Génesis 47:17 - Qullan Arunaca

¹⁷ Egipcio jakenacasti apapjjänwa: Caballonaca, ovejanaca, vacanaca, asnonaca, uqhamawa Josean ucarojj irpanjjapjjäna, ucatsti uca uywanacatjja Joseajj trigo churaraquïna take uca marpacha.

Aymar Bibliia 1986

¹⁷ Egipcio jakenacasti apapjjänwa: Caballonaca, ovejanaca, vacanaca, asnonaca, uqhamawa Josean ucarojj irpanjjapjjäna, ucatsti uca uywanacatjja Joseajj trigo churaraquïna take uca marpacha.

Qullan Arunaka DC

¹⁷ Egipcionakasti Josean ukarux caballonakapa, ovejanakapa, vacanakapa, asnonakap anakipxäna, Joseasti marpachaw uka uywanakatxa trigo churarakïna.

Génesis 47:17 Jak'a apnaqawi uñst'ayäwi

Génesis 47:16

Joseasti saraquïnwa: —Janitejj kollkenacamajj utjcjjapjjstamjja, uywanacam apanipjjam, ucatwa nayajj trigompi trocapjjäma —sasa.

Génesis 47:18

Uca mara pasjjepansti, khepa marajj Josean ucarojj sarjjapjjaraquiquïnwa, aqham sasa: —Tata, janiw jumarojj c'arintapquirismati, janiw kollkejj utjcjjapjjetuti, uqhamarus animalanacajjas jumancjjaraquiwa. Janiw cunas churañataquejj utjcjjapjjetuti, orakenacajjampi, uqhamaraqui nanacpachaquiw jumaru churasjjapjjerismajja.

1 Reyes 10:28

Salomonataquisti caballonacajj apatänwa Egiptota, uqhamarac Cilicia ucataraqui, ucanjja reyina comerciantenacapawa alapjjäna.

Job 2:4

Ucat Supayajj Tatiturojj saraquïnwa: —Mayni jaketaquejja janchipatejj waliquïscchi jan cuna camachata ucajja take cunasa waliquïsquiwa. Ucampis mä jakejja jacañapa khespiyasiña laycojja cunsa luraquispawa.

Éxodo 9:3

Tatitusti ch'amapampejja uywanacjjaruwa mä jach'a jan wali usu apayanini, ucatsti pampanquir take caballonaca, asnonaca, camellonaca, vacanaca, ovejanaca uqhamaw jiwarapjjani.

Isaías 31:1

¡Ay, cunaquïcan qhitinacatejj Egiptor yanap mayir sarapqui ucanacataquejja, uqhamaraqui caballonacaru alcatasipqui, uca walja carronacaparu, walja caballeriaparusa, ucatsti janiraqui Israelan kollan Diosaparu uñtapquiti, Tatiturus thakapquiti ucanacataquejja!

Mateo 6:24

“Janiw qhitis pä patronarojj sirvcaspati, maynirojj munaniwa, maynirusti uñisiraquiniwa, jan ucajj maynirojj jach'achaniwa, maynirusti jisc'acharaquiniwa; Diosampiru kollkempirojj janiw qhitis sirvcaspati.