Génesis 48:14 - Qullan Arunaca

¹⁴ Ucampisa Israelajj bendiciñataqui ampar loktasinsti cruzjiwa, uqhamat cupi amparjja Efrainan p'ekeparu lokjjati, jupasti sullcänwa, ch'eka amparsti Manasesan p'ekepjjaruraqui, jupajj jilïrïcchïn ucasa.

Aymar Bibliia 1986

¹⁴ Ucampisa Israelajj bendiciñataqui ampar loktasinsti cruzjiwa, uqhamat cupi amparjja Efrainan p'ekeparu lokjjati, jupasti sullcänwa, ch'eka amparsti Manasesan p'ekepjjaruraqui, jupajj jilïrïcchïn ucasa.

Qullan Arunaka DC

¹⁴ 14 Jacob chachasti kupi amparap aytasaw Efraín sullka wawan p'iqipar luqxatäna, ukatsti ch'iqa amparap Manasesan p'iqiparuw luqxatarakïna, uksti amtañampiw luräna, Manasés wawan jilïr wawätap yatkasa.

Génesis 48:14 Jak'a apnaqawi uñst'ayäwi

Génesis 41:51

Jilïrirusti Manasés sasaw sutichäna, saraquïnwa: “Diosaw take t'akhesitanacajj armasiyjjetu, uqhamarac familianacajjsa” sasa.

Génesis 41:52

Ucjjaru wawaparusti Efraín sasaraquiw sutichäna, saraquïnwa: “Diosaw nayarojj wawanac apayitu, t'akhescta uca marcana” sasa.

Génesis 46:20

Josean wawanacapasti Asenat warmimpejja acanacänwa: Manasés, Efraín ucanaca. Jupanacasti Egipton nacirïpjjänwa. Asenat warmisti Potifera sat On sacerdoten phuchapänwa.

Génesis 48:13

Ucatsti janc'aquiw panpacha ichjjarusi; Efrainjja cupi ampararu, Manasesarusti ch'eka ampararuraqui, ucat awquipar ichcati. Uqhamaw Efrainajj Israelan ch'ekäjjaparu kheparjjäna. Manasesasti cupëjjaruraqui.

Génesis 48:17

Joseataquisti awquipan Efrainar cupi amparampi lokjjatatapajj janiw walïcänti; uqhamasti awquipan amparapa catusinjja, Manasesan p'ekeparuw lokjjatayi,

Génesis 48:18

saraquïnwa: —¡Tata, janiw uqhamäquiti! Acaw jilïrejja. Cupi amparamsti p'ekepjjaru lokjjatam —sasa.

Salmos 110:1

Tatitojj Reyejjarojj sänwa: “Cupëjjajjar kont'asim, timanacamar tacjjatayañajjcama” sasa.

Salmos 118:16

Tatitun amparapajj jan atipjcayawa, ¡Tatitun ch'aman amparapaw atipjayi!

Éxodo 15:6

Tatitu, jumasti cupi amparaman ch'amapampiw uñisirinacarojj tucjtajja.

Números 2:18

“Inti jalanta tokerusti puripjjaraquiniw cawquïrinacatejj Efraín tribun wiphalapanïqui ucan ejercitonacapa. Efraín tribun ejercitopan jilïripajj Elisama chacharaquiwa, Amiud chachan yokapa,

Números 8:10

Ucatsti levitanacarojj nayan nayrakatajjaruw uñstayitäta, ucat israelitanacajj jupanacaru amparanacapampi p'ekepjjaru lokjjatapjjaraquini.

Números 8:18

Ucampisa ucanac lantwa levitanacarojj catoktjja.

Mateo 16:18

Nayasti saracsmawa, jumajj Pedrötawa, nayasti aca kaljjaruw iglesiajj sayt'ayasï, ucarusti janiraquiw jiwañan munañapas atipcaniti.

Mateo 19:13

Mä kawkha wawanacaracwa Jesusan ucaru irpanipjjäna, jupanacjjaru Jesusajj amparapampi lokjjatañapataqui ucat orañapataquiraqui. Ucampis discipulonacapajj uqham uñjasinjja tokenokapjjänwa uca wawa irpanirinacarojja.

Mateo 19:15

Jesusasti amparapampi uqham wawanacaru lokjjatasinwa yakha tokeru sarawayjjäna.

Mateo 6:5

“Cunapachatejj jumanacajj Diosat mayisipjjäta ucqhajja, jan c'ari chuymaninacjam mayisipjjamti. Jupanacajj sayt'asisinwa sinagoganacanjja mayisipjje, uqhamarac calle esquinanacansa jakenacan uñjatäñataqui. Khanacwa sapjjsma, uca luräwipatjja catokjjapjjewa.

Lucas 13:13

Ucat jupjjaruw amparapamp Jesusajj lokjjati, uca warmisti ucspachaw chekaptjjäna, ucat Diosaru yupaycharaquïna.

Lucas 4:40

Inti jalantarusti takeniraquiw cunayman usutanacaru Jesusan ucarojj apanipjjaraquïna. Jupasti sapakat mayniruw amparapampi lokjjatasin, waliptayäna.

Hechos 13:3

Ucat Tatitur mayisina uqhamarac ayunasinjja, amparanacap jupanacjjar lokjjatasinwa qhitapjjäna.

Hechos 6:6

Ucanacarusti apostolonacan nayrakataparuw irpcatapjjäna. Ucat apostolonacajj amparanacap jupanacjjar lokjjatasinwa oración lurapjjäna.

Deuteronomio 34:9

Ucatsti Josué sat Nun chachan yokapajj, yatiñ cancaña Moisesat catokäna, Moisesajj amparanacap jupjjaru lokjjatatap laycu, uqhamaw israelitanacajj jaysapjjäna, lurapjjaraquïna cunjämtejj Tatitu Diosajj Moisesar ewjjawaycän uqhamarjama.

1 Timoteo 4:14

Jan chhakhayamti cuna ch'amtejj Diosajj churctam ucjja. Iglesianquir jilïrinacaw Diosan munañapata, amparanacapa jumjjaru lokjjatasina ucjja catokayapjjtam.

1 Timoteo 5:22

Jan qhitirus janc'aqui jilïrit utt'ayamti, jan mayninacampi chic juchanïscañamataqui; amuyasipunim take jan walitjja.