Génesis 42:19 - Qullan Arunaca

¹⁹ chekpacha suma jakenacäpjjsta ucajja. Jumanacajj mayni jilamaru carcelar jaytawayapjjam, ucat mayninacasti sarjjapjjam trigo apapjjaraquim familianacaman mank'añapataqui.

Aymar Bibliia 1986

¹⁹ chekpacha suma jakenacäpjjsta ucajja. Jumanacajj mayni jilamaru carcelar jaytawayapjjam, ucat mayninacasti sarjjapjjam trigo apapjjaraquim familianacaman mank'añapataqui.

Qullan Arunaka DC

¹⁹ chiqpacha suma jaqinakäpxsta ukaxa, jumanakax mayni jilamar carcelar jaytawayapxam, ukat mayninakasti sarapxam, utamankirinakatak trigo apapxarakim jupanakan manq'asiñapataki.

Génesis 42:19 Jak'a apnaqawi uñst'ayäwi

Génesis 41:56

Cunapachatejj mank'at t'akhesiñajj take marcpacharu niya purjjän ucapachasti Joseajj cawqhantejj trigojj imatäcän uca depositonacwa jist'arayi, ucat egipcio jakenacar aljaraqui, mank'at awtjayasiñasti juc'ampi ch'amampiw sartaraquïna.

Génesis 42:18

ucampisa quimsa uru pasatatsti saraquïnwa: —Nayajj Diosar ajjsarir jakeraquïtwa. Jichhajj cuntejj sapcäma uc lurapjjam, uqhamat jumanacajj perdonatäjjapjjäta,

Génesis 42:20

Ucjjarusti sullca jilama irpt'ata cuttanipjjam, uqhamat nayajj yatï chekätaynat janicha cuntejj sapcta uca. Janitejj chekäcchi ucasti jumanacajj jiwapjjätawa —sasa.

Génesis 42:26

Jilanacapasti asnonacapar trigo qhumjjatt'awayasisajj sarjjapjjänwa.

Génesis 42:33

—Ucatsti jupajj sapjjaraquituwa: ‘Aqhamatwa jichhajj yatiñäni chekat janich cheka cuntejj sapcta ucajja. Jichhajj acar jaytawayapjjam mayni jilama, ucatsti mä juc'a trigo apapjjaraquim familianacamataqui.

Génesis 45:23

Awquiparusti apayaraquïnwa cunanacatejj sumäcän Egiptonjja ucanaca tunca asnor qhumt'ata, yakha tunca asnonacasti trigo qhumupjjaraquïna, t'ant'ampi, mank'ampi cuna awquipajj thaquin mank'asiñapataqui.

Isaías 42:22

ucampis aca marcarojj lunthatjapjjewa, k'epsuwayapjjaraquiwa, takenirus preso catuntapjjaraqui, calabozonacaruw jist'antapjjaraqui; jupanacsti catuntasipjjaraquiwa, janiraquiw qhitis jupanacat arjjatirejj utjquiti; jupanacsti lunthatawayapjjewa, ucampis janiw qhitis khespiyirejj utjquiti.”

Isaías 42:7

Juyqhunacarusti uñjayañamwa muntjja, carcelanquirinacarusti carcelat irpsuñamaraqui, cawqui ch'amaca calabozonacantejj jacapqui ucata.

Jeremías 37:15

Ucanacasti Jeremiasar uñjasajj walpun colerasipjjäna, Jeremiasarusti nuwjayapjjaraquïnwa, Jonatán, qhititejj reyin secretariopäcänjja, ucan utaparuw carcelt'ayapjjaraquïna, uca utsti carcelaruw tucuyapjjaraquitaynajja.