Hageo 1:1 - Qullan Arunaca

¹ Rey Darion pä mara apnakataparusti, sojjtïri phajjsina kallta uruwa Tatitojj Hageo profeta toke Salatielan Zorobabel yokaparojj parli, jupasti Judá marcanjja gobernadoränwa, uqhamarac Josadacana Josué yokapampiru cuna, jupasti uca pachajj jach'a jilïri sacerdotënwa.

Aymar Bibliia 1986

¹ Rey Darion pä mara apnakataparusti, sojjtïri phajjsina kallta uruwa Tatitojj Hageo profeta toke Salatielan Zorobabel yokaparojj parli, jupasti Judá marcanjja gobernadoränwa, uqhamarac Josadacana Josué yokapampiru cuna, jupasti uca pachajj jach'a jilïri sacerdotënwa.

Qullan Arunaka DC

¹ Darío reyin payïr mara markar apnaqatapana, suxtïr phaxsina, nayrïr uru saraqataruw Tatitux Hageo profeta tuqi parläna, Salatiel chachan Zorobabel yuqapampiru, khititix Judá uraqi apnaqirïkäna ukaru, Josadac chachan Josué yuqapampiru, khititix jilïr sacerdotëkän ukampiru.

Hageo 1:1 Jak'a apnaqawi uñst'ayäwi

1 Reyes 10:15

ucampis janiw jaqhutäcänti comerciantenacata, negociantenacata yänacapata impuesto pagapcäna ucanacajja, ni arabianquir take reyinacatsa, uqhamarac marcanacan apnakerinacatsa.

1 Reyes 14:18

Ucatjja take Israel marcpachawa imäwiparu sarapjjäna, uqhamarac jupatjja jachapjjaraquïna, cunjämatï Tatitojj yatiycäna Ahías sat sirviri profetap toke.

2 Reyes 14:25

Jeroboam reyisti Israel marcan korpanacapjj sumwa lurayäna, Hamat sat chekaru mantañawjata kalltasina, Arabá sat kotacama, cunjämtï Israelan Tatitupajj yatiycäna Jonás sirvirip toke; jupasti Amitai chachan yokapänwa, uqhamarac Gat-hefer sat chekanquir profetaraquïnwa.

1 Crónicas 3:17

Marcapata jayar apanucutäcäna uca Jeconías chachan wawanacapasti acanacänwa: Salatiel, ucasti jilïr yokall wawapänwa,

1 Crónicas 3:19

Pedaías chachan wawanacapasti acanacänwa: Zorobabel, Simei ucanaca. Zorobabel chachan wawanacapasti acanacänwa: Mesulam, uqhamarac Hananías, uqhamarac Selumit ucajja jupanacan cullacaparaqui,

Esdras 1:8

Ciro reyejj cutt'ayjjänwa Mitrídates sat kollke caturi chacha toke, ucatsti jupajj jacthapisinjja catuyjjaraquïnwa Judá oraken Sesbasar sat marca apnakeriru.

Esdras 10:18

Sacerdotenacat qhitinacatejj yakha marcanacanquir warminacampi casarasipcäna ucanacasti, acanacäpjjänwa: Josadac chachan Josué yokapan wawanacapa, uqhamarac familianacapatsa: Maasías, Eliezer, Jarib, uqhamarac Gidalías ucaraqui,

Esdras 2:63

Ucjjarusti gobernadorajj jupanacarojj yatiyänwa loktat mank'anacata jan mank'apjjañapa, mä sacerdotejj Urim, Tumim ucanac toke cunjämänis uca yatiñapcama.

Esdras 3:2

Ucatsti Josadac chachan Josué yokapasa, uqhamarac sacerdote masinacapasa, Salatiel chachan Zorobabel yokapasa, uqhamarac familianacapasa Israelan Diosapan altarapa lurañaruwa uchasipjjäna, uca patjjana nact'ata loktäwinaca loktañataqui, cunjämtï Moisés Diosan jakep toke leyejj siscäna uqhamarjama.

Esdras 3:8

Jerusalén marcaru Diosan utaparu purinitapata payïri marana, payïri phajjsipanwa kalltapjjäna Diosan templopa wasitat utachaña Salatiel sat chachan Zorobabel yokapa, uqhamarac Josadac chachan Josué yokaparaqui, jupanacamp chicäpcän ucanaca, sacerdotenaca, levitanaca, uqhamarac preso apatanacajj Jerusalenaru cutt'anipcäna take ucanacaraqui. Uca luraña sarayapjjañapataquisti catuyapjjänwa pä tunca maranita ucsar jila marani levita chachanacaru.

Esdras 4:2

sarapjjänwa Zorobabel chachampi, uqhamarac Josué chachampi, uqhamarac familianacata jilïr chachanacampi jiquisiri; ucatsti jupanacarojj sapjjänwa: —Nanacajj lurañanjja yanapapjjämaya, nanacasti jumanacjamaraquiwa jutapjjaracta Diosaman ucaru, ucatsti sacrificionacsa loktapjjaractwa Asiria marcanquir Esar-hadón sat reyejj aca chekaru apanipquitu uca urunacatpacha —sasa.

Esdras 4:24

Uqhamatwa Jerusalenan Diosan templopa lurañajja sayantäna, Persia marcanquir Darío reyin payïri marapcama.

Esdras 5:1

Ido sat chachan yokanacapa Hageo, uqhamaraqui Zacarías uca profetanacasti, yatiyapjjänwa Judá orakenquiri, Jerusalén marcanquir jakenacaru, cuntï Israelan Tatit Diosapat catokapcäna uca yatiyäwinaca.

Esdras 5:3

Ucampis Eufrates jawirata inti jalanta tokenquir provinciana Tatnai sat gobernadorampi, uqhamarac Setar-boznai chachampi mayni masinacapampejja sarapjjänwa aqham siri: “¿Qhitisa sapjjtam aca templo wasitat lurayañataqui, uqhamarac aca perkanacsa maderampi apaquipañataquisa? ¿Cuna sutininacäpjjesa aca templo luririnacajja?” sasa.

Esdras 6:14

Uqhamatwa judionacan sarayirinacapajj lurañanacjja sarayasipcaquïna asquichapcäna uca lurañampejja, ucasti Hageo, Ido sat chachan Zacarías yokap uca profetanacan arsutanacaparuw lurasiscäna. Templo lurañasti tucuyasïnwa Israelanquiri Diosan arsutaparjama, uqhamarac Persia marcanquiri Ciro, Darío, Artajerjes uca reyinacan arsutanacaparjamaraqui.

Nehemías 12:1

Aca sacerdotenacamp uqhamarac levitanacampiw cutt'anjjapjjänjja Zorobabelamp chicajja, jupasti Salatiel ucan yokapa, uqhamarac Jusueyamp cuna; sacerdotenacasti acanacänwa: Seraías, Jeremías, Esdras,

Nehemías 12:10

Josué ucasti Joiacim ucan awquipänwa, Joiacim ucasti Eliasib ucan awquipänwa, Eliasib ucasti Joiada ucan awquiparaqui,

Nehemías 5:14

Artajerjes sat reyisti nayarojj Judá orakjjaruwa marca apnakerit utt'ayitäna tunca payan mara, pä tunca mara jupajj reyïcäna ucqhata, quimsa tunca payan maracama jupajj reyiquïscäna ucqhacamajj janiw nayasa, ni yanapirinacajjasa mayisipcäyätti cunatejj marca apnakeriru churañäcäna ucjja.

Nehemías 8:9

Ucatsti Diosan leyipa ist'asinjja take jakenacajj jachapjjänwa. Gobernador Nehemías, yatichiri sacerdote Esdras, uqhamarac jakenacaru Diosan leyipa khanañchiri levita chachanacasa, jupanacajj takeniruwa sapjjäna: “Jan llaquisipjjamti, ni jachapjjaraquimsa, aca urojj Tatit Diosasar loktatätap laycu” sasa.

Éxodo 4:13

Moisesasti saraquïnwa: —¡Ay Tata!, achict'assmawa, yakhaqui qhitham —sasa.

Hageo 1:12

Zorobabelas, Josué chachasa, uqhamarac jakenacasa, Tatitojj cuntejj profeta toke parlcän ucanac ist'asajj wal ajjsarthapipjjäna. Ucracwa Dios Tatitojj jaytawayatayna yatiyañataqui.

Hageo 1:14

Uqhamwa Tatitojj ch'amacht'äna Zorobabelarojja, jupasti Judá marcanjja gobernadoränwa, uqhamarac Josué chacharusa, jupasti jilïri sacerdoteraquïnwa, uqhamarac take jakenacarusa. Ucasti rey Darion pä mara apnakataparusti sojjtïri phajjsina pä tunca pusini uru sarakatarojja wasitatwa take ch'amani Tatitu Diosan templop utachañjja kalltapjjäna.

Hageo 1:2

Take ch'amani Tatitusti aqham sänwa profeta tokjja: “Aca jakenacajj: ‘Janïraquiw templo utachañajj’ sasaw sapjje.

Hageo 2:10

Rey Dariojj apnakcän ucqhajja, llätunquïri phajjsina, pä tunca pusini uru sarakatarusti, Tatitojj Hageo profetaruw parli,

Hageo 2:20

Ucürpacharaquiwa Tatitojj wasitat Hageo profetaru parläna,

Hageo 2:21

ucatsti Zorobabelar sañapataquiw arsuraquïna, jupasti Judá marcanjja gobernadoränwa. “Nayaw alajjpacha, acapacha qhathatiyä.

Hageo 2:4

¡Ucampis ch'amacht'asim Zorobabel! ¡Ch'amacht'asiraquim jumas Josué sacerdotenacan jilïripa! Ch'amacht'asipjjaraquim jumanaca aca marcanquir take jakenaca trabajapjjam, nayaw jumanacampïscta. Naya ch'amani Tatituw arsta.

Zacarías 1:1

Quimsakallko phajjsina pä mara Dariojj reyëjjäna ucqhaw Tatitojj aca arunac parlawayänjja Zacarías profeta, Berequiasan yokapa, Idon allchhiparu. Saraquïnwa:

Zacarías 3:1

Ucjjarusti Tatitojj uñacht'ayituwa mä uñjäwinjja Josué sumo sacerdoteru, jupasti sayt'atäscänwa Tatitun angelap nayrakatana. Josué chachan cupëjjapansti supayaraquiw sayt'atäscäna juchañchañataqui.

Malaquías 1:8

Jumanacataquisti ¿waliquiraquiti nayaru sacrificiona juyqhu uywanaca, cojo uywanaca, uqhamaraqui usuta uywanac loktañajja? ¡Sarapjjamay jach'a jilïri jakenacan ucaru ucanac churiri, inach jupanacajj uca churäwinac: ‘Waliquiw’ sasa catokapjjätam!”

Lucas 3:27

Judasti Joanán yokapänwa, Joanasti Resan yokapänwa, Resasti Zorobabelan yokapänwa, Zorobabelasti Salatielan yokapänwa, Salatielasti Nerin yokapänwa,