Habacuc 1:3 - Qullan Arunaca

³ ¿Cunatsa ucatak llaquisiñanaca, t'akhesiñanaca uñjayista? Nayajj t'akhesiyañanacampi, tucjañanacampi muyuntatätwa; uqhamarac quejasiñanacasa, ch'ajjwañanacasa, take chekanwa utjejja.

Aymar Bibliia 1986

³ ¿Cunatsa ucatak llaquisiñanaca, t'akhesiñanaca uñjayista? Nayajj t'akhesiyañanacampi, tucjañanacampi muyuntatätwa; uqhamarac quejasiñanacasa, ch'ajjwañanacasa, take chekanwa utjejja.

Qullan Arunaka DC

³ ¿Kunatarak ukataq llakisiñanaka, t'aqhisiñanaksa uñjayistasti? Nayax t'aqhisiyañanakampi, tukjatäñanakampi muyuntatätwa; taqi chiqansa, ch'axwañanakampi, nuwasiñanakampikiw utjaski.

Habacuc 1:3 Jak'a apnaqawi uñst'ayäwi

Eclesiastés 4:1

Ucatsti uñjaractwa aca oraken maynir t'akhesiyapqui ucanacsa. Ucatjja uñjaractwa t'akhesiyatanacan jachapjjatapa, ucampis janiw qhiti chuymachiris utjquiti; t'akhesiyirinacapajj ch'amampiw apnakapjje, ucampis janiw t'akhesiyatanacar qhiti chuymachiris utjquiti.

Eclesiastés 5:8

Mä marcantï uñjsta pobreru t'akhesiyiri, uqhamarac cheka asqui lurañaru mayjt'ayirsa, jan muspharamti ucatjja, jilïrjjarusti imt'asquiwa mayni juc'amp jupat jilïri, ucatsti uca paninjjarusti mayni jupanacat juc'ampi jilïriraquiw imt'ascaraqui.

Isaías 46:12

Ist'apjjeta, jan ist'asir jakenaca, khespiyasiñajj wali jayanccaspas uqhamwa jumanacajj amuyapjjtajja:

Isaías 5:7

Take ch'amani Tatitun uva yapupajja, suma munat yapupajja, Israel marcawa, Judá marcawa. Tatitusti jupanacatjja munaraquïnwa leyipajj ajjsaratäñapa, ucampisa jake jiwayañanacacwa jicjjatejja; cheka luräwinacwa suyaraquïnjja, ucampisa t'akhesiñat warariñanacacwa jicjjataraquejja.

Jeremías 15:10

¡Ay cunaquïct nayajja, taycajja, jumaw wawachasista takenimpi waycasiñataqui, uqhamaraqui nuwasiñataquisa! Janiw qhitirus kollke mayt'cti, janiraquiw nayarus mayt'apquituti, ucampisa takeniw nayarojj maldecipjjaraquitu.

Jeremías 20:18

¿Cunataraqui nayasti taycajjan puracapata mistpachätsti, t'akhesiñanaca, llaquisiñanaca uñjañataquisti, uqhamaraqui jacañajjasa mä p'enka tucuyatäñapataqui?

Jeremías 20:8

Sapa cuti parlatajjasti, nuwasiñampi t'unjatäñampi yatiyañataquiquiwa; nayarusti sapa cutiw jan wali arunacampi jisc'achapjjetu, arunacama yatiyatajjatsti nayatjja larusipjjaraquiwa.

Ezequiel 2:6

Jumasti, chacha, jan ajjsaramti jupanacaru, janiraqui ajjsaramsa cuntejj sapcätam uca arunacarusa, ch'aphinacan muyuntatjamas uñjaschïta ucasa, uqhamaraqui alacranes sat animalanac taypinjam jicjjatascchïta ucasa. Janipun ajjsaramti cuntejj sapcätam uca arunacatjja, janiraqui mayjt'asimsa jupanacan mayja uñnakapjjatapatsa, kawkha naya toke sayt'asiri jakenacäsipcpasa.

Mateo 10:16

“¡Amuyasipjjam! Nayasti jumanacarojj ovejanacjamwa kamakenac taypiru qhitapjjsma. Catarinacjam ch'iqhïpjjam, palomanacjam llamp'u chuymaniraqui.

2 Pedro 2:8

Uca asqui chachasti sapüruraquiw uca jakenacan jan wali luratanacap uñjasina, uqhamarac ist'asinsa wali llaquisirïna.