänti sumancañas jakenacataquejja; nayaw uchawayaractjja mayninacajj mayninac contra sartañapjja.

Malaquías 2:2

Jumanacasti nayarojj jaysañanacamawa, sutejjsa take chuymampiwa jach'añchapjjañama. Janitejj uqham lurapcäta ucqhajj nayasti ñankhachapjjämawa. Cunjämatï jan take chuymampi jach'añchapquistajja, uqhamaraquiw nayajj ñankhachanï cuntï sacerdotëpjjatamat catokapcta ucanacsa.” Uqham siwa take ch'aman Diosajja.

Deuteronomio 28:17

Maldicitäniwa canastamasa, uqhamaraqui t'ant'a chapusiñ bateamasa.