Génesis 41:34 - Qullan Arunaca

³⁴ Jichhajj jumajj aqham luram: Jumajj gobernadoranac utt'ayam, ucanacajj take marcpacha sarapjjpan, ucatsti uca pakallko suma maranacanjja, trigo achunacatjja pheskëri parte apthapiyapjjpan take Egipto orakena.

Aymar Bibliia 1986

³⁴ Jichhajj jumajj aqham luram: Jumajj gobernadoranac utt'ayam, ucanacajj take marcpacha sarapjjpan, ucatsti uca pakallko suma maranacanjja, trigo achunacatjja pheskëri parte apthapiyapjjpan take Egipto orakena.

Qullan Arunaka DC

³⁴ Jichhax jumax rey, akham luram: Marka apnaqirinak utt'ayam, jupanakax taqpach markanakar sarapxpan, ukatsti uka paqallqu suma maranakanxa, Egipto uraqin achuri taqi juyranakat chikatan chikatapäki uk apthapipxpan.

Génesis 41:34 Jak'a apnaqawi uñst'ayäwi

Génesis 41:33

“Walïspaw jumajj mä suma amuyt'ani ch'iqhi jake chhijllañama, jupan take marcpacha apnakañapataqui.

Génesis 41:35

Uca suma maranacansti trigo cosechanacatjja sumpun imapjjpan, uqhamaraqui marcanacansa imapjjpan, jakenacar mank'ayañataqui.

Génesis 47:24

ucampis faraonarojj cosechanacamatjja pheskëri parte churapjjäta; ucjjar pusi partëqui ucasti jathataquïniwa, jumanacana, wawanacamana, uqhamarac take qhitinacatejj jumanacampïqui ucanacan mank'añanacapataquiraqui —sasa.

Génesis 47:26

Uqhamwa Joseajj utt'ayäna take Egipto marcanjja cosechanacat pheskëri parte faraonar churasiñapa, aca leyisti jichhacamaw utjasqui, ucampis sacerdotenacajj janiw cunsa churapcaraquiti, orakenacapajj janipuni faraonancatap laycu.

2 Crónicas 34:12

Uca chachanacasti sumwa phokhapjjäna lurañanacapana, ucatsti qhitinacatejj jupanacjjaru uchatäpcäna ucanacasti Jahat, Abdías sat levitanacäpjjänwa. Jupanacasti Merari, Zacarías, Mesulam uca chachanacat sarakerinacäpjjänwa, qhitinacatejj Coat chachat sarakeri jilïrinacäpcäna ucanacaraqui. Jupanacasti k'epirinacjjaru uchatäpjjänwa, ucatsti sarayapjjänwa take qhitinacatejj uca lurañancapcäna ucanacaru. Take levita jakenacasti musiconacäpjjänwa, mayninacajj kellkerinaca, arsutanac phokhayirinaca, jan ucajj puncu uñjirinacaraqui.

Nehemías 11:9

Jilïripasti Joel satänwa, Zicri ucan wawapa; uqhamarac Judá ucasti, Senúa ucan wawapänwa, jupasti marcana payïri jilïrïqui ucänwa.

Job 5:20

Mank'at awtjata sarnakañ horasansti, jiwañatsa khespiyaraquïtamwa, nuwasiñ urunacansa espadampi jiwayatäñatjja khespiyaraquïtamwa.

Salmos 33:19

jiwan amparapat jupanacar khespiyañataqui, mach'a pachanacan chuymachañataqui.

Proverbios 22:3

Ch'iqhi jakejj jan walt'aña uñjasinjja jaltjjewa, ucampis jan amuyt'asir jakejja mantascaquiwa, ucatsti ñankha luräwinac jicjjati.

Proverbios 27:12

Ch'iqhi jakejj jan walt'aña uñjasinjja jaltjjewa; jan amuyt'asiri jakesti mantascaquiwa, ucatsti t'akhesiwa.

Números 31:14

Ucampisa Moisesajj colerasïnwa, cawquïri jilïrinacatejj waranka, uqhamarac pataca soldadonacan nayrakatap jutapcäna nuwasïwit cuttanisa ucanacataquejja.

Lucas 16:5

Ucatwa maynit mayni jawsi qhitinacatejj patronaparu manüpcäna ucanacaru. Nayrakat jutirirusti jisct'änwa: ‘¿Kawkhas patronajjarojj manupäta?’ sasa.