Génesis 50:5 - Qullan Arunaca

⁵ Cunapachatejj awquejjajj jiwañampëjjäna ucapachasti, mä juramento lurayitu juparu, cawquïri sepulturatejj Canaán oraken waquichatäqui ucar imayjjañajjataqui. Nayasti achict'astwa, ucar sarañajjataqui, nayan awquejjar imayañajjataqui, ucatsti cuttanjjäwa —sasa.

Aymar Bibliia 1986

⁵ Cunapachatejj awquejjajj jiwañampëjjäna ucapachasti, mä juramento lurayitu juparu, cawquïri sepulturatejj Canaán oraken waquichatäqui ucar imayjjañajjataqui. Nayasti achict'astwa, ucar sarañajjataqui, nayan awquejjar imayañajjataqui, ucatsti cuttanjjäwa —sasa.

Qullan Arunaka DC

⁵ kunapachatix awkixax jiwañampïxäna ukapachax, mä juramento jupax lurayitu, kawkïr imañ chiqtix Canaán uraqin jupa pachpa wakichaski ukar imxañaxataki. Ukhamasti awkixar imt'asxir sarañatakiw achikt'asta; imt'anxasinsti kuttanxakïwa —sasa.

Génesis 50:5 Jak'a apnaqawi uñst'ayäwi

Génesis 3:19

Sapüru mank'añamsti jump'imampiraquiw jicjjatäta, cuna lak'ata luratäctatejj ucar cutt'añamcama, lak'ätawa, lak'aruraquiw cuttäta —sasa.

Génesis 48:21

Ucjjarusti Josearojj saraquïnwa: —Nayajj jiwañampëjjtwa; ucampis Diosaw jumanacampïsqui, ucatsti nayra tiempo awquinacaman orakeparus cuttayjjapjjaraquïtamwa.

Génesis 50:24

Mä urusti Joseajj jilanacaparojj sänwa: “Nayan jiwañajjajj jac'ancjjewa, ucampis Diosaw jumanacar yanapir jutani, ucatsti aca marcatjja apsuwayjjapjjaraquïtamwa, cawquïri oraktejj Abrahamaru, Isaacaru, Jacoboru, churañataqui arscäna ucaru” sasa.

Génesis 50:4

Lutt'asiña urunaca pasatatsti Joseajj faraonan palaciopanquirinacampiw parläna, saraquïnwa: —Jumanacatejj chekpachansa munapjjchistajja ucapachajj faraonan nayrakatapan arst'asiyapjjeta.

Génesis 50:6

Faraonasti ucjjarojj saraquïnwa: —Awquimarojj imt'ayasincaquim cunjämtejj jupajj mayiyätam uqhama —sasa.

2 Crónicas 16:14

ucatsti imt'jjapjjänwa cawquïr sepulturtejj jupajj lurayascäna Davidan marcapana ucaru. Amayapsti mä callañaruwa uchapjjäna, k'apquir kollanacani, uqhamarac wali yatiñampi take casta wacsuyata suma k'apquiri kollanacampi phokhantata. Ucjjarojja jupan sutiparojja mä jach'a ninwa naqhayapjjaraquïna.

Job 30:23

Yatiractwa jumajj nayarojj jiwañaru apañ munatama, cawqharutejj take jakejj puriñapäqui ucaru.

Salmos 79:3

Jerusalen thiyanacanjja, umar uñtat wilanacap wartapjje, janiw jiwatanacar p'amp'iris utjquiti.

Eclesiastés 12:5

kollu patanacasti ajjsarayaniwa, ucatsti thaquinjja jan walt'añanacaw utjani. Almendrojj pankarañ kalltani, t'ijut'ijusti jathiw tucjjani, alcaparrasti janiw cunataquis asquïcjjaniti. Ucampis jakejj wiñay utjasïwiparuw sarjjani, callenjja niyaw jiwatat jachatanacajja ist'asjje.

Eclesiastés 12:7

Uca pasatatsti lak'acäna ucajj lak'aruw cuttjjani, cunjämäcäntejj nayrajj uqhama, ajayusti Diosan ucaruraquiw cutt'jjaraquini, qhititejj churcäna ucaru.

Eclesiastés 6:3

Mä chachajj patac wawanïscaspawa, ucatsti walja maranacas jacascaraquispawa; ucampis walja jaccasinsa, janitejj yänacapampi cusiscani, ucatsti janiraqui sepulturarus sum imt'atäcaspa ucajja, nayajj sistwa uca chachat sipansa mä sullunucuta wawaw juc'amp asquïsquejja.

Isaías 22:16

‘¿Cuns jumajj acan lurta, jan ucajj qhitis jumar aca chekar sepultura lurasiñamatac churtam, mä suma sepultura wali alto chekaru lurasiñamataqui, uqhamaraqui karkarus mä samarañ cheka p'iyasiñamataqui?

Mateo 27:60

Jupataqui waquichatäcänsa uca sepulturaruraquiw imjjäna, ucasti mä karkaru p'iyatänwa. Mä jach'a kalampi puncupar atintawayasinsti sarawayjjänwa.

Deuteronomio 4:22

Uqhamasti nayajj aca marcan jiwä, janiraquiw Jordán jawirsa qhurcataru maqhatcäti, ucampis jumanacajj uca jawirjja maqhatapjjätawa, uca suma oraksa jumanacataquiw catuntasipjjäta.

1 Samuel 14:43

ucatwa Saúl reyejj Jonatanarojj saraquïna: —Jichhajj khanañchita cuntejj lurcta uca —sasa. Jonatanasti arsusiraquïnwa: —Chekpachansa, nayaw mä juc'a misq'i aca vara ayt'atäcäyät ucampi mallt'ta. Ucampisa acajjay nayajj jichhajj jiwañataquis janc'aquiraquïtwa —sasa.