Génesis 49:18 - Qullan Arunaca

¹⁸ “¡Tata, khespiyasiñamwa suyt'ascta!

Aymar Bibliia 1986

¹⁸ “¡Tata, khespiyasiñamwa suyt'ascta!

Qullan Arunaka DC

¹⁸ “¡Tatay, qhispiyasiñam suyaskaktwa!

Génesis 49:18 Jak'a apnaqawi uñst'ayäwi

Génesis 49:17

Dan ucasti mä catarir uñtatäniwa, thaqui jac'anacan liwisisqui, caballonacan cayupsa achjaraqui, caballon lat'jjatata jakerusa liwektayaraqui, uqhama.

Salmos 119:166

Tatay, nayar khespiyañam suyt'ascta, arunacamarjamaw sarnakta.

Salmos 119:174

Tatay, nayar khespiyañam munta; cusisiñajjajj munañam phokhañawa.

Salmos 119:41

Tatay, qhuyapayasiñamay uñacht'ayita, khespiyäwimajj arsutamarjamay purinitpan.

Salmos 123:2

Achict'asiñ chuymampiw Tatit Diosajjarojj uñtapjjta, qhuyapayasiñap suyasa; uywatanacajj uywiripat suyapqui uqhama, uywat warmejj uywiripat suyqui uqhama. Nanacajj Tatitun qhuyapayasiñap suyasipcaracta.

Salmos 130:5

Takpach almajjampiw Tatitur suyt'ascta, takpach chuymajjampiw arunacapar iyawsaracta.

Salmos 14:7

¡Israel marcan khespiyasiñapajj Sión marcatpach jutaquispa! Tatitojj t'akhesiyat marcapar cusisiycan ucapachajja, Jacobon wawanacapajj cusisiniwa, Israel marcasti cusisiraquiniwa.

Salmos 40:1

Nayajj Tatituruw takpach chuymajjamp suyt'äyäta: jupasti naya toker alt'anisin arnakasitajjar ist'i;

Salmos 62:1

Dios sapanac ajayojjajj samarañ jicjjati, khespiyasiñajjajj jupat juti.

Salmos 62:5

Nayajj Dios sapanac samarañ jicjjatta, suyt'añajjajj jupat juti.

Salmos 85:7

Tatay, qhuyapayasiñam uñacht'ayapjjeta, khespiyäwim churapjjeta.

Éxodo 15:2

Tatituw nayan k'ochuñajjajja, juparaquiwa ch'amañchirejjasa, uqhamarac khespiyirejjasa. Jupawa nayan Diosajjajja, ucatwa yupaychäjja; juparaquiw awquejjan Diosapasa, ucatwa jach'añcharaquëjja.

Proverbios 14:32

Ñankha jakerojj jupa pachpan ñankha luratapawa tucjasqui, ucampis cheka lurir jakerojja cheka luratapawa arjjati.

Isaías 25:9

Uca urunsti sataraquïniwa: “Acapi jïwasan Diosasajja, juparuw iyawstan, juparaquiw jiwasarojj khespiyistu, cusisipjjañäni, c'uchirtasipjjaraquiñäni, jupaw khespiyistu.”

Isaías 30:18

Ucampis Tatitojj jumanacat qhuyapayasiñataquiw suyasipctam, jupasti walipuniw munasiñapjja uñacht'ayañ munapjjtam, Tatitusti qhuyapayasiri chekapa Diosaraquiwa. ¡Cusisiñanïpjjew jupar suyt'irinacajja!

Isaías 33:2

Tata, nanacat qhuyapt'ayasipjjeta, nanacasti jumaruquiw suyt'apjjsma. Sapa alway nanacan arjjatirejjämjja jan walt'añ horasansti khespiyapjjaraquitaya.

Isaías 36:8

Jichhajj mä arust'äwir mantam nayan jilïrejjampi, Asirianquir reyimpi; nayajj pä waranka caballonac churäma, inach ucanacataqui jakenac jicjjatäta.

Isaías 8:17

Tatitojj Jacobon marcapat imantascchi ucasa, nayajj juparojj iyawsascaquipuntwa. Juparuquiw nayajj suyt'ascta.

Lamentaciones 3:25

Tatitojj asquiwa jupar iyawsirinacataquejja, qhitinacatejj juparu jac'achasipqui ucanacataquejja.

Oseas 12:7

Tatitojj siwa: “Canaanajj c'ari pesanac apnakañ yati, sallkjañajj jupatac sumätap laycu.

Miqueas 7:7

Ucampis nayajj Tatituruquiw suyt'ä, khespiyiri Diosajjaruquiw take confiansajja uscusiraquï, jupasti nayarojj ist'itaniwa uca laycu.

Mateo 1:21

Mariajj mä yokall wawa wawachasini, JESÚS sasaw suticharaquïta, juparaquiw marcaparojj juchapat khespiyani” sasa.

Marcos 15:43

Ucjjarusti Arimateanquir Joseaw jutäna, jupasti jach'a jilïrinac taypinjja mä jilïriraquïnwa, Diosan reinopsti suyascaraquïnwa. Jan ajjsarasaraquiw Pilaton ucarojj mantäna, ucatsti Jesusan jiwat janchip mayiraquïna.

Lucas 1:30

Ucat angelajj juparojj säna: —María, jan ajjsaramti, jumajj Diosan nayrakatapanjja asqui qhuyapayasiñapwa jicjjattajja.

Lucas 2:25

Qhaya urunacansti Jerusalén marcan mä chachaw utjäna Simeón sutini. Jupasti wali suma jakënwa, Diosaru, suyt'ascaraquïnwa Israel marcan khespiyäwipa. Kollan Ajayuw jupampiraquïna,

Lucas 2:30

Nayrajjampiw Khespiyirirojj uñjta.

Lucas 23:51

Aca Joseasti Diosan reinop suyt'ascäna, uqhamasti janiw “waliquiw” siscänti cuntejj Jach'a Tantachasïwejj lurcatayna ucarojja.

Romanos 8:19

Wali suyt'añampiwa take acapachajj suyt'asqui cunürutejj Diosajj khespiyat jakenaca uñstaycani uca.

Romanos 8:25

Ucampis cuntejj suyapctan ucjja janiw uñjctanti, ucampis llamp'u chuymampiw suyt'apjjañasa.

Gálatas 5:5

Jiwasanacajj Ajayu toke, uqhamarac iyawsañ toketaracwa, Diosan nayrakatapan catokatäña suyt'äwisajj utjistu.

1 Tesalonicenses 1:10

Uqhamaraquiw parlapjje jumanacatjja cunjämtejj Jesusar alajjpachat cutt'aniñap suyapcta ucsa, cawquïrirutejj Diosajj jiwatanac taypit jactaycänjja ucaru. Jupaw ajjsarcañ mutuña jutqui ucatjja khespiyistu.