Génesis 50:25 - Qullan Arunaca

²⁵ Ucatsti Israelan wawanacaparojj mä juramento lurayi, saraquïnwa: “Chekpachansa Diosaw jumanacar yanapir jutani. Uca urusti jumanacajj nayan ch'aqhanacajj-jja apasjjapjjätaw acatjja” sasa.

Aymar Bibliia 1986

²⁵ Ucatsti Israelan wawanacaparojj mä juramento lurayi, saraquïnwa: “Chekpachansa Diosaw jumanacar yanapir jutani. Uca urusti jumanacajj nayan ch'aqhanacajj-jja apasjjapjjätaw acatjja” sasa.

Qullan Arunaka DC

²⁵ Ukatsti Israelan wawanakaparux mä juramento lurayäna, sarakïnwa: “Chiqpachansa Diosaw jumanakar yanapt'ir jutani. Uka urusti jumanakax nayan ch'akhanakax akat apasxapxätawa” sasa.

Génesis 50:25 Jak'a apnaqawi uñst'ayäwi

Génesis 50:5

Cunapachatejj awquejjajj jiwañampëjjäna ucapachasti, mä juramento lurayitu juparu, cawquïri sepulturatejj Canaán oraken waquichatäqui ucar imayjjañajjataqui. Nayasti achict'astwa, ucar sarañajjataqui, nayan awquejjar imayañajjataqui, ucatsti cuttanjjäwa —sasa.

Éxodo 13:18

Ucatwa wasaranjama muytayäna Mar Rojo sat kotaru sarqui uca thaquinjama. Israelitanacajj Egiptotjja wali armantataw mistsuwayapjjäna.

Éxodo 13:19

Moisesasti sarjjasinjja apawayjjaraquïnwa Josean ch'aqhanacapjja. Joseasti jaccasinjja israelitanacarojj juramento lurayäna uqhama lurapjjañapataquejja, sänwa: “Diosaw jumanacarojj yanapapjjätam, ucampis nayan ch'aqhanacajj-jja acatjja apawayjjapjjätawa” sasa.

Éxodo 3:17

Ucatsti nayajj amttwa Egipto marcan t'akhesiñata khespiyasa, cananeonacana, hititanacana, amorreonacana, ferezeonacana, heveonacana, jebuseonacana, orakenacaparu apjjaña cawqhantejj lechesa, misq'isa umjama jalasqui uca orakeru’ sasa.

Éxodo 3:8

Ucatwa nayajj jutta egipcionacana amparapata marcajjar khespiyasa mä jach'a suma orakeru apjjañataqui, cawqhantejj lechesa, misq'isa umjam jalasqui ucaru. Uca orakenacansti cananeonaca, hititanaca, amorreonaca, ferezeonaca, heveonaca, jebuseonaca, ucanacaw jacapjje.

Hechos 7:16

Jacobon ch'aqhanacapasti jaya maranac khepatjja Siquem sat oraker apatajjänwa. Abrahamajj Hamur sat jaken wawanacapat alcataynasa, uca sepulturaruw uchjjapjjaraquïna.

Hebreos 11:22

Iyawsäwi laycuraquiw Joseajj jiwañampëjjasinjja säna: “Israelitanacajj Egipto marcat mistjjapjjaniw” sasa, uqhamarac ch'aqhanacapampejj cuntejj lurasiñapäcänjja ucs sawayaraquïna.

Josué 24:32

Israelitanacajj Egipto marcat apanita Josean ch'aqhanacapjja Siquem sat marcaruw imantjjapjjäna, cawquïri orakenactï Jacob chachajj alcatayna patac kollkenacampi Hamor chachan wawanacapata, cawquïritï Siquem chachan awquipäcän ucata. Ucatsti uca orakenacajj Josean wawanacaparuw wact'araquïna.

Rut 1:6

Ucatwa mä urojj Noemí warmejj Moab marcana ist'äna, Diosajj wastat marcapat qhuyapayasitapata, mach'a maranacasti pasjjataparaqui.