Génesis 41:42 - Qullan Arunaca

⁴² faraonajj amparapat anillopwa apsusi, uca anillosti reyin sellopanïnwa, ucsti Josean amparaparuw uchjje. Ucjjarusti suma lino isinacampi isthapiyapjjañapataquiw arsuraquïna, ucatsti mä kori collarampiw ucharaquïna.

Aymar Bibliia 1986

⁴² faraonajj amparapat anillopwa apsusi, uca anillosti reyin sellopanïnwa, ucsti Josean amparaparuw uchjje. Ucjjarusti suma lino isinacampi isthapiyapjjañapataquiw arsuraquïna, ucatsti mä kori collarampiw ucharaquïna.

Qullan Arunaka DC

⁴² faraonax amparapat surtijap apsusïna, uka surtijasti reyin sutipanïnwa, uksti Josean amparaparuw uchäna. Ukxarusti suma lino isinakampi isthapiyapxañapatakiw arsüna, ukhamarak mä quri wallqampi kunkapar ajuntayapxañapataki.

Génesis 41:42 Jak'a apnaqawi uñst'ayäwi

Génesis 38:18

—¿Cunsa munta nayan jaytañajj-jja? —sasaw Judäjj jisct'araquïna. Warmisti: —Sellompi, cordonapamppacha, thujrumampi jaytawayita —sasaw saraquïna. Judästi take ucanacjja churjjänwa, ucatsti uca warmimpiw iquintäna, usur jakeptayaraquïnwa.

Génesis 41:43

Ucjjarusti jupanquïrit payïri suma carroparuraquiw irpjjatäna, ucatsti “Uñtapjjam” sasaw jupa nayrakatan arnakapjjäna. Uqhamaw Josearojj utt'ayäna takpach Egipto marcar apnakañapataqui.

Ester (hebreo) 10:3

Mardoqueo sat judiosti reyit ucjjarojj jupaw jilïrïnjja, ucampis jupajja judionac taypinjja mä jach'a jaket uñt'atänwa, uqhamarac marca masinacapan munataraqui, jupajja thakänwa asquinaca marcapataqui, uca quipcaraqui nuwasiraquïnwa jupa casta jakenacan asquipataqui.

Ester (hebreo) 3:10

Ucatsti reyejj amparapata sortija apsusisinsti, judionacaru uñisir Amán chacharuw churäna.

Ester (hebreo) 3:12

Mara kallta phajjsina tunca quimsa uru sarakatarusti take reyin secretario kellkerinacapawa jawsayatäna. Jupanacajj kellkapjjänwa Amán chachajj mayqui provincianquir jilïrinacaru, uqhamarac take marcanquir jilïrinacaru ucanaca. Aca arsüwisti kellkatänwa sapa provincianacana, marcanacan lajjranacapata, uqhamaraqui rey Asueron sutiparu firmata, anillopampi sellantataraqui.

Ester (hebreo) 8:10

Take cartanacasti rey Asueron sutipampi firmantatänwa, uqhamarac sellopampi sellantataraqui. Ucatsti apayatänwa carta apirinacaru, ucsti reyin wali jalir caballonacapar lat'jjatawayasinwa jalayapjjäna.

Ester (hebreo) 8:15

Mardoqueosti reyin palaciopatjja mistuwayänwa laramampit jank'ompit lurat túnica isin isintata, ucat p'ekerojj mä kori coronampi asjjatata, uqhamarac lino sat wila k'ellu manto capani. Uqham uñjasinsti Susa marcan take jaquirinacaw wali cusisita arnakasipjjäna.

Ester (hebreo) 8:2

Ucatsti reyejj, Amán chacha catcäna uca anillo apsusisasti Mardoqueoruw churäna. Ester warmisti Mardoqueorojj ucharaquïnwa cunanacatejj Amán chachan utapan utjqui ucanac apnakañapataqui.

Ester (hebreo) 8:8

Jichhasti sapjjsmaw kellkapjjam nayan sutejjampi cunjämarutejj walïrjamäqui judionacataquejj uqhamarjama. ¡Ucatsti cartanacarojj reyin sellopampi sellantawayapjjam! —sasa. (Reyin sutipampi firmata, uqhamarac sellopampi sellantata cartasti janiw inamayaquïcaspati)

Salmos 73:6

Ucat jach'achasiñajj collarapar tucu, nuwasiñasti isipar tucuraqui;

Proverbios 1:9

Uca yatichäwinacasti jumataquejj mä suma c'achachäwïniwa, mä suma collarar uñtataraqui.

Proverbios 31:22

Jupa pachpawa iquïñanacjja sawusiraqui, ucatsti suma telat lurat isinacampiw isisiraqui.

Proverbios 31:24

Jupajj isinaca, wac'anaca lurasinjja, alirinacaruwa alji.

Cantar de los cantares 1:10

¡Ajanumajj cunja sumasa aretenac taypinjja! ¡Cunja jiwaquisa cuncamajja perlanacat lurata collaranac taypinjja!

Cantar de los cantares 4:9

Munat cullaquitajjay, chuymwa lunthatistajja, mä cuti uñtatampiquiwa; cuncamancquis uca collaraman perlapampiw chuymajj lunthatista.

Isaías 3:23

espejonaca, suma telanaca, ch'okasiñanaca, uqhamaraqui mantillanacsa, k'alwa chhaktayäjja.

Jeremías 52:33

Uqhamaw Joaquín sat Judá marcanquir reyejj carcel isipjja apsusjjäna, ucatsti reyimpi chicaraquiw mesapan mank'asjjäna take urunacapanjja.

Ezequiel 27:7

Velomsti, Egiptot apanita suma linonacat bordata lurapjjaraqui, ucasti jumataquejj mä wiphaljamänwa; carpamasa wila morado telanacat lurataraquïnwa; Elisa sisqui ucsa kota iramanacata apanita telanaca.

Daniel (hebreo) 5:16

Ucampisa nayajj ist'twa jumajj ch'amanïtama, take payachasïwinaca, uqhamaraqui cuna ch'ama yänacatejj utjqui ucsa khanañchirïtama. Jumatejj uca arunaca leet'äta, ucatsti cuntejj sañ munqui uca khanañcharaquïtäta, ucapachasti jumarojj mä suma púrpura sat isimpiw isthapiyäma, cuncamarusti mä kori cadena warcuntayaraquïma, nayan reinojjansti quimsïri chekaruw utt'ayaraquïma —sasa.

Daniel (hebreo) 5:29

Ucspachaw Belsasar reyejj saraquïna, Daniel chacharojj púrpura isinacampi isthapiyapjjañapataqui, cuncaparusa mä kori cadena warcuntapjjañapataqui, ucatsti take jakenacaruwa yatiyaraquïna ucspacha Daniel chachajj uca reinonjja quimsïri chekaru utt'ayatäñapawa, sasinwa yatiyäna.

Daniel (hebreo) 5:7

Ucat warariraqui, take yatiri, uqhamaraqui yatiñani, warawaranaca uñch'uquiri jakenacajj Babilonian utjcänsa take ucanacaruw jawsayäna, ucat jupanacarojj saraquïna: “Qhititejj aca perkan kellkatäqui uca leet'ani ucat uca kellkajj cuntejj saña munqui uca khanañcharaquitani, ucajj púrpura sat suma isinacampi isthapiyatäniwa, cuncaparusti mä kori cadenaw warcuntasiraquini, nayan reinojjansti quimsïri chekaru utt'ayataraquïniwa” sasa.

Lucas 15:22

Awquipasti uywatanacaparojj sänwa: ‘Janc'aqui suma isi apsunipjjam, ucat isthapiyapjjam; amparaparusti sortija uchapjjam, cayunacaparusti zapatomp uchantapjjam.

1 Samuel 18:4

Uqhamarusa Jonatanajj capapampi, isinacapampi isirasisinjja Davidaruw churjjäna, uqhamarac espadapsa, arcopsa, cinturonapsa churjjaraquiquïnwa.