Génesis 45:15 - Qullan Arunaca

¹⁵ Ucjjarusti Joseajj take jilanacaparuw khomantäna, jacht'asisaw jamp'att'araquïna takpachaniru. Ucatwa jilanacapajj parlañ kalltapjjäna.

Aymar Bibliia 1986

¹⁵ Ucjjarusti Joseajj take jilanacaparuw khomantäna, jacht'asisaw jamp'att'araquïna takpachaniru. Ucatwa jilanacapajj parlañ kalltapjjäna.

Qullan Arunaka DC

¹⁵ Ukxarusti Joseax taqi jilanakaparuw jamp'att'äna, jacht'asisaw taqpachanir qhumantarakïna. Uka qhipat jilanakapax jupar parlxayapxäna.

Génesis 45:15 Jak'a apnaqawi uñst'ayäwi

Génesis 29:11

Ucatsti Raquelarojj jamp'att'asaw aruntaraqui, jacht'asisa.

Génesis 29:13

Labanasti, cullacapan Jacob yokapat ist'asinsti catokeriw jalsuniraqui, jamp'att'asaw khomantaraqui, ucatsti utaparuw irpjje. Jacobosti take cunatejj pascatayna ucanacwa avist'araquïna.

Génesis 33:4

Ucampis Esaú jilapajj jicjjatiriw jaläna, khomantasinsti jamp'att'araquïnwa. Panpachaniw jachapjjaraquïna.

Génesis 42:24

Joseasti jupanacat sarjjasinjja, wal jachäna. Jupanacan ucar cuttanjjasinsti, jupanacan uñjcataw Simeonarojj wayokjje, ucatsti jupanacan uñjcatawa ñach'antayaraqui.

Génesis 45:14

Joseasti Benjamín jilaparojj khomantänwa, ucat jacharaquïna Benjaminasti Josear khomantasisaw jacharaquïna.

Génesis 45:16

Faraonan palaciopansti yatisiraquïnwa, Josean jilanacapan purinitanacapajja, faraonas jilïri jakenacapasa wali cusisipjjaraquïna.

Génesis 45:2

Ucatsti wali jach'at jachäna, take egipcio jakenacaw ucjja yatipjjaraquïna, ucasti faraonan palaciopcamaraquiw purïna.

Génesis 46:29

Joseajj ordenaraquïnwa mä carro jupatac waquichapjjañapataqui awquipar catoker sarañapataqui. Cunapachatejj jiquintasipjjän ucqhasti awquiparojj khomantasïnwa, ucatsti jaypacharaquiw uqham awquipar khomt'ata jachäna.

2 Samuel 14:33

Uqhamasti Joab chachajj reyin ucwa saräna, cuntejj Absalonajj siscän ucwa yatiyaraquïna, ucatwa reyejj Absalonarojj jawsayaniraquïna. Absalonasti reyin nayrakataparu purinisinsti orakcamaw p'ekepa alt'asïna. Reyisti jamp'att'asaraquiw catokäna.

Salmos 77:4

Tatay, jumaw nayranacajjarojj jan ch'irmthapiyctati, samaketajjajj janiw arsuyirjamäquituti.

Éxodo 4:27

Ucañcamasti Tatitojj Aaronaruraquiw saraquïna: “Wasararu saram Moisés jilamar catokañataqui” sasa. Aaronasti iyaw sasawa saräna Diosan kolluparu puriñcama, ucansti Moisés jilapar jicjjatasinjja jamp'att'asinwa aruntäna.

Lucas 15:20

Ucatwa sartasin cuttanjjäna awquipan ucaru. “Awquipasti jayancquipanwa juparojj uñjäna, ucatwa jupat qhuyapt'ayasisin jicjjatirejj jali, juparusti khomantasa jamp'att'asaraquiw catokäna.

Hechos 20:37

Takeniraquiw jacht'asisa Pablorojj khomantapjjäna jamp'att'apjjaraquïna.

Rut 1:14

Jupanacasti wasitat juc'ampi jachapjjäna. Ucatsti, Orfajj taycch'iparojj ajanupat jamp'att'asaw cutt'awayjjäna. Ucampis Rut warmejj Noemí taycch'ipamp chicaw kheparjjäna.

Rut 1:9

Diosajj munpan jumanacan casarasipjjañama, mä cusisiña familia churaracpan —sasa. Ucapachasti Noemí warmejj jupanacarojj jamp'att'änwa jaytawayjjañataqui, jupanacasti wal jachapjjaraquïna.

1 Samuel 10:1

Uqhamasti Samuelojj mä keru aceite catusinjja Saúl waynan p'ekepjjaruw warjjatäna, ucat saraqui: —Tatituw jichhürojj Israelan apnakeripat utt'ayastam. Jumaw jichhajj jupanacar apnakäta, uqhamarac uñisirinacapan amparapatsa khespiyaraquïta. Tatitun jumaru yakhachatapat señälasti acäniwa, Israel marcapa apnakañapataqui:

1 Samuel 20:41

Uywatan sarjjatapatsti, Davidajj janc'aquiw uca kala chhajjwa khepäjjat mistuni. Ucatsti Jonatán nayräjjarojja quimsa cutiw oraker ajanup puriyañcama alt'araquïna. Ucat janc'aquiw jamp'att'asipjjäna, panpachaniw jachapjjaraquïna, Davidan chuyma utt'ayasiñapcama.