Génesis 46:32 - Qullan Arunaca

³² uqhamarac take ovejanacapsa, vacanacapsa, uqhamarac take cunatejj jupanacan utjqui ucanacsa apasinjjapjjataynawa, jupanacan irnakañapasti ovejanac, uqhamarac uywanac awatiñawa —sasaw saraquï—.

Aymar Bibliia 1986

³² uqhamarac take ovejanacapsa, vacanacapsa, uqhamarac take cunatejj jupanacan utjqui ucanacsa apasinjjapjjataynawa, jupanacan irnakañapasti ovejanac, uqhamarac uywanac awatiñawa —sasaw saraquï—.

Qullan Arunaka DC

³² jupanakasti ovejanakapsa, vacanakapsa apasinxapxataynawa, ukhamarak taqi kunatix jupanakan utjkäna ukanaksa, jupanakax ovejanak awatiña, vacanak uywañ yatipxi, sasa.

Génesis 46:32 Jak'a apnaqawi uñst'ayäwi

Génesis 37:2

Acaw Jacobon familiapan sarnakäwipajja. Cunapachatejj Joseajj tunca sojjtan maranëjjän ucqhajj, jilanacapampi chicaw ovejanac awatirïna, Bilha, uqhamarac Zilpa sisqui uca awquipan uñt'atanacapan yokanacapamp chica. Joseasti awquiparojj avisapunirïnwa cuna jan walinactejj jilanacapajj lurapjjerïcän ucanacjja.

Génesis 4:2

Ucjjarusti Evajj wawachasiraquïnwa Abel sat wawaparu, jupasti Cainan jilapänwa. Abelasti ovej uywirïnwa, Cainasti yapu yapuchiriraqui.

Génesis 45:10

Gosén oraken jacaraquïta, wawanacamampi, allchhinacamampi, take uywanacamampi cuna, uqhamarac take cunatejj utjctam ucanacampi. Uqhamatwa naya jac'ancascapinïtajja.

Génesis 46:31

Joseasti awquiparu, uqhamarac take familiaparojj saraquïnwa: —Faraonampi jiquisiriw sarä jumanacan purinitam yatiyañataqui. Awquejjampi, jilanacajjampi, uqhamarac take familianacapampisti Canaán oraken jaccasina nayampi jaquiriw jutjjapjje,

Génesis 46:33

Cunapachatejj faraonajj jawsasin jisct'apjjätam: ‘¿Cunan irnakerïpjjtasa?’ sasajja,

Génesis 46:34

ucapachasti jumanacajj sapjjamaya: ‘Nanacajj oveja awatirïpjjtwa nayra tiempotpacha’ sasa. Uqhamatwa Gosén sisqui ucsa tokenacar jacasiñataqui kheparjjapjjäta. Egipcionacasti janiw oveja awatirinacampi mayaqui jacapjjam satäquiti.

Génesis 47:3

Ucatsti faraonajj Josean jilanacaparojj jisct'änwa: —¿Cunan irnakerïpjjtas jumanacajja? —sasa. Jupanacasti sapjjaraquïnwa: —Nanaca juman sirvirimajja oveja awatirïpjjtwa nayra tiempo awquinacajjatpacha.

Génesis 9:20

Noejj yapu jakënwa, juparaquiw uva yapuchañjja uñstayäna.

1 Reyes 9:27

Hiram reyisti uca barconacarojj qhitänwa oficialanacaparu, kota toketa sum yatir jakenaca, uqhamarac kotsa suma uñt'irinaca Salomonan oficialanacapamp chica.

Éxodo 3:1

Moisesasti Jetro sat awcch'ipan ovejanacapwa awatïna, uca awcch'ipasti Madián sat chekanjja sacerdotënwa. Ucampis mä urojja ovejanacwa wali jayaru wasaranjama anaquïna, Horeb sat Diosan kolluparu puriñcama.

Isaías 40:11

Cunjämatejj mä awatirejj ovejanacap ant'ata jutejja, uqhamaraquiw jupajj juti, amparapar ovejanac icht'ata, ichjjarusiwa ovejanacaparojja, uqha wawachat ovej kallunacarusti sum uñjaraqui.

Zacarías 13:5

jan ucasti sapa mayniw sanejja: ‘Nayajj janiw profetäcti, jan ucasti yapuchiriquïtwa. Wawatpachwa pampan irnakañaru uscusta’ sasa.

1 Samuel 16:11

Ucat Isaí jakerojj jisct'äna: —¿Janit juc'ampi yokanacamajj utjcjje? —sasa. —Sinti sullcäqui ucaw utjasqui, jupasti oveja awatiriwa —sasaw Isaí chachajj saraquïna. —Irptayanim. Jupan puriniñapcamajja janiw cunatejj lurañasäqui ucjja lurcañäniti —sasaw Samuelojj saraquïna.

1 Samuel 17:15

Sullcäqui ucasti David satänwa, jupasti Saúl reyin campamentoparuw sarirïna, Belenaruw cuttasincäna awquipan ovejanacap awatiñataqui.