Génesis 45:26 - Qullan Arunaca

²⁶ Cunapachatejj jupanacajj awquiparojj uqham Josean jacascatapa, uqhamaraqui Egipto marcan jach'a gobernadorätapa yatiyapjjän ucqhajj janiw jupajj camsañsa puedcänti, janiraquiw iyawsirjamäcänsa cuntejj yokanacapajj siscatayna uca arunacjja.

Aymar Bibliia 1986

²⁶ Cunapachatejj jupanacajj awquiparojj uqham Josean jacascatapa, uqhamaraqui Egipto marcan jach'a gobernadorätapa yatiyapjjän ucqhajj janiw jupajj camsañsa puedcänti, janiraquiw iyawsirjamäcänsa cuntejj yokanacapajj siscatayna uca arunacjja.

Qullan Arunaka DC

²⁶ Kunapachatix jupanakax awkiparu Josean jakaskatapa, Egipto markan jach'a jilïri apnaqirïtapa yatiyapxän ukkhaxa, janiw jupax kunsa arsurjamäkänti, janirakiw kuntix yuqanakapax siskäna uka arunakarus iyawsirjamäkänti.

Génesis 45:26 Jak'a apnaqawi uñst'ayäwi

Génesis 37:31

Jupanacasti Josean isip catusinjja, mä cabrito jiwayasin uca wilaruw chillsupjjäna,

Génesis 37:35

Yokanacapasa, phuchanacapasa chuymachasipcaraquïnwa, ucampis Jacobojj janiw chuymt'cänti, jan ucasti wawapatjja wal jachäna, saraquïnwa: “Nayasti wawajjatjja lutusïwa, jiwatanac taypin jupampi jiquiscä ucacama” sasa.

Génesis 42:29

Cunapachatejj Canaán oraker purjjapjjän ucqhasti, Jacob awquiparuw take ucanac avist'apjjäna, sapjjaraquïnwa:

Génesis 42:36

Jacobosti ucjjarojj sänwa: —Jumanacajj jan wawani uñjasiyapjjestajja. Joseajj janiw jiwasampïcjjeti, Simeonas uqhamaraqui. ¡Jichhasti Benjamín wawajjwa irpasjjapjjaraquïtajja! ¡Take acanacasti naya contracamaquiwa!

Génesis 42:38

Jacobosti saraquïnwa: —Wawajjajj janiw jumanacampi sarcaniti. José jilapajj jiwjjewa, jichhasti jupa sapaquiw jacjjaraquejja. Cuna jan walt'añasa thaquin utjaspajja, jumanacaw juchanïpjjasma aca awquin llaquisiñat jiwañapataquejja —sasa.

Génesis 44:28

maynïrejj nayatjja sarakawayjjetuwa, ucat acsarusti janiw juparojj uñjcjjaractti. Chuymajjanjja yatistwa, mä cuna animalapuniw mank'antpachajja.

Génesis 45:25

Egiptot mistuwayasinsti Canaán orakeruw purjjapjjäna, cawqhantejj Jacob awquipajj jaccäna ucaru.

Génesis 48:11

Josearusti saraquïnwa: —Nayajj janiw jumar uñcatañjja amtcjjayäti, ucampisa Diosajj wawanacamsa uñcatayasquituwa —sasa.

Job 29:24

Cunapachatejj nayajj lart'asïyäta ucqhasti, janiw jupanacajj iyawsañjja munapcänti, janiraquiw cusisita ajanojjsa uñjañatjja karjasipcänti.

Job 9:16

Nayatejj juparu juezata uñjañapataqui jawsiristjja jupajj janiw uñstancaspati, jawsatajjarusa janjaw ist'caraquispati.

Salmos 105:21

reyejj utap apnakerit Josearojj utt'ayäna, takpach yänacap uñjañapataquiw catuyäna,

Salmos 126:1

Tatitojj Sión marcar wasitat cusisiycän ucapachajja, samcäcaspas uqhamänwa.

Jonás 2:7

K'alapuniw niya jiwjjäyäta, ucqhaw juma Tatitut amtasta, mayisitajjasti Kollan Templomcamaw purintamjja.

Lucas 24:11

Apostolonacataquisti cuntejj uca warminacajj parlcäna uca arunacajj lokhe cancañjamaw jupanacataquejj amuyasïna, ucatsti janiw iyawsapcänti.

Lucas 24:34

Jupanacasti sapjjewa: —Chekapuniw Tatitojj jacatatjjatayna, Simonaruw uñstatayna —sasa.

Lucas 24:41

Ucampis jupanacajj cusisiñampit ajjsarapjjänwa janïraw iyawsapcänti, ucatsti Jesusajj jupanacarojj sänwa; —¿Acan cuna mank'añas utjapjjtamti? —sasa.